Roma 5:21 - Tennet

²¹ Ki i̱yo̱ko̱, ming anyahak zin mu̱nye̱na̱ ol daiz lo̱o̱ta̱ ngatu; imma zin deteni abal ol bunnate ci Ta̱mu̱ta̱dde̱no̱ kar kaanyyet baiz wa aave udut ngati Ye̱su̱ Ki̱ri̱sto̱ Manyitinna.

Roma 5:21 ပူးပေါင်းရင်းမြစ်များ

Ma̱te̱yo̱ 25:46

“Kar atin ol ne̱ko̱ koot piryanzete ci aalna udut, ma̱i̱je̱ ol cik abunna ovvo baize ci aave udut.”

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 10:28

Kanyike anna nogo ruget wa aave udut, iróng bo̱do̱k nege ngen a̱da̱i̱. A̱zze̱ e̱e̱ti̱ imma ci aama nogo a̱tte̱ cinanni to.

Roma 4:13

U̱du̱wa̱k Ta̱mu̱ta̱dde̱n Aburaham ki dooli cik dooli cigge̱k, okko atin enne aanyik nogo lo̱o̱c. Iróng enne a̱du̱wa̱ zoz necu eci Aburahami uzute lo̱ti̱nno̱k balik Musesi ke̱, abarik Ta̱mu̱ta̱dde̱n acin bunnat ci a̱kku̱ tu̱we̱nte̱ cinne.

Roma 5:12

Akane e̱e̱ti̱ co̱de̱ ṯok mu̱nye̱n kar mu̱nye̱na̱ ne̱ke̱ kanyaktak olli lo̱o̱tu̱ daiz. Bak kacin u̱tu̱gu̱zzo̱ ol do̱o̱k mu̱nye̱n, a̱da̱i̱ atin ol do̱o̱k zo̱ze̱ ci mu̱nye̱nu̱.

Roma 5:14

Anyak daizi komiz ngati e̱e̱t ci diiri, akane ba̱li̱ye̱ i̱nya̱we̱ balik Adami ke̱ rok Muses. Okko daizi rok ol wak ngen ku̱tu̱gu̱zzo̱ mu̱nye̱n ki bali u̱tu̱gu̱ Adami ke̱.

Roma 5:17

Abalet daizi ki i̱yo̱ko̱ alaani ko̱, eci Adami abaca. Iróng zin zoz necu atubo ki gi̱i̱ ci ogon Ye̱su̱ Ki̱ri̱sto̱. I̱i̱rke̱ Ta̱mu̱ta̱dde̱n ngatinna oroot, kar kaanyyet bunnat cinne ka̱vvu̱ baize cinna zo̱ze̱ ci e̱e̱t co̱de̱ ṯok, Ye̱su̱ Ki̱ri̱sto̱.

Roma 6:12

I̱yo̱ko̱ zin, ma anyikku mu̱nye̱n kutuwaung o̱o̱tti̱ ciggo̱k kar unuwet kaal cik orong zi̱nze̱tti̱ ciggo̱k.

Roma 6:14

Ma anyikku mu̱nye̱n kanyait doiz ngatinno̱ng, eci lo̱ti̱nno̱wa̱ balik reentik Musesi ke̱ iróng ngen bo̱do̱k abalung, abarik aanycik de̱ti̱ne̱t ci Ta̱mu̱ta̱dde̱no̱ kabalung.

Roma 6:16

Abarik zin abunna ming ka̱gga̱ niko ke̱e̱ggi̱n naga du̱cca̱k cik ol wak ko̱ngo̱o̱le̱ naga. Ming ke̱e̱ggi̱n du̱cca̱k cik mu̱nye̱nu̱, okkoyet daiza, abarik zin abunna ke̱e̱ggi̱n du̱cca̱k cik Ta̱mu̱ta̱dde̱no̱ okkoyet bak karuba bunnat cinne.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

Roma 8:10

Ming abak Ki̱ri̱sto̱ zi̱nze̱tti̱nne̱ cuggo̱k, a̱da̱i̱to̱ e̱le̱tti̱ cuggo̱k do̱ zo̱ze̱ ci mu̱nye̱nu̱, ma̱i̱je̱ vongizzowa cuggo̱k aruge zo̱ze̱ ci bunnat ci Ta̱mu̱ta̱dde̱no̱.

Ti̱to̱ 2:11

Ma̱rri̱t Ta̱mu̱ta̱dde̱n i̱ye̱la̱ deten ci eelanne enne ol do̱o̱k.

I̱bu̱ru̱ 4:16

Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

1 Jon 2:25

Een necu zoz ci u̱du̱wa̱e̱t enne agita: ruget ci aave udut.