Roma 6:23 - Tennet

²³ Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

Roma 6:23 ပူးပေါင်းရင်းမြစ်များ

Kananet 2:17

Ma̱i̱je̱ keet wa aanyi i̱nne̱t gga̱ gi̱i̱ ci abunna ki ci gerze ko̱, ma adai. Ming adau o̱ya̱u̱ cik keet neci, a̱da̱i̱ atin i̱nna̱ de̱de̱.”

Kananet 3:19

Kar muluwe ci a̱li̱ngli̱nge̱ i̱nna̱ adai atin i̱nna̱ da̱i̱ne̱t cigunnek, zee rok nginti a̱mi̱ro̱ni̱k i̱nna̱ todowa, eci anna Ta̱mu̱ta̱dde̱n keenycanni ba̱li̱ye̱ todowaca; eci i̱nna̱ e̱e̱ni̱ todowac kar i̱nna̱ mi̱ro̱zi̱k todowa.”

Ma̱te̱yo̱ 25:46

“Kar atin ol ne̱ko̱ koot piryanzete ci aalna udut, ma̱i̱je̱ ol cik abunna ovvo baize ci aave udut.”

Kaviyak wak Abunna Ta̱mu̱ta̱dde̱no̱ eher Joni 10:28

Kanyike anna nogo ruget wa aave udut, iróng bo̱do̱k nege ngen a̱da̱i̱. A̱zze̱ e̱e̱ti̱ imma ci aama nogo a̱tte̱ cinanni to.

Kaviyak wak Abunna Ta̱mu̱ta̱dde̱no̱ eher Joni 17:2

Aanya ba̱li̱ye̱ i̱nna̱ annit komiz ci kar ka̱gga̱me̱ ol do̱o̱k, kar zin bo̱do̱k kanyik anna ol ne̱ke̱ ruget wa aave udut bali aanya i̱nna̱ ke̱.

Kaviyak wak Abunna Ta̱mu̱ta̱dde̱no̱ eher Joni 3:36

Ming anyak e̱e̱t ci a̱tu̱ Ngeranni, amuda atin enne ruget wa aave udut, imma e̱e̱ti̱ wa abure Ngeranni iróng acin ruget, eci Ta̱mu̱ta̱dde̱n aburnek nonno nong.”

Kaviyak wak Abunna Ta̱mu̱ta̱dde̱no̱ eher Joni 4:14

Ma̱i̱je̱ e̱e̱ti̱ ci aud maam cik kanyike anna, iróng atin a̱ru̱k koor udut, abarik ovvo maama ne̱ke̱ ogon ki maama cik a̱ri̱ya̱ anyaha ruget ci aave udut.”

Kaviyak wak Abunna Ta̱mu̱ta̱dde̱no̱ eher Joni 4:36

A̱ru̱we̱k ol o̱ro̱bi̱ya̱ ol cik aciryanne kar kulutet kize cik ruget wa aave udut; kar ol wak arire ki ol wak aciryanne katalit nege do̱o̱k.

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Kaviyak wak Abunna Ta̱mu̱ta̱dde̱no̱ eher Joni 6:27

Ma a̱li̱ngli̱ngnyu̱ zo̱ze̱ ci da̱i̱ne̱t wak atin iróng abak udut, abarik i̱li̱ngli̱ngge̱t da̱i̱ne̱t cik gon aavtte baize wa aave udut, cik atin ka̱a̱nyu̱ng anna Ngerrti E̱e̱to̱, eci Baba Ta̱mu̱ta̱dde̱n arika annit komiz li̱ngli̱ngo̱nte̱ necu.”

Kaviyak wak Abunna Ta̱mu̱ta̱dde̱no̱ eher Joni 6:40

Eci gi̱i̱ ci orong Baba icu, ming acin e̱e̱ti̱ imma Ngerinne, kar zin ku̱tu̱ zoz cinne, amuda ruget wa aave udut, kar atin anna kitingawe nonno i̱i̱te̱n ci okko looci aṯurneke.”

Kaviyak wak Abunna Ta̱mu̱ta̱dde̱no̱ eher Joni 6:68

O̱bo̱de̱k zin Si̱mo̱ne̱ wa een zara uggak Peturu ko̱ Ye̱su̱, a̱nne̱k ne, “Manyi, kovvoya wo̱ye̱ naga ngati ngene? Anyai i̱nna̱ zoz ci een ruget wa aave udut.

