Roma 5:8 - Tennet

⁸ Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

Roma 5:8 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 15:13

I̱llo̱i̱ rezinet ci ommog wa a̱da̱kne̱ e̱e̱ti̱ imma ngati gonogginnu.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Roma 3:5

Ja ku̱du̱wa̱ go̱o̱le̱ ci ozoze ol, ming anyaha zoz ci gerze kogon naga ko̱ ol ka̱gga̱c bunnat ci Ta̱mu̱ta̱dde̱no̱, kozoz wo̱ye̱ naga nya zo̱ze̱ necu? Abaci Ta̱mu̱ta̱dde̱n ngati ettedekket lo̱ki̱ko̱? Iróng Ta̱mu̱ta̱dde̱n abaci.

Roma 4:25

Aanyyet Ta̱mu̱ta̱dde̱n Ye̱su̱ kar ka̱da̱k mu̱nye̱ne̱ cigga̱c, kar kitingawe nonno daiza, kar naga kizet ol cik abunna ngu̱me̱ ci Ta̱mu̱ta̱dde̱no̱.

Roma 5:20

Aanyik Ta̱mu̱ta̱dde̱n Muses lo̱ti̱nno̱k, kar ki̱ye̱la̱ ba̱ci̱nno̱k cik ollu meelek, ming ovvo ba̱ci̱no̱wa̱ e̱e̱ggi̱n meele giir, okko zin deteni ci Ta̱mu̱ta̱dde̱no̱ okkomi kak, i̱ye̱la̱ bunnat cinne.

Roma 5:6

Ma baling i̱zzi̱ gool ci kar naga keelttai e̱le̱tti̱ cigga̱c, i̱ki̱ya̱ zin Ki̱ri̱sto̱ ti̱ri̱zo̱i̱ti̱ i̱i̱te̱ne̱ ci odola Ta̱mu̱ta̱dde̱n kar ka̱da̱k mu̱nye̱ne̱ cigga̱c.

Roma 5:7

I̱llo̱i̱ wo̱ye̱ e̱e̱t imma ci orong kar ka̱da̱k zo̱ze̱ ci e̱e̱t ci azunne lo̱ti̱nno̱k, orong wo̱ye̱ e̱e̱ti̱ imma ka̱da̱k zo̱ze̱ ci e̱e̱t ci abunna.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

Roma 8:39

icima kaal cik aavtte ta̱mu̱-kenga, icima cik aavtte lo̱o̱ta̱. I̱llo̱i̱ kaale cik eenyca Ta̱mu̱ta̱dde̱n ko̱ cik engeryet agit rezinte ci Ta̱mu̱ta̱dde̱no̱ ngati Manyitinna Ye̱su̱ Ki̱ri̱sto̱.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

1 Ti̱mo̱te̱yo̱ 1:16

Alaleya Ta̱mu̱ta̱dde̱n annit e̱e̱t wa mu̱nye̱nu̱ wa ommog veelek kar ol kicinnta bunnat ci Ye̱su̱ Ki̱ri̱sto̱ ngatinanni, kar ol kicinnet laliz ci zinin ci Ta̱mu̱ta̱dde̱no̱. Kar ol cik a̱tu̱ zoz ci Ye̱su̱ kuruget udut.

I̱bu̱ru̱ 8:3

Ka̱gga̱ naga niko atahala Ta̱mu̱ta̱dde̱n alaan ci a̱ddi̱ki̱re̱ wawaco kar kaanyik Ta̱mu̱ta̱dde̱n muci kar bo̱do̱k kapahek nonno wawa. Abunna zin bo̱do̱k alaani ci a̱ddi̱ki̱re̱ wawaco Ye̱su̱ ming apahek Ta̱mu̱ta̱dde̱n wawac.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Jon 3:16

Gool zin ci ka̱gga̱we̱ naga rezinet ci een de̱de̱ ko̱ necu: A̱da̱i̱ Ye̱su̱ Ki̱ri̱sto̱ zo̱ze̱ cinna. Abunna zin naga bu̱k baize cinna ming ka̱da̱i̱ zo̱ze̱ ci gotonogget ki ngonogget tu̱we̱nta̱.