Roma 5:9 - Tennet

⁹ Idimantet zin bi̱ye̱ta̱ cik Ye̱su̱ wak a̱ddu̱ta̱i̱ ko̱ kubunnta ju̱rru̱m, eelawet mozinte ci Ta̱mu̱ta̱dde̱no̱, kar Manyi kelemait zo̱ze̱ necu.

Roma 5:9 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Roma 1:18

I̱ye̱la̱i̱ mozinet ci aburne Ta̱mu̱ta̱dde̱n nong ngati ol wak abure zoz wainne een de̱de̱ ta̱mu̱-kenga, okko atin enne edez nogo. Anyike nege zoz ci gerze kize ci ommog zoz ci een de̱de̱.

Roma 5:1

I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

Roma 8:30

Utu zin Ta̱mu̱ta̱dde̱n ol balik odola atahala enne, imma ol ne̱k awu enne ko̱, elema enne kize ol wak abunna, kar kaanyik nogo kozolit komiz cinne.

Evesos 2:13

E̱e̱ggi̱nnu̱ niga ol balik aavtiyyu reena ngati Ta̱mu̱ta̱dde̱no̱, ma̱i̱je̱ i̱yo̱ko̱, aanyik Ki̱ri̱sto̱ Ye̱su̱ ele cinne kize wawac kar kidimanung i̱ge̱t izet ol cik Ta̱mu̱ta̱dde̱no̱.

Evesos 2:3

Kabak ba̱li̱ye̱ naga bu̱k ki i̱yo̱ko̱, kabal e̱le̱tti̱ kaale cik kireze e̱le̱tti̱. Kaanycik zin naga Ta̱mu̱ta̱dde̱n komoze zo̱ze̱ ci kogon naga ko̱, okko atin enne ettedekket lo̱ki̱ko̱ ki ol do̱o̱k.

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

I̱bu̱ru̱ 9:14

Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.

I̱bu̱ru̱ 9:22

De̱de̱, azzac ol kaal do̱o̱k bi̱ye̱te̱ ki bali ming a̱du̱wa̱ lo̱ti̱nno̱wa̱ cik Musesi ke̱; eci ming i̱llo̱i̱ bi̱ye̱ cik apahek ol Ta̱mu̱ta̱dde̱n, iróng Manyi alalek ol mu̱nye̱n.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.