Roma 8:16 - Tennet

¹⁶ A̱du̱wa̱kke̱t Vongizi ci Ta̱mu̱ta̱dde̱no̱ de̱de̱ ke̱e̱ggi̱n naga dooli cik Ta̱mu̱ta̱dde̱no̱.

Roma 8:16 ပူးပေါင်းရင်းမြစ်များ

Ma̱te̱yo̱ 5:9

U̱mu̱yu̱k Ta̱mu̱ta̱dde̱n ol wak aganiz ol, ovvo atin nege e̱e̱ggi̱n dooli cik Ta̱mu̱ta̱dde̱no̱.

Lu̱ka̱ 20:36

iróng zin atin nege ngen a̱da̱i̱; u̱tu̱gu̱zzo̱ nege kiwagon anjilonya. E̱e̱ggi̱n nege dooli cik Ta̱mu̱ta̱dde̱no̱, ming e̱e̱ggi̱n nege dooli cik ingazi daiza.

Kaviyak wak Abunna Ta̱mu̱ta̱dde̱no̱ eher Joni 1:12

Ma̱i̱je̱ ol do̱o̱k wak elemtta nonno, ki wak a̱tu̱ zoz cinne, aanyik enne nogo do̱o̱k gool ci ovvo nege e̱e̱ggi̱nne̱ dooli cik Ta̱mu̱ta̱dde̱no̱.

Buk wa To̱ni̱a̱u̱ 5:32

Ke̱e̱ggi̱nna̱ zin bbacak kaale ne̱ko̱, kar zin bo̱do̱k Vongizi ci A̱li̱le̱ bali aanyik Ta̱mu̱ta̱dde̱n ol wak o̱ngo̱o̱le̱ nonno.”

Roma 8:14

Imma ol ne̱k aanyik Vongiz ci Ta̱mu̱ta̱dde̱no̱ kabal nogo ko̱, e̱e̱ggi̱n nege dooli cik Ta̱mu̱ta̱dde̱no̱.

Roma 8:19

Ma kaala cik eenyca Ta̱mu̱ta̱dde̱n lo̱o̱ta̱ ngatu ko̱ do̱o̱k, e̱re̱ye̱ talninta, orong nege i̱i̱te̱n ci atin okko Ta̱mu̱ta̱dde̱n i̱ye̱le̱k ciko ngene cik e̱e̱ggi̱n nege dooli ciginnek.

Roma 8:23

Abarik iróng pirnanet neci aave kaale cik eenycai do̱, aave pirnanet bu̱k ngatinna, ol balik aanyyet Ta̱mu̱ta̱dde̱n Vongiz arrak oowa ke̱; kabalac zin naga zi̱nze̱tti̱nne̱, ngati kerewe e̱le̱tti̱ cik een jor ko̱, kar Manyi ki̱ye̱le̱t ke̱e̱ggi̱n naga dooli ciginnek.

Roma 8:26

Eelannet atin Vongizi ci Ta̱mu̱ta̱dde̱no̱ bu̱k agita, eci naga iróng ka̱gga̱ gool ci kalawe Ta̱mu̱ta̱dde̱n. Alawonekket Vongizi oroot, ilalek Ta̱mu̱ta̱dde̱n go̱o̱le̱ ci iróng naga ka̱gga̱.

Roma 9:26

Azi bo̱do̱k Hoseyya ne, “U̱du̱ya̱i̱ ba̱li̱ye̱ zoz necu: ‘Iróng niga e̱e̱ggi̱nnu̱ ol cigannik,’ awu atin ol nogo kizeto ‘dooli cik Ta̱mu̱ta̱dde̱no̱.’”

