Roma 6:3 - Tennet

³ Abunna zin ming a̱gga̱yyu̱ kozol naga ki Ye̱su̱ Ki̱ri̱sto̱ gool ci ka̱gga̱me̱ ba̱ti̱ti̱mo̱, kozol naga bu̱k ki nonno daiz cinne, kizeto zin naga ol co̱de̱ ki nonno.

Roma 6:3 ပူးပေါင်းရင်းမြစ်များ

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Buk wa To̱ni̱a̱u̱ 19:5

Baling ovvo nege aziye zoz necu niko, a̱gga̱mi̱t ba̱ti̱ti̱mo̱ zare cik Manyi Ye̱su̱.

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Buk wa To̱ni̱a̱u̱ 8:16

eci Vongizi ci A̱li̱le̱ ngen ki̱ta̱k e̱e̱t imma ngatinne̱ng; eci nege bali a̱gga̱m ba̱ti̱ti̱mo̱ zare cik Manyi Ye̱su̱.

Roma 6:16

Abarik zin abunna ming ka̱gga̱ niko ke̱e̱ggi̱n naga du̱cca̱k cik ol wak ko̱ngo̱o̱le̱ naga. Ming ke̱e̱ggi̱n du̱cca̱k cik mu̱nye̱nu̱, okkoyet daiza, abarik zin abunna ke̱e̱ggi̱n du̱cca̱k cik Ta̱mu̱ta̱dde̱no̱ okkoyet bak karuba bunnat cinne.

Roma 6:8

Ka̱gga̱ naga ki i̱yo̱ko̱ ming ka̱da̱i̱ ki ti̱ri̱zo̱i̱t Ki̱ri̱sto̱ ko̱, karuge atin bu̱k ki nonno.

Roma 7:1

Gotonogga ki ngonogga tu̱we̱nta̱, a̱gga̱yyu̱ niga abal lo̱ti̱nno̱wa̱ e̱e̱t ming ngen aruge.

1 Ko̱ri̱nto̱ 10:2

E̱e̱ggi̱n nege do̱o̱k nuyak cik Musesi, a̱gga̱mto̱zi̱k zin nogo ba̱ti̱ti̱mo̱ di̱i̱za̱ ki nyatapara.

1 Ko̱ri̱nto̱ 12:13

Kogon naga bu̱k niko. A̱gga̱mto̱zi̱k ba̱li̱ye̱ ol ba̱ti̱ti̱mo̱ Vongize co̱de̱ ki ele co̱de̱, ming e̱e̱ggi̱nnu̱ Ya̱u̱d icima Gi̱ri̱k, ol cik e̱e̱ggi̱n du̱cca̱k icima ol cik iróng e̱e̱ggi̱n du̱cca̱k. Abarik Vongizi ci Ta̱mu̱ta̱dde̱no̱ a̱gga̱me̱t ba̱ti̱ti̱mo̱ eliye ci Ki̱ri̱sto̱, Vongize co̱de̱. I̱yo̱ko̱ kaude naga do̱o̱k Vongize co̱de̱.

1 Ko̱ri̱nto̱ 15:29

I̱yo̱ko̱ ming iróng ol balik a̱da̱i̱to̱ ke̱ ingazi kuruget, ogon atin ol balik a̱gga̱me̱k ol ba̱ti̱ti̱mo̱ ke̱ ku̱? Ming iróng ol ingazi daiza udut, nya ming ka̱gga̱me̱k ol ba̱ti̱ti̱mo̱ zare cik e̱e̱t ci a̱da̱k ko̱?

1 Ko̱ri̱nto̱ 3:16

A̱gga̱yyu̱ e̱e̱ggi̱nnu̱ niga e̱le̱tti̱ne̱ Ce̱e̱z wa Ta̱mu̱ta̱dde̱no̱ kar Vongizi ci Ta̱mu̱ta̱dde̱no̱ kabak ngatinno̱ng.

1 Ko̱ri̱nto̱ 5:6

Gerza zin zoz ci odongnyu niga e̱le̱tti̱. A̱gga̱yyu̱ niga nyigit cik meertak cikidik ming adak lata do̱o̱k?

1 Ko̱ri̱nto̱ 6:19

A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱.

1 Ko̱ri̱nto̱ 6:9

Iróng niga a̱gga̱yyu̱ iróng atin olli mu̱nye̱nu̱ aragiz ba̱a̱li̱ne̱t ci Ta̱mu̱ta̱dde̱no̱. Ma anyikku ol kalabtaung! Iróng atin ol cik e̱e̱ggi̱n a̱li̱ya̱k, icima ol cik a̱di̱ngdi̱nga̱n to̱do̱yyo̱k kizeto ta̱mu̱ta̱dde̱ne̱t cik lo̱o̱tu̱, icima ngaai wak een a̱li̱ya̱k ki ol cik macik ogon e̱le̱tti̱ kizeto ngaai, icima ol cik macik oonge gonoggi,

1 Ko̱ri̱nto̱ 9:13

A̱gga̱yyu̱ niga ol ne̱k a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ko̱, ming amuda da̱i̱ne̱t cigge̱k kaale cik aanyik ol Ta̱mu̱ta̱dde̱n. Ovvo ol wak a̱li̱ngli̱ng i̱te̱le̱ ci Ce̱e̱z wa Ta̱mu̱ta̱dde̱no̱, amuda nege da̱i̱ne̱t cigge̱k kaale cik atuve ol i̱te̱le̱ neci.

1 Ko̱ri̱nto̱ 9:24

A̱gga̱yyu̱ niga ming ovvo ol a̱vi̱ri̱, a̱vi̱r ol do̱o̱k, okko zin e̱e̱ti̱ co̱de̱ ijar ol do̱o̱k. Imma zin bu̱k go̱o̱le̱ necu abunna ming a̱vi̱ri̱ kar ize oo kar ruba muci.

2 Ko̱ri̱nto̱ 13:5

Timan ele cunne kar ruba ming anyai i̱nna̱ tu̱we̱ne̱t de̱de̱. Ming anyai i̱nna̱ tu̱we̱ne̱t neci, okko a̱gga̱ aave Ki̱ri̱sto̱ ngatinne. Ming iróng Ye̱su̱ Ki̱ri̱sto̱ abak ngatunne, u̱yu̱we̱ i̱nna̱ timaninet neci.

Ga̱la̱ti̱a̱ 3:27

Ming a̱gga̱mtta̱u̱ ba̱ti̱ti̱mo̱, izetu ol cik Ki̱ri̱sto̱, u̱tu̱gu̱zzu̱ ki enne, ogon ki ci aim e̱e̱ti̱ ru̱u̱m ci een jor.

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

1 Peturu 3:21

Ogon zin maama ne̱k balik tawan neci ki ba̱ti̱ti̱mo̱ ci a̱gga̱me̱ke̱ ol, nonno nenen ci i̱yo̱ko̱ aruguzanung ko̱. Abarik zin ba̱ti̱ti̱mo̱ ommog maam cik arane e̱e̱ti̱ ele. I̱ye̱le̱kke̱t zoz necu gool ci kar naga kubunnta ngu̱me̱ ci Ta̱mu̱ta̱dde̱no̱ zi̱nze̱tti̱nne̱ cik abunna eci bali enne itingai Ye̱su̱ Ki̱ri̱sto̱ daiza.