Roma 8:25 - Tennet

²⁵ I̱yo̱ko̱ zin, ming karikka naga zi̱nze̱tti̱ kaal cik ngen naga kicinnet, kere zin zi̱nze̱tti̱nne̱ cik alali.

Roma 8:25 ပူးပေါင်းရင်းမြစ်များ

Kananet 49:18

Korongi anna ti̱ri̱ze̱ne̱t cunne, Manyi Ta̱mu̱ta̱dde̱n.

Lu̱ka̱ 21:19

Okko zo̱ze̱ ci abilnnu niga ju̱rru̱m, amudannu atin niga ruget.”

Lu̱ka̱ 8:15

Imma i̱nyo̱mo̱na̱ ne̱k i̱i̱na̱k nginti een to̱ri̱c ko̱, atubo ki ol cik aziye zoz ci Ta̱mu̱ta̱dde̱no̱ ju̱rru̱m kar bo̱do̱k kanyait zi̱nze̱tti̱ cik abunna, aziye zoz ci Ta̱mu̱ta̱dde̱no̱, a̱gga̱ zin, kar ngati a̱gga̱me̱ anyaha o̱ya̱u̱ cik abunna.

Roma 12:12

Abunna ming atalninnu ngati arikku zi̱nze̱tti̱ Ta̱mu̱ta̱dde̱n. Ming apirnannu, inimet no̱ngi̱tto̱n, alayo odohize.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 8:23

Abarik iróng pirnanet neci aave kaale cik eenycai do̱, aave pirnanet bu̱k ngatinna, ol balik aanyyet Ta̱mu̱ta̱dde̱n Vongiz arrak oowa ke̱; kabalac zin naga zi̱nze̱tti̱nne̱, ngati kerewe e̱le̱tti̱ cik een jor ko̱, kar Manyi ki̱ye̱le̱t ke̱e̱ggi̱n naga dooli ciginnek.

Kolosiya 1:11

Kalayya nonno bu̱k abunna ming a̱a̱nyu̱ng doiz ci a̱kku̱ di̱ngdi̱ngo̱nte̱ cinne kar atin niga anyait zi̱nze̱tti̱ cik alali animnyu no̱ngi̱tto̱n, kar bo̱do̱k abait baiz talninta.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

2 Te̱se̱lo̱ni̱ka̱ 3:5

Kala Manyi ka̱a̱nyu̱ng kar a̱gga̱c rezinet ol ki Ta̱mu̱ta̱dde̱n, kar zin bo̱do̱k kalaltung zi̱nze̱tti̱ ki nimenet zoz ci Ki̱ri̱sto̱.

I̱bu̱ru̱ 10:36

Abunna ming Animnyu no̱ngi̱tto̱n, kar u̱tu̱gu̱z kaal cik orong Ta̱mu̱ta̱dde̱n. Kar atin urubta kaal balik u̱du̱wa̱ enne ke̱.

I̱bu̱ru̱ 6:12

Ma arnannu go̱o̱le̱ necu, u̱tu̱gu̱z ki ol wak a̱tu̱we̱ wak a̱gi̱d ol kar ku̱zu̱tte̱ zoz ci Ta̱mu̱ta̱dde̱no̱.

I̱bu̱ru̱ 6:15

Erewo zin Aburahami zee kakat zoz bali u̱du̱wa̱ Ta̱mu̱ta̱dde̱n ke̱ mo̱o̱le̱t.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 13:10

Ming anyozik e̱e̱ti̱ imma kar atin ka̱gga̱me̱ illawa, okko atin enne a̱gga̱mnye̱ de̱de̱. Ming u̱du̱ya̱i̱ zoz ci e̱e̱to̱ okko enne a̱ru̱we̱ nya̱tu̱ba̱ta̱ ka̱da̱k, a̱ru̱we̱ atin enne nya̱tu̱ba̱ta̱ de̱de̱. Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kinimet zo̱zzo̱k kanyait zi̱nze̱tti̱ cik alali.

O̱no̱zzo̱k 14:12

Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kanyait zi̱nze̱tti̱ cik alali, anime no̱ngi̱tto̱n kar ko̱to̱ngo̱o̱ltte̱ lo̱ti̱nno̱k cik Ta̱mu̱ta̱dde̱no̱ kar ke̱me̱dda̱ odohize ngati a̱tu̱we̱ zoz ci Ye̱su̱.