Roma 6:6 - Tennet

⁶ Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta,

Roma 6:6 ပူးပေါင်းရင်းမြစ်များ

Roma 6:12

I̱yo̱ko̱ zin, ma anyikku mu̱nye̱n kutuwaung o̱o̱tti̱ ciggo̱k kar unuwet kaal cik orong zi̱nze̱tti̱ ciggo̱k.

Roma 6:22

I̱yo̱ko̱ zin, aara Ta̱mu̱ta̱dde̱n mu̱nye̱n ciggo̱k, abaktu labak, izetu niga du̱cca̱k cik Ta̱mu̱ta̱dde̱no̱. A̱a̱nyu̱ng zin zoz necu izet ol cik a̱li̱le̱ kar bo̱do̱k kuyung baize ci aave udut.

Roma 7:14

Ka̱gga̱ naga niko, a̱vvu̱ lo̱ti̱nno̱wa̱ ngati Ta̱mu̱ta̱dde̱no̱, ki i̱yo̱ko̱ anna ming kazunne lo̱ti̱nno̱k balik reentik baize cinanni ke̱, ecebta annit bu̱k mu̱nye̱na̱.

Roma 8:13

Ming ogonnu kaal cik gerzek ko̱, ovvoyyu atin daiza. Abarik ming eelaung Vongizi ci A̱li̱le̱, utungttu kaal ne̱ke̱ amin zi̱nze̱tti̱ ko̱ do̱o̱k, urugttu zin atin niga.

2 Ko̱ri̱nto̱ 5:14

Eci rezinet ci Ki̱ri̱sto̱ adangeket zoz cu, ma̱rri̱t naga ka̱gga̱c a̱da̱k e̱e̱ti̱ co̱de̱ zo̱ze̱ ci ollu do̱o̱k, kar ol do̱o̱k ka̱da̱i̱to̱.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Ga̱la̱ti̱a̱ 5:24

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.

Ga̱la̱ti̱a̱ 6:14

Imma ngatinanni, iróng anna kodongi ele gi̱i̱ye̱ emani, daiz ci Manyi Ye̱su̱ Ki̱ri̱sto̱ keete wa een ta̱la̱ke̱c do̱ niko ci ka̱gga̱. Eci zo̱ze̱ ci a̱da̱kne̱ enne keete wa een ta̱la̱ke̱c, iditai zin zoz ci irez zinin cinanne, kar bo̱do̱k zoz ci lo̱o̱tu̱ kiditai ngatinanni.

Evesos 4:22

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng.

Kolosiya 3:5

Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.