Roma 8:15 - Tennet

¹⁵ Iróng Vongizi ci Ta̱mu̱ta̱dde̱no̱ aanyyet kizet du̱cca̱k kar ko̱to̱ngo̱o̱ltte̱ lo̱ki̱ko̱ ci Ta̱mu̱ta̱dde̱no̱. Abarik Vongizi aanyyet kizet dooli ciginnek bak kawu Ta̱mu̱ta̱dde̱n kize Be̱e̱ti̱nna̱.

Roma 8:15 ပူးပေါင်းရင်းမြစ်များ

Lu̱ge̱z 20:19

kar kizettek Muses ne, “Zozoket i̱nna̱ eliya, kazikna atidic zoz cunne. Abarik ma anyike Ta̱mu̱ta̱dde̱n kozozieta icima kovvo atin naga ka̱da̱kna̱.”

Ma̱te̱yo̱ 25:25

Ko̱ngo̱o̱le̱ ba̱li̱ye̱ anna kar zin kadawek lo̱do̱ cunne een dhahab ko̱ lo̱o̱c. Cinno, icu lo̱do̱ cunne.’

Marko 14:36

Ize ne, “Baba, obokce kaala do̱o̱k ngatunne, madan zin abarik pirnanet cu ngatinanni. Tu̱gu̱ zoz cunne, amire ki zoz cinanni.”

Lu̱ka̱ 11:2

Izek zin enne nogo ne, “Ming alawinu niga, izet ne: “‘Baba, a̱li̱le̱ zara cigunnek, anyik ba̱a̱li̱ne̱t cunne aave ta̱mu̱-kenga ki̱ki̱ya̱k lo̱o̱c.

Lu̱ka̱ 22:42

“Baba, ming elemi i̱nna̱, dima uduc ci piryanzeto ko̱ ngatinanni; iróng zoz cinanni abarik aanyik zoz cunne ku̱tu̱gu̱we̱.”

Lu̱ka̱ 8:28

Baling icin enne Ye̱su̱, u̱tu̱lu̱ kar zin ku̱yu̱we̱ zoone ciginnek, egereny muluwe ci a̱ppwe̱ oroot, “Orongi i̱nna̱ nya ngatinanni, Ye̱su̱, Ngerrti Ta̱mu̱ta̱dde̱n wa aave Ta̱dde̱na̱? Kilaleki anna i̱nne̱ta̱, ma edeza annita!”

Lu̱ka̱ 8:37

I̱jji̱nne̱t zin ol do̱o̱k cik lo̱o̱c ci Gerasenes Ye̱su̱ anyik kutungek lo̱o̱c cinne̱ng lo̱o̱c, eci nege o̱to̱ngo̱o̱ltte̱ lo̱o̱c oroot. Ottod zin enne i̱bo̱ orong kuk.

Kaviyak wak Abunna Ta̱mu̱ta̱dde̱no̱ eher Joni 16:8

Ming uk i̱ki̱ya̱ De̱me̱zo̱i̱ti̱ neci, okko atin ovoca ol wak lo̱o̱tu̱ ogon mu̱nye̱n, okko atin a̱du̱wa̱ gool ci abunna orong Ta̱mu̱ta̱dde̱n ol kabakte ki te̱di̱ne̱t lo̱ki̱ko̱ cik olli lo̱o̱tu̱.

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

Buk wa To̱ni̱a̱u̱ 16:29

I̱jji̱n zin ddi̱ki̱ryo̱i̱ti̱ urez ci atukule lagam, a̱yi̱k enne ngati a̱bba̱ri̱te̱ kar zin ku̱yu̱we̱ kakatek u̱zu̱ngti̱nne̱ ngati Pa̱u̱lo̱ ki Silas.

Buk wa To̱ni̱a̱u̱ 2:37

Ma baling iziyyet ol do̱o̱k zoz necu, o̱to̱ngo̱o̱ltte̱ lo̱o̱c, kar zin izektek Peturu ki to̱ni̱a̱k u̱gge̱ ne, “Gotonogget, kar zin ucca ku̱tu̱gu̱zza̱ nya?”

Roma 8:16

A̱du̱wa̱kke̱t Vongizi ci Ta̱mu̱ta̱dde̱no̱ de̱de̱ ke̱e̱ggi̱n naga dooli cik Ta̱mu̱ta̱dde̱no̱.

