Roma 5:6 - Tennet

⁶ Ma baling i̱zzi̱ gool ci kar naga keelttai e̱le̱tti̱ cigga̱c, i̱ki̱ya̱ zin Ki̱ri̱sto̱ ti̱ri̱zo̱i̱ti̱ i̱i̱te̱ne̱ ci odola Ta̱mu̱ta̱dde̱n kar ka̱da̱k mu̱nye̱ne̱ cigga̱c.

Roma 5:6 ပူးပေါင်းရင်းမြစ်များ

Roma 11:26

Kar zin atin vu̱rrta̱, i̱vi̱ta̱ olli Israilo do̱o̱k urubta ti̱ri̱ze̱ne̱t. Ki i̱yo̱ko̱ e̱he̱rye̱ Warage ci Ta̱mu̱ta̱dde̱no̱, azi ne, “A̱kku̱ atin e̱e̱ti̱ imma ci okko a̱ti̱ri̱z ol do̱o̱k o̱rge̱ ci een Zion. Okko atin enne aara ol wak iróng elemi Ta̱mu̱ta̱dde̱n olle wak aavtte ki Ya̱ko̱bo̱.

Roma 4:25

Aanyyet Ta̱mu̱ta̱dde̱n Ye̱su̱ kar ka̱da̱k mu̱nye̱ne̱ cigga̱c, kar kitingawe nonno daiza, kar naga kizet ol cik abunna ngu̱me̱ ci Ta̱mu̱ta̱dde̱no̱.

Roma 4:5

Imma e̱e̱ti̱ ci iróng a̱li̱ngli̱ng ma̱i̱je̱ ngatu a̱tu̱ Ta̱mu̱ta̱dde̱n ci alalnek ol mu̱nye̱n, eci Ta̱mu̱ta̱dde̱n elemi tu̱we̱ne̱t cinne kize bunnat.

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 5:7

I̱llo̱i̱ wo̱ye̱ e̱e̱t imma ci orong kar ka̱da̱k zo̱ze̱ ci e̱e̱t ci azunne lo̱ti̱nno̱k, orong wo̱ye̱ e̱e̱ti̱ imma ka̱da̱k zo̱ze̱ ci e̱e̱t ci abunna.

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

Kolosiya 2:13

U̱tu̱gu̱zzu̱ niga ba̱li̱ye̱ ki ol cik a̱da̱i̱to̱ mu̱nye̱ne̱ cuggo̱k, ogonnu niga ki ci ngen mu̱nye̱na̱ cuggo̱k kaartai, a̱a̱nyu̱ng zin Ta̱mu̱ta̱dde̱n ruget zo̱ze̱ ci Ki̱ri̱sto̱. Alalek enne mu̱nye̱n cigga̱c agit do̱o̱k.

1 Te̱se̱lo̱ni̱ka̱ 5:9

Eelannet atin Ta̱mu̱ta̱dde̱n, iróng orongnyet kar kedezzeta. Abarik ahalanet kar ki̱tto̱nna̱e̱t Manyitinna Ye̱su̱ Ki̱ri̱sto̱ ki̱ti̱ri̱ze̱ta̱.

1 Ti̱mo̱te̱yo̱ 1:9

Eci ka̱gga̱ niko iróng lo̱ti̱nno̱wa̱ een cik ol cik abunna, abarik e̱e̱ggi̱n cik ol wak een i̱rki̱ryo̱k ki ol wak abure zoz ci alaano, ki ol wak mu̱nye̱nu̱, ki wak abure zoz ci Ta̱mu̱ta̱dde̱no̱, ki wak a̱ru̱k be̱e̱ti̱gge̱k ki e̱e̱ti̱gge̱k ka̱da̱i̱to̱ ki wak amuny ol,

Ti̱to̱ 2:12

Edemezet de̱ti̱ne̱t kar kutungget baiz ci gerze ci iróng Ta̱mu̱ta̱dde̱n elemi. Abunna kabak lo̱o̱ce̱ cu ngati kanyahe uruttok baizowe, kogon kaal cik abunna, kar bo̱do̱k kaarttek zi̱nze̱tti̱ Ta̱mu̱ta̱dde̱n,

I̱bu̱ru̱ 8:3

Ka̱gga̱ naga niko atahala Ta̱mu̱ta̱dde̱n alaan ci a̱ddi̱ki̱re̱ wawaco kar kaanyik Ta̱mu̱ta̱dde̱n muci kar bo̱do̱k kapahek nonno wawa. Abunna zin bo̱do̱k alaani ci a̱ddi̱ki̱re̱ wawaco Ye̱su̱ ming apahek Ta̱mu̱ta̱dde̱n wawac.

I̱bu̱ru̱ 9:26

Ming riil zoz ci apahek tuwayowa Ta̱mu̱ta̱dde̱n kaal odohize, aanyik weda Ye̱su̱ Ki̱ri̱sto̱ ele cinne Ta̱mu̱ta̱dde̱n kize wawac odohize odohize kanante ci lo̱o̱tu̱. Abarik aanyik enne ele cinne kize wawac lak co̱de̱, kar kaara mu̱nye̱n bu̱u̱llo̱k ki bu̱u̱llo̱k.

1 Peturu 1:20

Atahala bali Ta̱mu̱ta̱dde̱n nonno baling ngen looci keteehenyai ke̱, abarik i̱ye̱la̱i̱ atin Ye̱su̱ ngati aṯurneke looci zo̱ze̱ cunno̱ng.

2 Peturu 3:7

Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.

Ju̱da̱ 1:15

kar ki̱ki̱ya̱ kettedek ol do̱o̱k lo̱ki̱ko̱, ol wak iróng elemi zoz ci Ta̱mu̱ta̱dde̱no̱, ki ol wak ogon kaal go̱o̱le̱ ci iróng Ta̱mu̱ta̱dde̱no̱ orongi, kar bo̱do̱k ki ol wak ozoz gerzet zo̱ze̱ ci Ta̱mu̱ta̱dde̱no̱.”

Ju̱da̱ 1:18

A̱nne̱kku̱ng ne, “Imma atin i̱i̱nya̱we̱ cik okko looci aṯurneke, a̱vvu̱ atin ol cik ovvo aranne zoz ci Ta̱mu̱ta̱dde̱no̱, eci orong ku̱tu̱gu̱zzo̱ kaal cik gerzek amin zi̱nze̱tti̱ cigge̱k.”

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.