Roma 8:2 - Tennet

² Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

Roma 8:2 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 4:10

O̱bo̱de̱k zin Ye̱su̱ nonno, izek ne, “Ming aanyi gi̱i̱ gga̱ mucenet ci Ta̱mu̱ta̱dde̱no̱ ki e̱e̱t ci a̱jji̱nni̱ maam ko̱, a̱jji̱nni̱ wo̱ye̱ i̱nna̱ nonno kar kaanyi maam cik rugeto.”

Kaviyak wak Abunna Ta̱mu̱ta̱dde̱no̱ eher Joni 4:14

Ma̱i̱je̱ e̱e̱ti̱ ci aud maam cik kanyike anna, iróng atin a̱ru̱k koor udut, abarik ovvo maama ne̱ke̱ ogon ki maama cik a̱ri̱ya̱ anyaha ruget ci aave udut.”

Kaviyak wak Abunna Ta̱mu̱ta̱dde̱no̱ eher Joni 6:63

Aanyik Vongizi ol ruget, iróng ele aanyyet gi̱i̱ imma. Kaal cik ka̱du̱wa̱kku̱ng ko̱ een zoz ci Vongizo, aanyyet ruget.

Kaviyak wak Abunna Ta̱mu̱ta̱dde̱no̱ eher Joni 8:32

Kar atin a̱gga̱c zoz ci een de̱de̱, arannu̱ng atin zoz neci mu̱nye̱ne̱.”

Kaviyak wak Abunna Ta̱mu̱ta̱dde̱no̱ eher Joni 8:36

Ming aara Ngerinne mu̱nye̱n cigunnek, abau i̱nna̱ labak ki̱zze̱c mu̱nye̱na̱ to.

Roma 16:3

Izayeang Priscilla ki mac cinne Akuila balik ka̱li̱ngli̱ngnya̱ ki nogo nga̱to̱de̱ zo̱ze̱ ci Ye̱su̱ Ki̱ri̱sto̱ bu̱k ke̱.

Roma 3:27

Aanyyet zin i̱yo̱ko̱ Ta̱mu̱ta̱dde̱n bunnate cinne go̱o̱le̱ ci aarane ba̱ci̱nno̱k cigga̱c. Kanyak zin i̱yo̱ko̱ naga gool ci kadihize e̱le̱tti̱ zo̱ze̱ necu? I̱llo̱i̱ udut, aarannet enne mu̱nye̱n ming ka̱tu̱ naga Ye̱su̱, iróng een go̱o̱le̱ ci kazunne lo̱ti̱nno̱k.

Roma 5:21

Ki i̱yo̱ko̱, ming anyahak zin mu̱nye̱na̱ ol daiz lo̱o̱ta̱ ngatu; imma zin deteni abal ol bunnate ci Ta̱mu̱ta̱dde̱no̱ kar kaanyyet baiz wa aave udut ngati Ye̱su̱ Ki̱ri̱sto̱ Manyitinna.

Roma 6:14

Ma anyikku mu̱nye̱n kanyait doiz ngatinno̱ng, eci lo̱ti̱nno̱wa̱ balik reentik Musesi ke̱ iróng ngen bo̱do̱k abalung, abarik aanycik de̱ti̱ne̱t ci Ta̱mu̱ta̱dde̱no̱ kabalung.

Roma 6:18

I̱yo̱ko̱ zin, iróng niga ngen anyakku mu̱nye̱n, abarik izetu niga du̱cca̱k cik bunnat ci Ta̱mu̱ta̱dde̱no̱.

Roma 6:22

I̱yo̱ko̱ zin, aara Ta̱mu̱ta̱dde̱n mu̱nye̱n ciggo̱k, abaktu labak, izetu niga du̱cca̱k cik Ta̱mu̱ta̱dde̱no̱. A̱a̱nyu̱ng zin zoz necu izet ol cik a̱li̱le̱ kar bo̱do̱k kuyung baize ci aave udut.

Roma 7:21

Ming orong zinin cinanne ku̱tu̱gu̱ gi̱i̱ ci abunna, abarik kamuda ele cinanni ku̱tu̱gu̱ gi̱i̱ ci gerze, lo̱ti̱nno̱k cik aanya annit ku̱tu̱gu̱ niko.

