Roma 6:12 - Tennet

¹² I̱yo̱ko̱ zin, ma anyikku mu̱nye̱n kutuwaung o̱o̱tti̱ ciggo̱k kar unuwet kaal cik orong zi̱nze̱tti̱ ciggo̱k.

Roma 6:12 ပူးပေါင်းရင်းမြစ်များ

Kananet 4:7

Ma wo̱ye̱ ette ming tu̱gu̱ gi̱i̱ ci abunna, atali wo̱ye̱ ette i̱nna̱ bu̱k zee tararu. Ming iróng i̱nna̱ ogoni gi̱i̱ ci abunna, abile mu̱nye̱na̱ tatuge cunne; orong kiditain, abarik abunna ming iróng i̱nna̱ anyike gool.”

Roma 13:14

Abarik abunna ming arikku baiz ci Manyi Ye̱su̱ Ki̱ri̱sto̱ zi̱nze̱tti̱ cuggo̱k, kar abait baiz ci abunna, ma i̱no̱nnu̱ kaal cik lo̱o̱tu̱ gerzek orong e̱le̱tti̱ cuggo̱k wak anyaha mu̱nye̱n.

Roma 2:8

Imma ngati ol wak a̱ppi̱nte̱k zi̱nze̱tti̱, ogon kaal cik gerzek, i̱ye̱la̱ atin enne mozinet cinne ngati e̱e̱t ci abure zoz ci een de̱de̱.

Roma 5:21

Ki i̱yo̱ko̱, ming anyahak zin mu̱nye̱na̱ ol daiz lo̱o̱ta̱ ngatu; imma zin deteni abal ol bunnate ci Ta̱mu̱ta̱dde̱no̱ kar kaanyyet baiz wa aave udut ngati Ye̱su̱ Ki̱ri̱sto̱ Manyitinna.

Roma 6:14

Ma anyikku mu̱nye̱n kanyait doiz ngatinno̱ng, eci lo̱ti̱nno̱wa̱ balik reentik Musesi ke̱ iróng ngen bo̱do̱k abalung, abarik aanycik de̱ti̱ne̱t ci Ta̱mu̱ta̱dde̱no̱ kabalung.

Roma 6:16

Abarik zin abunna ming ka̱gga̱ niko ke̱e̱ggi̱n naga du̱cca̱k cik ol wak ko̱ngo̱o̱le̱ naga. Ming ke̱e̱ggi̱n du̱cca̱k cik mu̱nye̱nu̱, okkoyet daiza, abarik zin abunna ke̱e̱ggi̱n du̱cca̱k cik Ta̱mu̱ta̱dde̱no̱ okkoyet bak karuba bunnat cinne.

Roma 8:11

Imma Vongizi ci Ta̱mu̱ta̱dde̱no̱ bali ingane Ye̱su̱ daiza abak ngatinno̱ng do̱o̱k, nonno ci ingane Ki̱ri̱sto̱ daiza, a̱a̱nyu̱ng atin enne baiz ci een jor e̱le̱tti̱ne̱ cik daizak ko̱, Vongize cinne.

Roma 8:13

Ming ogonnu kaal cik gerzek ko̱, ovvoyyu atin daiza. Abarik ming eelaung Vongizi ci A̱li̱le̱, utungttu kaal ne̱ke̱ amin zi̱nze̱tti̱ ko̱ do̱o̱k, urugttu zin atin niga.

2 Ko̱ri̱nto̱ 4:11

Ming ngen karuge nu̱nu̱n, ka̱gga̱ ka̱ru̱we̱ atin eci kedemez zoz ci obod ki Ye̱su̱. Aanyyet Ta̱mu̱ta̱dde̱n kipirta abunna ming acin ol ngen Ye̱su̱ aruge e̱le̱tti̱ne̱ cik atin a̱da̱i̱ ko̱.

2 Ko̱ri̱nto̱ 5:4

Een zin de̱de̱ ming ngen naga karuge, kanyak e̱le̱tti̱ cik ogon ki ti̱te̱tta̱ ko̱, kabalac odohize eci korong kutungttek e̱le̱tti̱ ne̱ko̱ lo̱o̱c. Iróng korongnyya ka̱vvu̱tta̱ ki ci a̱zze̱ e̱le̱tti̱ to, abarik kabalac eci korong nginti kabahe ki Ta̱mu̱ta̱dde̱n ta̱mu̱-kenga. Korongnyya zoz necu ku̱tu̱gu̱we̱ ataman abunna e̱le̱tti̱ cik ovvo atin a̱da̱i̱ ko̱ kutuhuye kizeto e̱le̱tti̱ cik abak udut.

Ga̱la̱ti̱a̱ 5:16

Ka̱du̱wa̱kku̱ng abunna ming azunnu Vongiz ci A̱li̱le̱ baize cunno̱ng, kar zin iróng ngen abakku mu̱nye̱ne̱ cik amin zi̱nze̱tti̱ cuggo̱k.

Ga̱la̱ti̱a̱ 5:24

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.

Evesos 2:3

Kabak ba̱li̱ye̱ naga bu̱k ki i̱yo̱ko̱, kabal e̱le̱tti̱ kaale cik kireze e̱le̱tti̱. Kaanycik zin naga Ta̱mu̱ta̱dde̱n komoze zo̱ze̱ ci kogon naga ko̱, okko atin enne ettedekket lo̱ki̱ko̱ ki ol do̱o̱k.

Evesos 4:22

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng.

1 Te̱se̱lo̱ni̱ka̱ 4:5

Ma anyikku a̱li̱ya̱kze̱t ka̱gga̱ma̱u̱ng baiz kiwagon ol cik iróng a̱gga̱ zoz ci Ta̱mu̱ta̱dde̱no̱.

2 Ti̱mo̱te̱yo̱ 2:22

Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.

Ti̱to̱ 2:12

Edemezet de̱ti̱ne̱t kar kutungget baiz ci gerze ci iróng Ta̱mu̱ta̱dde̱n elemi. Abunna kabak lo̱o̱ce̱ cu ngati kanyahe uruttok baizowe, kogon kaal cik abunna, kar bo̱do̱k kaarttek zi̱nze̱tti̱ Ta̱mu̱ta̱dde̱n,

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

1 Peturu 1:14

Ki i̱yo̱ko̱ dooli cik aziye zoz ko̱, ma ngen ogonnu bo̱do̱k kaal cik gerzek balik ogonnu niga baling ngen a̱gga̱c zoz ci een de̱de̱.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.

Ju̱da̱ 1:18

A̱nne̱kku̱ng ne, “Imma atin i̱i̱nya̱we̱ cik okko looci aṯurneke, a̱vvu̱ atin ol cik ovvo aranne zoz ci Ta̱mu̱ta̱dde̱no̱, eci orong ku̱tu̱gu̱zzo̱ kaal cik gerzek amin zi̱nze̱tti̱ cigge̱k.”