Roma 5:2 - Tennet

² I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

Roma 5:2 ပူးပေါင်းရင်းမြစ်များ

Ma̱te̱yo̱ 25:21

“O̱bo̱de̱k zin ddi̱ki̱ryo̱i̱ti̱ a̱nne̱k ne, ‘Abunna oroot, e̱e̱ni̱ i̱nna̱ du̱ca̱i̱t ci abunna, kar bo̱do̱k nyak zinin ci alali. A̱gga̱mu̱ i̱nna̱ lodet cik kidik ko̱ zinine ci alali, i̱yo̱ko̱ zin kaanyi atin gga̱m kaal cigannik meelek. I̱jja̱ ozolit talninet ki ddi̱ki̱ryo̱i̱t cunne.

Kaviyak wak Abunna Ta̱mu̱ta̱dde̱no̱ eher Joni 10:7

A̱nne̱k zin Ye̱su̱ bo̱do̱k nogo ne, “Ka̱du̱wa̱kku̱ng zoz ci een de̱de̱, ke̱e̱ni̱ anna aran ci iyowe eezena.

Kaviyak wak Abunna Ta̱mu̱ta̱dde̱no̱ eher Joni 10:9

Kogonni anna ki arani, ming iyok e̱e̱ti̱ go̱o̱le̱ cinanni, amuda ti̱ri̱ze̱ne̱t. I̱i̱zo̱ enne bo̱ngi̱t kar kiyowa kuk geen.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Buk wa To̱ni̱a̱u̱ 14:27

Baling a̱ra̱yya̱ nege Antiyok, u̱tu̱yya̱ ol wak a̱tu̱we̱ do̱o̱k kar ku̱du̱kta̱k kaal cik u̱tu̱gu̱we̱k Ta̱mu̱ta̱dde̱n nogo ki bo̱do̱k ol wak iróng een Ya̱u̱d u̱tu̱we̱t Ye̱su̱.

Roma 11:20

Anyozik ba̱li̱ye̱ zoz necu de̱de̱ nogo. Abarik u̱du̱lto̱zi̱k nege tu̱ eci iróng nege a̱tu̱we̱, imma niga abilnnu niga tu̱we̱nta̱. Ma e̱e̱ggi̱nnu̱ moote, abarik o̱to̱ngo̱o̱ltte̱.

Roma 12:12

Abunna ming atalninnu ngati arikku zi̱nze̱tti̱ Ta̱mu̱ta̱dde̱n. Ming apirnannu, inimet no̱ngi̱tto̱n, alayo odohize.

Roma 14:4

E̱e̱ni̱ i̱nna̱ ngene kar pahek du̱ca̱i̱t ci e̱e̱t imma zoz ko̱? Manyi du̱cca̱k do̱ niko ci odola zoz ci du̱cca̱k ciginnek, kar atin Ta̱mu̱ta̱dde̱n keela nogo ku̱tu̱gu̱zzo̱ ju̱rru̱m.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 3:23

Eci ol do̱o̱k anyak ba̱ci̱nno̱k cik mu̱nye̱nu̱, iróng zin naga ngen kazuca di̱ngdi̱ngo̱n ci Ta̱mu̱ta̱dde̱no̱.

Roma 5:5

Iróng zoz ci karike naga zi̱nze̱tti̱ Ta̱mu̱ta̱dde̱n ko̱ unyaneta, eci Ta̱mu̱ta̱dde̱n aanyyet agit rezinet cinne zi̱nze̱tti̱nne̱ cigga̱c go̱o̱le̱ ci Vongiz ci A̱li̱le̱, ci aanyet enne agita.

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

Roma 8:24

Eci zo̱ze̱ ci karikka naga zi̱nze̱tti̱ ko̱ ci aanyet ti̱ri̱ze̱ne̱t. Ma̱i̱je̱ ngatu, iróng zin naga karike zi̱nze̱tti̱ kaal cik kacin eberene ko̱. Ngene ci arike zinin gi̱i̱ ci anyak enne la̱du̱n?