Roma 7:23

Kacinni zinine cinanni, anyak kaal u̱gge̱ cik ooro zinine cinanni, kecebe lagame ci lo̱ti̱nno̱k cik mu̱nye̱nu̱, alamte kaala wak ki̱no̱ni̱ korongi ku̱tu̱gu̱.

Roma 7:4

Gotonogga ki ngonogga tu̱we̱nta̱, aave baizi ci ogon niko bu̱k ngatinno̱ng. Iróng lo̱ti̱nno̱wa̱ bo̱do̱k anyak ngatinno̱ng komiz ci kar kabalung, eci bali a̱da̱kne̱ Ye̱su̱ ke̱, ogon ki i̱yo̱ko̱ bu̱k a̱da̱kttu̱ niga ki nonno lo̱ti̱nno̱we̱. Anyakku zin niga gool ci arumenu ki Ki̱ri̱sto̱ bali ingazi daiza kurug ke̱, abunna zin ka̱li̱ngli̱nge̱k Ta̱mu̱ta̱dde̱n.

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

1 Ko̱ri̱nto̱ 15:45

E̱he̱rye̱ Warage ci Ta̱mu̱ta̱dde̱no̱ azi ne, “Arrak bali oowa ke̱ eenyca Ta̱mu̱ta̱dde̱n e̱e̱t wa azi zara Adam, kar kanyik nonno ruget.” Imma Adami wa a̱kku̱ vu̱rrta̱, een enne Vongiz wa a̱kku̱ kar ki̱ki̱ya̱ kaanyik ol ruget.

2 Ko̱ri̱nto̱ 3:17

I̱yo̱ko̱ zin, een Manyi Vongiz, ma zin ngati aave Vongizi ci Manyi, kabak yahe.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

Ga̱la̱ti̱a̱ 2:19

Eci ming korongi kuzute keer neci, egerzan baiz cinanni. Imma i̱yo̱ko̱, kutunga lo̱ti̱nno̱k cik Musesi, koronga baiz ci Ta̱mu̱ta̱dde̱no̱ de̱de̱.

Ga̱la̱ti̱a̱ 5:1

I̱yo̱ko̱ zin iróng naga ngen kecebje, eci oogawet Ki̱ri̱sto̱ kotozzo labak. Ibilet okkomit kak baize ci a̱tu̱yyu̱ Ye̱su̱, ma ngen a̱mi̱ro̱ni̱kku̱ lo̱ti̱nno̱k wak Musesi, kar izet du̱cca̱k bo̱do̱k ki ba̱li̱ye̱.

Ga̱la̱ti̱a̱ 6:2

Eelta ol cik anyak no̱ngi̱tto̱n orgene cunno̱ng, ming u̱tu̱gu̱zzu̱ niko, u̱zu̱ttu̱ zin niga lo̱ti̱nno̱k cik Ki̱ri̱sto̱.

Je̱mi̱s 1:25

Imma e̱e̱ti̱ ci aziye lo̱ti̱nno̱k wak Ta̱mu̱ta̱dde̱no̱ aanyet ku̱tu̱gu̱z kaal labak ci iróng ko̱ngo̱o̱li̱ne̱ gi̱i̱ imma, kar kuzute lo̱ti̱nno̱k ne̱ke̱, iróng erehek lo̱ti̱nno̱wa̱ balik izik enne ke̱, a̱mu̱yu̱k atin Ta̱mu̱ta̱dde̱n nonno kaale cik ogon enne do̱o̱k.

O̱no̱zzo̱k 11:11

Imma baling edeccai i̱i̱nya̱ cik e̱e̱ggi̱n i̱i̱yo̱ ki cikidik, i̱tto̱ zin rugeti ci Ta̱mu̱ta̱dde̱no̱ nogo, itingazzo zin nege daiza a̱vvu̱to̱ je̱e̱na̱, kar bba̱ri̱to̱ni̱ ki̱ta̱k ol balik icinnet nogo ke̱.

O̱no̱zzo̱k 22:1

I̱ye̱le̱ya̱ zin anjilo liil wa a̱ri̱k maama cik rugeto cik caalek paz, a̱ri̱ya̱ lecere ci Ta̱mu̱ta̱dde̱no̱ ki ci Nyoono,