Roma 8:23

Abarik iróng pirnanet neci aave kaale cik eenycai do̱, aave pirnanet bu̱k ngatinna, ol balik aanyyet Ta̱mu̱ta̱dde̱n Vongiz arrak oowa ke̱; kabalac zin naga zi̱nze̱tti̱nne̱, ngati kerewe e̱le̱tti̱ cik een jor ko̱, kar Manyi ki̱ye̱le̱t ke̱e̱ggi̱n naga dooli ciginnek.

Roma 8:26

Eelannet atin Vongizi ci Ta̱mu̱ta̱dde̱no̱ bu̱k agita, eci naga iróng ka̱gga̱ gool ci kalawe Ta̱mu̱ta̱dde̱n. Alawonekket Vongizi oroot, ilalek Ta̱mu̱ta̱dde̱n go̱o̱le̱ ci iróng naga ka̱gga̱.

1 Ko̱ri̱nto̱ 2:12

Iróng Ta̱mu̱ta̱dde̱n aanyet vongiz ci lo̱o̱tu̱, aanyet Vongiz ci a̱kku̱ Ta̱mu̱-kenga kar naga ka̱gga̱c gi̱i̱ ci aanyet Ta̱mu̱ta̱dde̱n ollin.

2 Ko̱ri̱nto̱ 11:4

Kuwaktteung naga i̱ge̱t zoz ci Ye̱su̱, kar niga a̱gga̱mtta̱u̱ zoz cinna̱ng ki Vongiz ci A̱li̱le̱. Ma̱i̱je̱ vu̱rrta̱, i̱vi̱ta̱ ol uggak kuwaktteung i̱ge̱t zoz ci Ki̱ri̱sto̱ aave do̱, elemttau zin niga kaviyak ne̱ke̱ ki vongiz ci aave do̱.

Ga̱la̱ti̱a̱ 2:4

Ize gerza zoz neci eci ol wak a̱ti̱yye̱ ol tu̱ i̱tto̱zzo̱ orgen cinna, a̱vvu̱ kize ro̱tto̱k, a̱ru̱k talaben, kar kicinnet baiz ci abunna kanyaka ngati ka̱tu̱yya̱ Ye̱su̱ Ki̱ri̱sto̱, abarik orong nege kutuhuyyet kizet du̱cca̱k.

Ga̱la̱ti̱a̱ 5:1

I̱yo̱ko̱ zin iróng naga ngen kecebje, eci oogawet Ki̱ri̱sto̱ kotozzo labak. Ibilet okkomit kak baize ci a̱tu̱yyu̱ Ye̱su̱, ma ngen a̱mi̱ro̱ni̱kku̱ lo̱ti̱nno̱k wak Musesi, kar izet du̱cca̱k bo̱do̱k ki ba̱li̱ye̱.

Evesos 1:5

Imma rezinte ci irezet enne agit ko̱, aanyet kizet dooli ciginnek ngati Ye̱su̱ Ki̱ri̱sto̱ go̱o̱le̱ ci odola enne kar katal ku̱tu̱gu̱.

2 Ti̱mo̱te̱yo̱ 1:7

Ma̱rri̱t Ta̱mu̱ta̱dde̱n iróng aanyyet vongiz ci dalanzetinu, aanyyet vongiz ci kokkomne ki ci kirezone ki ci kazunne e̱le̱tti̱.

I̱bu̱ru̱ 2:15

A̱da̱i̱ enne kar keela ol do̱o̱k wak abak kize du̱cca̱k o̱ngo̱o̱le̱ daiz.

Je̱mi̱s 2:19

A̱tu̱ i̱nna̱ de̱de̱ anyak Ta̱mu̱ta̱dde̱n co̱de̱. Abunna! Elemi rok kuulo cik lo̱rye̱nta̱k bu̱k zoz necu, abarik abak zin nege bba̱ri̱to̱na̱.

1 Jon 4:18

I̱llo̱i̱ zin gi̱i̱ imma ci ko̱ngo̱o̱le̱ naga rezinta, eci rezinet de̱de̱ ottok kaal cik ko̱ngo̱o̱le̱ naga do̱o̱k, eci ngo̱li̱ne̱t een lo̱lo̱i̱t ci de̱zi̱nto̱. Ming o̱ngo̱o̱le̱ e̱e̱ti̱, iróng rezinet cinne eleno.