Roma 7:24 - Tennet

²⁴ Kiize anna e̱e̱t ci kamati! Ngene wo̱ye̱ ci eelanna daiza?

Roma 7:24 ပူးပေါင်းရင်းမြစ်များ

Ma̱te̱yo̱ 5:4

U̱mu̱yu̱k Ta̱mu̱ta̱dde̱n ol wak aavtte u̱lu̱wa̱na̱, okko atin Ta̱mu̱ta̱dde̱n a̱ti̱ri̱z nogo katalto.

Ma̱te̱yo̱ 5:6

U̱mu̱yu̱k Ta̱mu̱ta̱dde̱n ol wak a̱jji̱n zi̱nze̱tti̱ cigge̱k zoz ci Ta̱mu̱ta̱dde̱no̱ ki bunnat cinne, aruba atin zi̱nze̱tti̱ cigge̱k gi̱i̱ ci orong nege.

Lu̱ka̱ 4:18

“Aave Vongizi ci Manyi ngatinanni, eci enne atahala annita kar kuwahek kaviyak cik abunna ol cik amati. I̱tto̱na̱na̱ enne kar kuwahek zoz ol wak e̱ce̱bje̱ lagama kar koogtai kar ol wak ru̱be̱ni̱k kicinte, kar kooga ol wak ommogek ol lo̱o̱c,

Roma 6:6

Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta,

Roma 8:13

Ming ogonnu kaal cik gerzek ko̱, ovvoyyu atin daiza. Abarik ming eelaung Vongizi ci A̱li̱le̱, utungttu kaal ne̱ke̱ amin zi̱nze̱tti̱ ko̱ do̱o̱k, urugttu zin atin niga.

Roma 8:2

Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

Roma 8:23

Abarik iróng pirnanet neci aave kaale cik eenycai do̱, aave pirnanet bu̱k ngatinna, ol balik aanyyet Ta̱mu̱ta̱dde̱n Vongiz arrak oowa ke̱; kabalac zin naga zi̱nze̱tti̱nne̱, ngati kerewe e̱le̱tti̱ cik een jor ko̱, kar Manyi ki̱ye̱le̱t ke̱e̱ggi̱n naga dooli ciginnek.

Roma 8:26

Eelannet atin Vongizi ci Ta̱mu̱ta̱dde̱no̱ bu̱k agita, eci naga iróng ka̱gga̱ gool ci kalawe Ta̱mu̱ta̱dde̱n. Alawonekket Vongizi oroot, ilalek Ta̱mu̱ta̱dde̱n go̱o̱le̱ ci iróng naga ka̱gga̱.

Kolosiya 2:11

Imma zin go̱o̱le̱ ci utungteu niga mu̱nye̱n lo̱o̱c ko̱, urumteziu niga Ki̱ri̱sto̱, u̱tu̱gu̱zzu̱ ki ol wak etted wucic vi̱ca̱vi̱cce̱t. Iróng zin te̱di̱ne̱t cunno̱ng ogon ol cik diirik azzine, abarik u̱tu̱gu̱ Ki̱ri̱sto̱ ngati elemannu niga nonno.

2 Ti̱mo̱te̱yo̱ 4:18

Ka̱gga̱ niko ming eelanna atin Manyi kaale wak gerzek do̱o̱k, kar kuwuya ngati ba̱a̱li̱ne̱t ci ta̱mu̱-kengo. Abunna abarik ming ka̱di̱ngdi̱nga̱n nonno niko udut. Nonno nenen.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 2:15

A̱da̱i̱ enne kar keela ol do̱o̱k wak abak kize du̱cca̱k o̱ngo̱o̱le̱ daiz.

O̱no̱zzo̱k 21:4

A̱vi̱la̱ atin enne ti̱la̱lo̱ eberene cigge̱k. I̱zzi̱ atin bo̱do̱k daizi to icima mozinet icima u̱lu̱wa̱ icima u̱u̱ce̱z, eci kaala balik reentik ke̱ i̱zze̱c to ne dakdak.”