Roma 9:8

Azi keng ci zoz necu ne, iróng biileti ci Aburahami do̱o̱k een dooli cik Ta̱mu̱ta̱dde̱no̱ de̱de̱. Abarik dooli cik dooli cik ngerinne wa een zar I̱sa̱ko̱ bali a̱rri̱ta̱i̱ zo̱ze̱ ci u̱du̱wa̱ Ta̱mu̱ta̱dde̱n ko̱ cik een dooli cik Aburahami de̱de̱.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

2 Ko̱ri̱nto̱ 1:22

Aarik zin enne bo̱do̱k Vongiz ci A̱li̱le̱ ka̱vvu̱ baize cinna, kize baayenit ci a̱gga̱we̱ ol ke̱e̱ggi̱n naga ol cik Ta̱mu̱ta̱dde̱no̱, kar abunna ka̱gga̱, kurubta atin zoz ci u̱du̱wa̱ enne obod ki agit do̱o̱k.

2 Ko̱ri̱nto̱ 5:5

Ta̱mu̱ta̱dde̱n ele ci uhu e̱le̱tti̱ cigga̱c kizeto jor. Nonno bo̱do̱k ci a̱du̱wa̱kke̱t arrak oowa azi ne akati atin zoz neci mo̱o̱le̱t. I̱ye̱le̱kke̱t ngati i̱tto̱na̱ne̱ Vongiz ci A̱li̱le̱ karrak li̱ngli̱ngo̱n cinne kar kedecak neci.

2 Ko̱ri̱nto̱ 6:18

Kiize anna be̱e̱ti̱nno̱ng, kar zin niga e̱e̱ggi̱nnu̱ atin dooli cigannik, ka̱du̱wa̱ anna Manyi Ta̱mu̱ta̱dde̱n wa anyak Komiz do̱o̱k.”

Ga̱la̱ti̱a̱ 3:26

Ke̱e̱ggi̱n naga do̱o̱k doolik Ta̱mu̱ta̱dde̱no̱ ngati ka̱tu̱we̱ Ye̱su̱ Ki̱ri̱sto̱.

Ga̱la̱ti̱a̱ 4:6

I̱yo̱ko̱ zin, eci naga ke̱e̱ggi̱n dooli cik Ta̱mu̱ta̱dde̱no̱, i̱tto̱na̱ zin enne Vongiz wa Ngerinne ka̱vvu̱ zi̱nze̱tti̱nne̱ cigga̱c. Okko Vongizi neci aanyyet kutuwet Ta̱mu̱ta̱dde̱n kize, Be̱e̱ti̱nna̱.

Evesos 1:13

Anyahaung bo̱do̱k Ye̱su̱ zoz ci een de̱de̱, een zoz neci kaviyak cik abunna, i̱ye̱le̱kku̱ng gool ci a̱ti̱ri̱zu̱ng Ta̱mu̱ta̱dde̱n. Arikku niga zi̱nze̱tti̱ Ye̱su̱ kar zin Ta̱mu̱ta̱dde̱n ka̱a̱nyu̱ng Vongiz ci A̱li̱le̱ ki̱ye̱la̱ e̱e̱ggi̱nnu̱ niga ol ciginnek.

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

1 Jon 3:1

A̱ppwa̱ rezinet ci irezet Baba oroot, awuyet zin ol agit kizetta dooli cik Ta̱mu̱ta̱dde̱no̱, ke̱e̱ggi̱n naga dooli cik Ta̱mu̱ta̱dde̱no̱ de̱de̱. Kar zin zoz ci iróng olli lo̱o̱tu̱ a̱gga̱yye̱t ko̱ icu, iróng nege a̱gga̱ nonno.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

1 Jon 4:13

Ka̱gga̱ kabak naga zo̱ze̱ ci Ta̱mu̱ta̱dde̱no̱, kar bo̱do̱k enne ka̱vvu̱ ngatinna, eci enne aanyet Vongiz cinne a̱li̱le̱.

1 Jon 5:10

I̱yo̱ko̱ zin, ming a̱tu̱ e̱e̱ti̱ zoz ci Ngerrti Ta̱mu̱ta̱dde̱no̱, anyak enne zoz ci ibbace enne ko̱ zinine cinne. Imma e̱e̱ti̱ ci iróng elemi zoz ci Ta̱mu̱ta̱dde̱no̱, angany enne Ta̱mu̱ta̱dde̱n azi ne een volongnyoit, eci iróng enne elemi zoz ci ibbace Ta̱mu̱ta̱dde̱n Ngerinne.

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.