Roma 7:22 - Tennet

²² Kelemi zin anna zinine cinanni do̱o̱k lo̱ti̱nno̱k cik Ta̱mu̱ta̱dde̱no̱.

Roma 7:22 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 4:34

Ize Ye̱su̱ ne, “Een da̱i̱ne̱t cigannik li̱ngli̱ngo̱n ci e̱e̱t bali i̱tto̱na̱na̱ ke̱, kar ku̱tu̱gu̱ bak kedeca.

Roma 2:29

Abunna e̱e̱ti̱ ming een Ya̱u̱do̱c de̱de̱, etted wucic vi̱ca̱vi̱ca̱, o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱. Amuda e̱e̱ti̱ rezinet ci Ta̱mu̱ta̱dde̱no̱ de̱de̱ go̱o̱le̱ ci aanyik enne Manyi zinin cinne, iróng een go̱o̱le̱ ci ettede ol vi̱ca̱vi̱cce̱t, een abarik Vongiza. Anyik Ta̱mu̱ta̱dde̱n ka̱ma̱yu̱k e̱e̱t, iróng een ol cik diirik.

Roma 8:7

Okko e̱e̱ti̱ ci i̱no̱n kaal cik gerzek amin zinin cinne ko̱, ooro enne ki Ta̱mu̱ta̱dde̱n, eci iróng enne o̱ngo̱o̱le̱ lo̱ti̱nno̱k ciginnek, iróng o̱ngo̱o̱le̱ i̱yo̱ko̱ niko, icima iróng bo̱do̱k enne o̱ngo̱o̱le̱ atin udut.

2 Ko̱ri̱nto̱ 4:16

I̱yo̱ko̱ zin, eci naga ka̱gga̱ go̱o̱le̱ ci kapirnane zo̱ze̱ ci kuwahek ol zoz ci Ta̱mu̱ta̱dde̱no̱ kar ol cik meelek ko̱to̱ngo̱o̱ltte̱ Ta̱mu̱ta̱dde̱n, iróng zin kaburnna nong li̱ngli̱ngo̱ne̱ necu kar kibilizta de̱mzi̱ne̱t ol zoz ci Ta̱mu̱ta̱dde̱no̱. Ming ize ddi̱ki̱ro̱n nu̱nu̱n, eelannet Ta̱mu̱ta̱dde̱n odohize, aanyyet komiz zi̱nze̱tti̱nne̱.

Evesos 3:16

Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne.

Kolosiya 3:9

Ma ovolongnyu e̱le̱tti̱ ciggo̱k, eci utungttu niga baiz bali reeni ke̱ ki kaal ciginnek do̱o̱k.

I̱bu̱ru̱ 8:10

Een necu olom ci een jor kogonni atin anna kadimani atin ki ce̱e̱z ci Israilo, i̱i̱te̱n neci, u̱du̱wa̱ Manyi, karike atin anna ti̱lo̱wi̱ne̱t cinanni o̱o̱tti̱ cigge̱k, kar keteherik zi̱nze̱tti̱nne̱ cigge̱k. Ke̱e̱ni̱ atin anna Ta̱mu̱ta̱dde̱n cinne̱ng, ovvo nege e̱e̱ggi̱n ol cigannik.

1 Peturu 3:4

Abarik zin abunna ming a̱kku̱ zi̱zi̱wo̱ni̱ cunne zinina, zi̱zi̱wo̱n ci iróng aditai ki zinin ci abunna, een necu zoz ci riili ngu̱me̱ ci Ta̱mu̱ta̱dde̱no̱.