Roma 6:17 - Tennet

¹⁷ E̱e̱ggi̱nnu̱ niga ba̱li̱ye̱ du̱cca̱k cik mu̱nye̱nu̱, abarik aanycik Ta̱mu̱ta̱dde̱n zany, eci niga iziktu de̱mzi̱ne̱t cinne, kar u̱zu̱tte̱ de̱mzi̱ne̱t neci zi̱nze̱tti̱nne̱ cuggo̱k.

Roma 6:17 ပူးပေါင်းရင်းမြစ်များ

Buk wa To̱ni̱a̱u̱ 11:18

Baling ming ovvo nege aziye zoz cu, iróng zin nege ngen adang Peturu, abarik innatit Ta̱mu̱ta̱dde̱n, kar kizeto ne, “Kar zin anyik Ta̱mu̱ta̱dde̱n ol cik e̱e̱ggi̱n i̱do̱ngi̱ kuturta mu̱nye̱n cigge̱k kar kanyait ruget ci aave udut ko̱ bu̱k.”

Buk wa To̱ni̱a̱u̱ 28:15

Baling iziyyet gotonoggeti cik abak Roma ming ka̱vvu̱nna̱ naga, i̱vi̱ta̱ u̱ru̱mte̱t gool o̱rge̱ ci een zara Appius, kar ngintik een i̱i̱yo̱ adaine ol. Baling icin Pa̱u̱lo̱ nogo, aanyik Ta̱mu̱ta̱dde̱n zany kar zin kokkom zinin cinne.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 1:8

Arrak oowa, kanyike anna Ta̱mu̱ta̱dde̱n zany zare cik Ye̱su̱ Ki̱ri̱sto̱ zo̱ze̱ cunno̱ng ol wak a̱tu̱we̱ Roma; eci ol do̱o̱k lo̱o̱co̱we̱ ozoz tu̱we̱ne̱t cunno̱ng.

Roma 15:18

Iróng atin anna kozozi zoz imma, kozozi zoz ci kaal cik ogon Ki̱ri̱sto̱ li̱ngli̱ngo̱nte̱ cinanni, kanyahak ol wak iróng een Ya̱u̱d ki̱vi̱ta̱ ko̱to̱ngo̱o̱ltte̱ Ta̱mu̱ta̱dde̱n, gi̱i̱ye̱ ci kogonni anna icima kozozi utuga.

Roma 16:26

Ma̱i̱je̱ i̱yo̱ko̱ zin, i̱ye̱la̱i̱ zoz bali eher a̱ri̱tto̱wa̱ balik reentik ke̱ zo̱ze̱ bali u̱du̱wa̱ Ta̱mu̱ta̱dde̱n udut ke̱. Kar ol do̱o̱k lo̱o̱ta̱ ngatu ku̱tu̱we̱t zo̱zzo̱k ne̱ke̱ kar ko̱to̱ngo̱o̱ltte̱ nonno.

Roma 2:8

Imma ngati ol wak a̱ppi̱nte̱k zi̱nze̱tti̱, ogon kaal cik gerzek, i̱ye̱la̱ atin enne mozinet cinne ngati e̱e̱t ci abure zoz ci een de̱de̱.

1 Ko̱ri̱nto̱ 1:4

Kanyik gon anna odohize Ta̱mu̱ta̱dde̱n zany eci enne a̱a̱nyu̱ng deten cinne ngati Ye̱su̱ Ki̱ri̱sto̱.

1 Ko̱ri̱nto̱ 14:6

I̱yo̱ko̱ zin, gotonogga ki ngonogga tu̱we̱nta̱, ming ka̱kku̱na̱ku̱ng kar kozoz utuge ci iróng niga a̱gga̱yyu̱, abunna ni̱i̱ ngatinno̱ng? Maya ming ka̱du̱wa̱kku̱ng arizet ci zoz ci a̱du̱wa̱ Ta̱mu̱ta̱dde̱n, icima gga̱wa̱ne̱t ci zoz ci Ta̱mu̱ta̱dde̱no̱ icima de̱mzi̱ne̱t.

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

Evesos 1:16

Imma zin zo̱ze̱ necu, kanyike gon anna Ta̱mu̱ta̱dde̱n zany odohize zo̱ze̱ cunno̱ng, ka̱a̱da̱nnu̱ng zin i̱ge̱t ngati kalawe Ta̱mu̱ta̱dde̱n odohize.

1 Te̱se̱lo̱ni̱ka̱ 3:9

Kanycik zin naga do̱o̱k Ta̱mu̱ta̱dde̱n zany zo̱ze̱ ci abunna ogonnu niga ko̱.

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

2 Ti̱mo̱te̱yo̱ 1:13

Gga̱m zo̱zo̱nno̱k balik een de̱de̱ iziyu ngatinanni ke̱, nyak tu̱we̱ne̱t ki rezinet ngati Ye̱su̱ Ki̱ri̱sto̱.

Vilomene 1:4

Gotona tu̱we̱nta̱ Vilomene, kanyike anna odohize Ta̱mu̱ta̱dde̱n cinanni zany ming kokko ka̱a̱da̱nni̱ lawinte cinanni,

I̱bu̱ru̱ 11:8

Imma bo̱do̱k tu̱we̱nte̱ ci e̱e̱t ci een zara Aburaham, elema zoz ci Ta̱mu̱ta̱dde̱no̱ baling awu nonno ke̱, kar kuk lo̱o̱ce̱ bali a̱nne̱k Manyi anyik nonno kuk ke̱, kar atin kuuwe lo̱o̱c neci kize cinne. Okko enne ming iróng a̱gga̱ lo̱o̱c neci nu̱nu̱n.

I̱bu̱ru̱ 5:9

Ma baling elema Ye̱su̱ ku̱tu̱gu̱ zoz neci de̱de̱, aanyik zin enne ol wak elemi nonno ti̱ri̱ze̱ne̱t ci aave udut.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

1 Peturu 3:1

Niga ngaai, o̱to̱ngo̱o̱ltte̱ maccwa ciggo̱k, kar uggak cik abure zoz ci Ta̱mu̱ta̱dde̱no̱ ko̱, okko atin zoz cunno̱ng a̱tu̱yyu̱ niga Manyi ko̱ aanyik atin nogo kelemtta zoz ci Ta̱mu̱ta̱dde̱no̱ ci iróng niga a̱du̱wa̱kku̱ nogo.

1 Peturu 4:17

Ize ojon i̱i̱ wa okko Ta̱mu̱ta̱dde̱n apahek ol waginnek lo̱ki̱ko̱. Ming akatai lo̱ki̱ko̱ neci ngatinna een wo̱ye̱ zoz ku̱ ngati ol wak abure kaviyak waginnek abunna. Azi Warage ci Ta̱mu̱ta̱dde̱no̱ ne,

2 Jon 1:4

Katalne anna oroot ngati kuruba dooli cigunnek u̱gge̱ ming abak zo̱ze̱ ci een de̱de̱ ki bali u̱du̱wa̱ Baba zoz ci een de̱de̱ ki rezinet ke̱.

3 Jon 1:3

Katalne anna oroot baling i̱vi̱ta̱ gotonoggeti uggak rok annita kar kozozit tu̱we̱ne̱t cunno̱ng zo̱ze̱ wa een de̱de̱ ki bo̱do̱k gool ci aavtiyyu niga baize wa een de̱de̱ udut.