Roma 7:14 - Tennet

¹⁴ Ka̱gga̱ naga niko, a̱vvu̱ lo̱ti̱nno̱wa̱ ngati Ta̱mu̱ta̱dde̱no̱, ki i̱yo̱ko̱ anna ming kazunne lo̱ti̱nno̱k balik reentik baize cinanni ke̱, ecebta annit bu̱k mu̱nye̱na̱.

Roma 7:14 ပူးပေါင်းရင်းမြစ်များ

Kananet 37:27

Ki̱vi̱ta̱, ku̱tu̱yye̱k nonno ollik Ismaili wak utene kaal ko̱, abunna iróng ku̱u̱m nonno azzin cigga̱c; een abarik enne gotonet, ele ki bi̱ye̱ cigga̱c e̱le̱tti̱.” Elemtta zin gotonoggja.

Kananet 37:36

Imma Masire, u̱tu̱yye̱k olli Midiani wak utene kaal ko̱ Yosevo e̱e̱t ci een zara Potiphar, een enne ddi̱ki̱ryo̱i̱t ci aciir wak ebek alaan ci Masiro.

Kananet 40:15

Eci odongana ol annit ba̱li̱ye̱ i̱ba̱ti̱ne̱ lo̱o̱ce̱ ci olli I̱bu̱ru̱, imma ngatu ngen anna ku̱tu̱gu̱ gi̱i̱ ci gerze kar wo̱ye̱ kecebe lagama.”

Ma̱te̱yo̱ 16:23

Egelem Ye̱su̱, Peturu kar kize ne, “A̱vvu̱ reena ngatinanni, Sitan! E̱e̱ni̱ i̱nna̱ e̱e̱t ci acazan zoza; iróng i̱nna̱ anyai zoz ci Ta̱mu̱ta̱dde̱no̱ zinina, abarik anyai i̱nna̱ zoz ci e̱e̱t ci diiri.”

Ma̱te̱yo̱ 18:25

Iróng zin enne ngen uule kar ku̱ru̱k nga̱bo̱lo̱, ize zin alaani ne, u̱tu̱yye̱k nonno, ki ngaa cinne ki dooli ki kaal cik anyak enne do̱o̱k tu̱, abunna ming a̱ru̱we̱ enne o̱ro̱bi̱ya̱ ne̱ke̱ nga̱bo̱lo̱ cinanni.

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Ma̱te̱yo̱ 5:28

Ka̱nne̱kku̱ng ne, ming acin e̱e̱ti̱ ngaa eberene cik oronge ele cinne, u̱tu̱gu̱ e̱e̱ti̱ neci mu̱nye̱n.

Lu̱ka̱ 5:8

Baling icin Si̱mo̱ne̱ Peturu zoz neci, akatek zin enne u̱zu̱ngti̱nne̱ ngati Ye̱su̱ kar kize ne, “Bit reena ngatinanni, Manyi; ke̱e̱ni̱ anna e̱e̱t ci mu̱nye̱nu̱!”

Lu̱ka̱ 7:6

Kar zin Ye̱su̱ korkorrit ki nogo. Iróng da̱ enne aave reena ce̱e̱za̱ baling i̱tto̱na̱ ddi̱ki̱ryo̱i̱ti̱ gonoggi u̱gge̱ koot kizettek nonno ne: “Manyi, ma azuca ele cunne gaganiko, eci iróng agano ming a̱kku̱nni̱ i̱nna̱ rok ce̱e̱z cinanni.

Roma 3:9

Kazi wo̱ye̱ naga ne? Kommogja naga olli Ya̱u̱do̱ ol do̱o̱k? Iróng een niko. Ku̱du̱kta̱ wanai arrak naga oowa, kizeto ne abaccit ol do̱o̱k ngu̱me̱ ci Ta̱mu̱ta̱dde̱no̱, ming een e̱e̱ti̱ Ya̱u̱do̱c icima iróng een Ya̱u̱d.

Roma 6:6

Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta,

Roma 7:18

Ka̱gga̱ niko i̱llo̱i̱ gi̱i̱ imma eliya cinanni ci aanya kar ku̱tu̱gu̱ kaal cik abunna. Ma̱i̱je̱ nu̱nu̱n ming korongi ku̱tu̱gu̱ kaal cik abunna abarik ogone kaala cik gerzek.

Ga̱la̱ti̱a̱ 4:3

Kabak naga bu̱k go̱o̱le̱ neci baling ngen Ye̱su̱ ki̱ki̱ya̱. Kogonna ki dooli cikidik ke̱, ke̱e̱ggi̱n du̱cca̱k cik kanu kaal cik lo̱o̱tu̱.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

I̱bu̱ru̱ 4:12

Eci zoz ci Ta̱mu̱ta̱dde̱no̱ een ci abak udut kar bo̱do̱k ki̱li̱ngli̱ng udut. Leheda kommog illa wa lehedi abanyo do̱o̱k, i̱i̱zo̱ kenger zinin ki vongiz ci e̱e̱to̱ ecito. Etted zoz ci Ta̱mu̱ta̱dde̱no̱ zoz ki vongiz ci aave zinina ki zoz ci i̱no̱n e̱e̱ti̱.