Roma 7:23 - Tennet

²³ Kacinni zinine cinanni, anyak kaal u̱gge̱ cik ooro zinine cinanni, kecebe lagame ci lo̱ti̱nno̱k cik mu̱nye̱nu̱, alamte kaala wak ki̱no̱ni̱ korongi ku̱tu̱gu̱.

Roma 7:23 ပူးပေါင်းရင်းမြစ်များ

Roma 6:13

Ma anyikku o̱o̱tti̱ ciggo̱k koottung go̱o̱le̱ ci gerze kar anyait mu̱nye̱n, abarik aanycik zi̱nze̱tti̱ ciggo̱k do̱o̱k Ta̱mu̱ta̱dde̱n ki i̱yo̱ko̱ ol wak balik ingane Ta̱mu̱ta̱dde̱n daiza ke̱. I̱yo̱ko̱ zin, u̱tu̱gu̱z kaal cik abunna.

Roma 6:19

Katubuzei anna zoz necu niko ko̱, eci ngen niga e̱e̱ggi̱nnu̱ tarbale ngen a̱gga̱c zoz imma. Anyikku niga e̱le̱tti̱ ciggo̱k kizeto du̱cca̱k kaale cik gerzek, ngati abarik weete anyikku e̱le̱tti̱ ciggo̱k kizeto du̱cca̱k cik bunnat ci Ta̱mu̱ta̱dde̱no̱ kar izet dooli ciginnek a̱li̱le̱.

Roma 7:14

Ka̱gga̱ naga niko, a̱vvu̱ lo̱ti̱nno̱wa̱ ngati Ta̱mu̱ta̱dde̱no̱, ki i̱yo̱ko̱ anna ming kazunne lo̱ti̱nno̱k balik reentik baize cinanni ke̱, ecebta annit bu̱k mu̱nye̱na̱.

Roma 7:21

Ming orong zinin cinanne ku̱tu̱gu̱ gi̱i̱ ci abunna, abarik kamuda ele cinanni ku̱tu̱gu̱ gi̱i̱ ci gerze, lo̱ti̱nno̱k cik aanya annit ku̱tu̱gu̱ niko.

Roma 7:25

Kanyike Ta̱mu̱ta̱dde̱n zany ngati Manyitinna Ye̱su̱ Ki̱ri̱sto̱! I̱yo̱ko̱ zin, ke̱e̱ni̱ anna zinine cinanni du̱ca̱i̱t ci lo̱ti̱nno̱k cik Ta̱mu̱ta̱dde̱no̱, imma go̱o̱le̱ ci mu̱nye̱nu̱ ke̱e̱ni̱ du̱ca̱i̱t ci lo̱ti̱nno̱k wak mu̱nye̱nu̱.

Roma 7:5

Baling ngen ku̱tu̱we̱t zoz ci Ta̱mu̱ta̱dde̱no̱, kogon naga mu̱nye̱n cik irez e̱le̱tti̱ cigga̱c do̱ niko, mu̱nye̱n cik i̱ye̱la̱ lo̱ti̱nno̱wa̱ cik Ta̱mu̱ta̱dde̱no̱, anyahakket atin daiz.

Roma 8:2

Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

Ga̱la̱ti̱a̱ 5:17

Ka̱du̱wa̱ zoz necu niko eci baizi ci kabahe Vongize ci Ta̱mu̱ta̱dde̱no̱ ongorko ki baiz ci gerze amin zi̱nze̱tti̱ cigga̱c. Iróng zin niga amudannu gool ci ogonnu kaal cik abunna orongnyu u̱tu̱gu̱zzo̱.

I̱bu̱ru̱ 12:4

Imma ngati a̱gi̱dde̱t mu̱nye̱na̱ ko̱ nu̱nu̱n, ngen e̱e̱ti̱ imma ngatinno̱ng ka̱da̱k ki bali Ye̱su̱ ke̱.

Je̱mi̱s 3:2

Kogon naga do̱o̱k mu̱nye̱n go̱o̱lo̱we̱ cik aavtte do̱ do̱. Ming ngen e̱e̱ti̱ imma kabac i̱i̱te̱n imma gi̱i̱ye̱ ci ozoz enne, een enne e̱e̱t ci caale paz, azunne ele cinne ju̱rru̱m.

Je̱mi̱s 4:1

Nya ci anyaha jo̱o̱re̱t ki dango orgene cunno̱ng? Een kaal ne̱k a̱vvu̱ zo̱ze̱ ci orongnyu niga kaal cik a̱ti̱ko̱nu̱ imma i̱ge̱t zi̱nze̱tti̱nne̱ ko̱, cik anyaha jo̱o̱re̱t.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.