Roma 1:32

Ming a̱gga̱ nege nu̱nu̱n ju̱rru̱m edez lo̱ti̱nno̱wa̱ cik abunna Ta̱mu̱ta̱dde̱no̱ ol daiza zo̱zzo̱we̱ cik ogon nege, ma̱i̱je̱ nege ogon oroot kar kelemtta ol cik ogon niko bu̱k.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 5:12

Akane e̱e̱ti̱ co̱de̱ ṯok mu̱nye̱n kar mu̱nye̱na̱ ne̱ke̱ kanyaktak olli lo̱o̱tu̱ daiz. Bak kacin u̱tu̱gu̱zzo̱ ol do̱o̱k mu̱nye̱n, a̱da̱i̱ atin ol do̱o̱k zo̱ze̱ ci mu̱nye̱nu̱.

Roma 5:17

Abalet daizi ki i̱yo̱ko̱ alaani ko̱, eci Adami abaca. Iróng zin zoz necu atubo ki gi̱i̱ ci ogon Ye̱su̱ Ki̱ri̱sto̱. I̱i̱rke̱ Ta̱mu̱ta̱dde̱n ngatinna oroot, kar kaanyyet bunnat cinne ka̱vvu̱ baize cinna zo̱ze̱ ci e̱e̱t co̱de̱ ṯok, Ye̱su̱ Ki̱ri̱sto̱.

Roma 5:21

Ki i̱yo̱ko̱, ming anyahak zin mu̱nye̱na̱ ol daiz lo̱o̱ta̱ ngatu; imma zin deteni abal ol bunnate ci Ta̱mu̱ta̱dde̱no̱ kar kaanyyet baiz wa aave udut ngati Ye̱su̱ Ki̱ri̱sto̱ Manyitinna.

Roma 6:16

Abarik zin abunna ming ka̱gga̱ niko ke̱e̱ggi̱n naga du̱cca̱k cik ol wak ko̱ngo̱o̱le̱ naga. Ming ke̱e̱ggi̱n du̱cca̱k cik mu̱nye̱nu̱, okkoyet daiza, abarik zin abunna ke̱e̱ggi̱n du̱cca̱k cik Ta̱mu̱ta̱dde̱no̱ okkoyet bak karuba bunnat cinne.

Roma 6:21

Amudannu i̱yo̱ko̱ niga nya ci abunna kaale cik anyahakku̱ng a̱li̱ya̱n ko̱? Ovvoyyung zin kaala ne̱ko̱ do̱o̱k go̱o̱le̱ ci daizo.

Roma 8:13

Ming ogonnu kaal cik gerzek ko̱, ovvoyyu atin daiza. Abarik ming eelaung Vongizi ci A̱li̱le̱, utungttu kaal ne̱ke̱ amin zi̱nze̱tti̱ ko̱ do̱o̱k, urugttu zin atin niga.

Roma 8:38

Ka̱gga̱ anna ju̱rru̱m, i̱llo̱i̱ gi̱i̱ imma ci engeryet agit rezinte ci Ta̱mu̱ta̱dde̱no̱, iróng een ruget, icima daiz, iróng een anjilonya cik Ta̱mu̱ta̱dde̱no̱, icima kuulo cik lo̱rye̱nta̱k, iróng een kaal cik i̱yo̱ko̱ niko, icima kaal cik atin a̱vvu̱ vu̱rrta̱, icima doiz,

Roma 8:39

icima kaal cik aavtte ta̱mu̱-kenga, icima cik aavtte lo̱o̱ta̱. I̱llo̱i̱ kaale cik eenyca Ta̱mu̱ta̱dde̱n ko̱ cik engeryet agit rezinte ci Ta̱mu̱ta̱dde̱no̱ ngati Manyitinna Ye̱su̱ Ki̱ri̱sto̱.

Roma 8:6

Ming kabal naga e̱le̱tti̱ kaale ci gerzek balik reentik amin zi̱nze̱tti̱ ke̱, kamuda atin daiz. Imma ming kabal e̱le̱tti̱ Vongize ci Ta̱mu̱ta̱dde̱no̱, kanyak atin baiz ci abunna ki gano.

Ga̱la̱ti̱a̱ 3:10

Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”

Ti̱to̱ 1:2

Aave tu̱we̱ne̱t ki gga̱we̱ne̱t zoz ngati zoz ci karike naga zi̱nze̱tti̱ ko̱, a̱kku̱ zo̱ze̱ ci baiz ci aave udut, nonno ci een Ta̱mu̱ta̱dde̱n, iróng enne ovolongi, u̱du̱wa̱ zoz neci ming ngen enne kidiman ta̱mu̱-keng ki lo̱o̱c,

Je̱mi̱s 1:15

Ming ibbitet kaala cik amin zinin ko̱ baiz cunne, aanyik zin e̱e̱t ci diiri ki̱tto̱ mu̱nye̱n, ming iddera gi̱i̱ ci gerze ko̱ baiz ci e̱e̱to̱ do̱o̱k, anyaha zin daiz.

1 Jon 2:25

Een necu zoz ci u̱du̱wa̱e̱t enne agita: ruget ci aave udut.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”