Roma 6:19 - Tennet

¹⁹ Katubuzei anna zoz necu niko ko̱, eci ngen niga e̱e̱ggi̱nnu̱ tarbale ngen a̱gga̱c zoz imma. Anyikku niga e̱le̱tti̱ ciggo̱k kizeto du̱cca̱k kaale cik gerzek, ngati abarik weete anyikku e̱le̱tti̱ ciggo̱k kizeto du̱cca̱k cik bunnat ci Ta̱mu̱ta̱dde̱no̱ kar izet dooli ciginnek a̱li̱le̱.

Roma 6:19 ပူးပေါင်းရင်းမြစ်များ

Ma̱te̱yo̱ 4:23

A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Roma 15:1

Imma naga ol wak ka̱tu̱we̱ ju̱rru̱m ko̱, abunna bu̱k ka̱ti̱ri̱z ol wak ngen tu̱we̱ne̱t cinne̱ng idica. Gerza ming kogon kaal cik katalne naga do̱.

Roma 3:5

Ja ku̱du̱wa̱ go̱o̱le̱ ci ozoze ol, ming anyaha zoz ci gerze kogon naga ko̱ ol ka̱gga̱c bunnat ci Ta̱mu̱ta̱dde̱no̱, kozoz wo̱ye̱ naga nya zo̱ze̱ necu? Abaci Ta̱mu̱ta̱dde̱n ngati ettedekket lo̱ki̱ko̱? Iróng Ta̱mu̱ta̱dde̱n abaci.

Roma 6:13

Ma anyikku o̱o̱tti̱ ciggo̱k koottung go̱o̱le̱ ci gerze kar anyait mu̱nye̱n, abarik aanycik zi̱nze̱tti̱ ciggo̱k do̱o̱k Ta̱mu̱ta̱dde̱n ki i̱yo̱ko̱ ol wak balik ingane Ta̱mu̱ta̱dde̱n daiza ke̱. I̱yo̱ko̱ zin, u̱tu̱gu̱z kaal cik abunna.

Roma 7:23

Kacinni zinine cinanni, anyak kaal u̱gge̱ cik ooro zinine cinanni, kecebe lagame ci lo̱ti̱nno̱k cik mu̱nye̱nu̱, alamte kaala wak ki̱no̱ni̱ korongi ku̱tu̱gu̱.

Roma 8:26

Eelannet atin Vongizi ci Ta̱mu̱ta̱dde̱no̱ bu̱k agita, eci naga iróng ka̱gga̱ gool ci kalawe Ta̱mu̱ta̱dde̱n. Alawonekket Vongizi oroot, ilalek Ta̱mu̱ta̱dde̱n go̱o̱le̱ ci iróng naga ka̱gga̱.

1 Ko̱ri̱nto̱ 5:6

Gerza zin zoz ci odongnyu niga e̱le̱tti̱. A̱gga̱yyu̱ niga nyigit cik meertak cikidik ming adak lata do̱o̱k?

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

1 Ko̱ri̱nto̱ 9:8

Iróng anna ka̱du̱wa̱ zoz necu i̱no̱ni̱nte̱ ci e̱e̱t ci diiri do̱, abarik gon lo̱ti̱nno̱wa̱ cik Musesi bu̱k a̱du̱wa̱ gon zoz necu ele.

Ga̱la̱ti̱a̱ 3:15

Gotonogga ki ngonogga tu̱we̱nta̱, ja i̱yo̱ko̱ ku̱du̱wa̱ gi̱i̱ ci i̱ya̱bzo̱ni̱k e̱e̱t ci diiri baiza zo̱ze̱ necu. Imma ming u̱tu̱gu̱zzo̱ ol cik een ram olom cinne̱ng kiwagon ming etted to̱o̱le̱c, iróng atin e̱e̱ti̱ co̱de̱ ngatinne̱ng uhu icima egerzan olom neci.

I̱bu̱ru̱ 12:15

Abunna ming eelannu kar urubta deten ci Ta̱mu̱ta̱dde̱no̱ niga do̱o̱k. Icinnet ju̱rru̱m, gerza ming oboda e̱e̱ti̱ ki vu̱rru̱t tu̱we̱nta̱ kar kize gerza bak a̱li̱b tu̱we̱ne̱t cunno̱ng, kar ol cik meelek kutungttek tu̱we̱ne̱t lo̱o̱c.

I̱bu̱ru̱ 4:15

Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.