Roma 6:14 - Tennet

¹⁴ Ma anyikku mu̱nye̱n kanyait doiz ngatinno̱ng, eci lo̱ti̱nno̱wa̱ balik reentik Musesi ke̱ iróng ngen bo̱do̱k abalung, abarik aanycik de̱ti̱ne̱t ci Ta̱mu̱ta̱dde̱no̱ kabalung.

Roma 6:14 ပူးပေါင်းရင်းမြစ်များ

Ma̱te̱yo̱ 1:21

Imma atin vu̱rrta̱, ming i̱ti̱rya̱i̱, a̱ka̱tte̱k do̱le̱c zar cik azi ne Ye̱su̱, eci okko atin enne eela ol ciginnek mu̱nye̱ne̱.”

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:17

Anyaha ba̱li̱ye̱ Ta̱mu̱ta̱dde̱n lo̱ti̱nno̱k go̱o̱le̱ wa Musesi, kar zin kuwahek ol; okko Ye̱su̱ Ki̱ri̱sto̱ anyaha deten ki zoz wa een de̱de̱.

Kaviyak wak Abunna Ta̱mu̱ta̱dde̱no̱ eher Joni 8:36

Ming aara Ngerinne mu̱nye̱n cigunnek, abau i̱nna̱ labak ki̱zze̱c mu̱nye̱na̱ to.

Roma 11:6

Ming ahala Ta̱mu̱ta̱dde̱n ol ngati anyike deten, iróng zin ngen een go̱o̱le̱ ci li̱ngli̱ngo̱nto̱, ming een go̱o̱le̱ ci li̱ngli̱ngo̱nto̱ de̱de̱, iróng deteni ci Ta̱mu̱ta̱dde̱n ngen een deten bo̱do̱k.

Roma 4:16

U̱du̱wa̱ Ta̱mu̱ta̱dde̱n, a̱mu̱yu̱k atin enne ol wak a̱tu̱ nonno, eci enne i̱i̱rke̱, anyak deten, irez ol, iróng een zo̱ze̱ ci azunne nege lo̱ti̱nno̱k. Ming anyak e̱e̱ti̱ tu̱we̱ne̱t ki ci Aburahami, a̱mu̱yu̱k atin Manyi nonno, iróng een ol wak azunne lo̱ti̱nno̱k do̱, abarik ki ol wak a̱tu̱ Ta̱mu̱ta̱dde̱n ki Aburahami, wa een be̱e̱ti̱nna̱ tu̱we̱nta̱.

Roma 5:17

Abalet daizi ki i̱yo̱ko̱ alaani ko̱, eci Adami abaca. Iróng zin zoz necu atubo ki gi̱i̱ ci ogon Ye̱su̱ Ki̱ri̱sto̱. I̱i̱rke̱ Ta̱mu̱ta̱dde̱n ngatinna oroot, kar kaanyyet bunnat cinne ka̱vvu̱ baize cinna zo̱ze̱ ci e̱e̱t co̱de̱ ṯok, Ye̱su̱ Ki̱ri̱sto̱.

Roma 5:18

Okko atin Ta̱mu̱ta̱dde̱n edez ol do̱o̱k mu̱nye̱ne̱ cik e̱e̱t co̱de̱, wa een zara Adam. Imma zin zo̱ze̱ ci e̱e̱t co̱de̱, u̱tu̱gu̱ Ye̱su̱ Ki̱ri̱sto̱ ko̱, ngati a̱da̱kne̱ ta̱la̱ke̱ca̱, elema zin Ta̱mu̱ta̱dde̱n ol do̱o̱k kubunnta kar kurubta ruget wa aave udut.

Roma 6:12

I̱yo̱ko̱ zin, ma anyikku mu̱nye̱n kutuwaung o̱o̱tti̱ ciggo̱k kar unuwet kaal cik orong zi̱nze̱tti̱ ciggo̱k.

Roma 6:15

Ka̱gga̱ naga niko aanyyet de̱ti̱ne̱t ci Ta̱mu̱ta̱dde̱no̱ ka̱vvu̱t labak, aanyyet wo̱ye̱ zoz necu ke̱me̱dda̱k mu̱nye̱n eci iróng lo̱ti̱nno̱wa̱ abaleta? I̱llo̱i̱!

Roma 8:12

Gotonogga ki ngonogga tu̱we̱nta̱, iróng kaala cik gerzek mu̱nye̱nu̱ irez zi̱nze̱tti̱ ko̱ ngen abaleta, abunna kogon gi̱i̱ wa a̱du̱wa̱kke̱t Vongizi ci Ta̱mu̱ta̱dde̱no̱, gerza ming kogon kaal cik gerzek amin zi̱nze̱tti̱ cigga̱c.

Roma 8:2

Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

Ga̱la̱ti̱a̱ 3:23

Baling ngen tu̱we̱ne̱t ki̱ki̱ya̱ ke̱, kaavtte ngati ebekket lo̱ti̱nno̱wa̱ cik Musesi. Ogon ki ci kecebje naga lagama zee, ki̱ki̱ya̱ gool ci tu̱we̱nto̱ ki̱ye̱la̱i̱ ngati Ye̱su̱ Ki̱ri̱sto̱.

Ga̱la̱ti̱a̱ 4:21

I̱yo̱ko̱ zin, anyak ol u̱gge̱ ngatinno̱ng orong ku̱zu̱tte̱ lo̱ti̱nno̱k wak Musesi. A̱gga̱yyu̱ keng ci lo̱ti̱nno̱k ne̱ke̱?

Ga̱la̱ti̱a̱ 5:18

Ma̱i̱je̱ i̱yo̱ko̱, ming een Vongiz ci A̱li̱le̱ ci abahe i̱nna̱, iróng i̱nna̱ e̱e̱ni̱ du̱ca̱i̱t ci lo̱ti̱nno̱k cik Musesi.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 8:10

Een necu olom ci een jor kogonni atin anna kadimani atin ki ce̱e̱z ci Israilo, i̱i̱te̱n neci, u̱du̱wa̱ Manyi, karike atin anna ti̱lo̱wi̱ne̱t cinanni o̱o̱tti̱ cigge̱k, kar keteherik zi̱nze̱tti̱nne̱ cigge̱k. Ke̱e̱ni̱ atin anna Ta̱mu̱ta̱dde̱n cinne̱ng, ovvo nege e̱e̱ggi̱n ol cigannik.