1 Ko̱ri̱nto̱ 15:1

I̱yo̱ko̱ gotonogga ki ngonogga tu̱we̱nta̱, korongi ka̱a̱da̱u̱ng zo̱ze̱ ci kaviyak cik abunna balik kuwahekkung anna ke̱, kaviyak balik elemttau niga ke̱ kar u̱tu̱we̱t rok i̱yo̱ko̱ ko̱.

2 Ko̱ri̱nto̱ 3:18

U̱tu̱gu̱ ki ci aara Ta̱mu̱ta̱dde̱n gi̱i̱ ci a̱bu̱ng zi̱nze̱tti̱ cigga̱c, alam zoz ci Ta̱mu̱ta̱dde̱no̱ ko̱. I̱ye̱lta̱ zi̱nze̱tti̱ cigga̱c di̱ngdi̱ngo̱n ki vooriten ci Manyi, utuhuwet agit zin Vongizi neci ku̱tu̱gu̱zzo̱ ki Manyi.

2 Ko̱ri̱nto̱ 4:17

Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma.

Evesos 2:18

Eci zo̱ze̱ ci Ki̱ri̱sto̱, kanyak naga do̱o̱k olli Ya̱u̱do̱ ki ol cik iróng een Ya̱u̱d gool ci ka̱vvu̱nna̱k naga Be̱e̱ti̱nna̱ Vongize co̱de̱ Ta̱mu̱ta̱dde̱no̱.

Evesos 3:12

Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma.

Evesos 6:13

I̱yo̱ko̱ zin, a̱gga̱mi̱t i̱be̱n cik Ta̱mu̱ta̱dde̱no̱ kar inimet illa ci lo̱rye̱nto̱ ming i̱ki̱ya̱ i̱i̱te̱ni̱ neci. Akatek zo̱o̱ lo̱o̱c, i̱li̱ngli̱nge̱t kaal cik a̱a̱nyu̱ng Ta̱mu̱ta̱dde̱n do̱o̱k, kar ommogit lo̱rye̱ni̱t.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

I̱bu̱ru̱ 6:18

U̱tu̱gu̱ Ta̱mu̱ta̱dde̱n niko kar zin kaale cik e̱e̱ggi̱n rama, iróng enne uhu eci iróng Ta̱mu̱ta̱dde̱n ovolongi zo̱ze̱ wa u̱du̱wa̱ enne, imma naga ol cik ki̱vi̱re̱t ko̱, kar kurubta zoz ci karike naga zi̱nze̱tti̱ ko̱, anyazoita kar izoccet wo̱ye̱ agit oroot.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

O̱no̱zzo̱k 21:11

Aanyik di̱ngdi̱ngo̱ni̱ ci Ta̱mu̱ta̱dde̱no̱ orog neci katalany, okko lanyci cinne ogon kiwagon be ci een zara jasper a̱zi̱ze̱ alanyiti, ataltali bo̱do̱k ki i̱yo̱ko̱ kirijaja ko̱.

O̱no̱zzo̱k 21:23

Iróng orogi orong i̱i̱ icima nye̱lo̱k kar kataran lo̱o̱c, ma̱rri̱t di̱ngdi̱ngo̱ni̱ ci Ta̱mu̱ta̱dde̱no̱ ataran lo̱o̱c, okko Nyoon een urez cinne.

O̱no̱zzo̱k 21:3

Kar anna kizik muluk ci a̱bu̱le̱ a̱kku̱ lecera, azi ne, “I̱yo̱ko̱ aave nginti abahe Ta̱mu̱ta̱dde̱n olle, kar atin enne kabak ki nogo. Ovvo atin nege e̱e̱ggi̱n ol ciginnek, okko atin Ta̱mu̱ta̱dde̱n eliya abak ki nogo kar enne kize Ta̱mu̱ta̱dde̱n cinne̱ng.

O̱no̱zzo̱k 3:21

Imma ngati e̱e̱t ci anime no̱ngi̱tto̱n, kovvo atin anna ki nonno kaavtiya lecere cinanni, ogon ki baling kinima anna no̱ngi̱tto̱n kar ka̱vvu̱ta̱ ki Baba lecere cinne.