Roma 5:1 - Tennet

¹ I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

Roma 5:1 ပူးပေါင်းရင်းမြစ်များ

Lu̱ka̱ 19:38

“U̱mu̱yu̱k Ta̱mu̱ta̱dde̱n e̱e̱t ci a̱kku̱ zare cik Manyi!” “Aave gano ta̱mu̱-kenga ki di̱ngdi̱ngo̱n ci aave ta̱dde̱na̱!”

Lu̱ka̱ 19:42

Kar kize ne, “Ming a̱gga̱yyu̱ niga wazin cu nya ci anyahakku̱ng i̱ge̱t gano, ma̱i̱je̱ i̱yo̱ko̱ a̱lu̱gnye̱ zoz necu eberene ciggo̱k.

Lu̱ka̱ 2:14

“Anycik di̱ngdi̱ngo̱n Ta̱mu̱ta̱dde̱n, ta̱dde̱na̱, kar lo̱o̱ta̱ gano ci ol cik diirik cik elemi Ta̱mu̱ta̱dde̱n.”

Kaviyak wak Abunna Ta̱mu̱ta̱dde̱no̱ eher Joni 14:27

Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Buk wa To̱ni̱a̱u̱ 10:36

A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k.

Roma 1:17

Eci kaviyahe cik abunna Ye̱su̱ i̱ye̱la̱ ming a̱kku̱ bunnati ngati Ta̱mu̱ta̱dde̱no̱, aara zin ol balik u̱tu̱gu̱zzo̱ mu̱nye̱n ke̱ kizeto ol cik abunna, a̱kku̱ bunnati neci tu̱we̱nta̱ arrak oowa okko rok vu̱rru̱t, ki i̱yo̱ko̱ ming e̱he̱rye̱, azi ne, “Abak atin e̱e̱ti̱ ci abunna tu̱we̱nta̱.”

Roma 1:7

Keherik anna waraga cu ol cik a̱li̱le̱ irez Ta̱mu̱ta̱dde̱n abak lo̱o̱ce̱ ci Romi, kar bo̱do̱k Ta̱mu̱ta̱dde̱n katahala nogo kizeto ol ciginnek. Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng i̱ge̱t do̱o̱k gano ki deten.

Roma 10:10

Eci ming a̱tu̱we̱ i̱nna̱ zinine cunne, elemnyi atin Ta̱mu̱ta̱dde̱n ize e̱e̱t ci abunna, kar bo̱do̱k ming a̱du̱wa̱ utuge cunne een Ye̱su̱ Manyi cunne, aruba atin i̱nna̱ ti̱ri̱ze̱ne̱t.

Roma 10:15

Uwahek wo̱ye̱ e̱e̱ti̱ imma nogo kaviyak cik abunna ko̱ ming ngen Ta̱mu̱ta̱dde̱n kodola ki̱tto̱n e̱e̱t neci? E̱he̱rye̱ waraga ci Ta̱mu̱ta̱dde̱no̱ azi ne “A̱zi̱ze̱ zoona cik ol wak anyahak ol kaviyak cik abunna.”

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

Roma 15:33

Kala Ta̱mu̱ta̱dde̱n wa aanyyet gano, anyik bai gano ka̱vvu̱ ngatinno̱ng do̱o̱k. Nonno nenen.

Roma 3:22

A̱kku̱ gool ci zoz ci abunna ko̱ ngati Ta̱mu̱ta̱dde̱no̱, kar ol do̱o̱k kubunnta, elemi enne e̱e̱t ming a̱tu̱ Ye̱su̱ Ki̱ri̱sto̱ kize ti̱ri̱zo̱i̱t cinne.

Roma 3:30

O̱de̱ Ta̱mu̱ta̱dde̱n ṯok, elemi enne Ya̱u̱d wak etted vi̱ca̱vi̱cce̱t tu̱we̱nta̱, elemi bo̱do̱k ol wak iróng etted vi̱ca̱vi̱cce̱t tu̱we̱nta̱.

Roma 4:5

Imma e̱e̱ti̱ ci iróng a̱li̱ngli̱ng ma̱i̱je̱ ngatu a̱tu̱ Ta̱mu̱ta̱dde̱n ci alalnek ol mu̱nye̱n, eci Ta̱mu̱ta̱dde̱n elemi tu̱we̱ne̱t cinne kize bunnat.

Roma 5:11

Katalninna zin oroot kaale do̱o̱k, eci Ta̱mu̱ta̱dde̱n i̱tto̱na̱i̱t Manyitinna Ye̱su̱ Ki̱ri̱sto̱ kar kanyait gano naga ol balik ke̱e̱ggi̱n mo̱ddo̱ cik Ta̱mu̱ta̱dde̱no̱ ke̱.

Roma 5:18

Okko atin Ta̱mu̱ta̱dde̱n edez ol do̱o̱k mu̱nye̱ne̱ cik e̱e̱t co̱de̱, wa een zara Adam. Imma zin zo̱ze̱ ci e̱e̱t co̱de̱, u̱tu̱gu̱ Ye̱su̱ Ki̱ri̱sto̱ ko̱, ngati a̱da̱kne̱ ta̱la̱ke̱ca̱, elema zin Ta̱mu̱ta̱dde̱n ol do̱o̱k kubunnta kar kurubta ruget wa aave udut.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

Roma 9:30

Azi ungec ci zoz necu ne? Iróng ol wak iróng een Ya̱u̱d ko̱ elemi bunnat ci Ta̱mu̱ta̱dde̱no̱, elemi enne nogo kubunnta ngu̱me̱ ci cinne eci nege a̱tu̱ Ye̱su̱.

Ga̱la̱ti̱a̱ 2:16

Abarik ka̱gga̱yya̱ aave e̱e̱ti̱ ju̱rru̱m ngu̱me̱ ci Ta̱mu̱ta̱dde̱no̱ go̱o̱le̱ ci a̱tu̱we̱ enne Ye̱su̱ Ki̱ri̱sto̱, iróng een go̱o̱le̱ ci kazunne keer. Ka̱tu̱yya̱ zin Ye̱su̱ Ki̱ri̱sto̱, abunna kaavtte ki Ta̱mu̱ta̱dde̱n ju̱rru̱m eci naga ka̱tu̱ Ki̱ri̱sto̱, iróng e̱e̱ti̱ imma aave ju̱rru̱m ki Manyi go̱o̱le̱ ci azunne lo̱ti̱nno̱k cik Musesi.

Ga̱la̱ti̱a̱ 3:25

I̱yo̱ko̱ zin, i̱ki̱ya̱ gool ci tu̱we̱nto̱ ngati Ye̱su̱, iróng lo̱ti̱nno̱wa̱ wak Musesi ngen ebekketa.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Vilipia 3:9

kar ka̱gga̱ kabai anna zo̱ze̱ cinne. Iróng wo̱ye̱ anna kadimani ele cinanni kubunna ngu̱me̱ ci Ta̱mu̱ta̱dde̱no̱ ngati ko̱ngo̱o̱le̱ Lo̱ti̱nno̱k cik Musesi do̱. Elemanna Ta̱mu̱ta̱dde̱n go̱o̱le̱ ci tu̱we̱ne̱t ci ka̱tu̱we̱ anna Ki̱ri̱sto̱.

Kolosiya 1:20

kar zo̱ze̱ cinne aganto enne eliya ki kaal do̱o̱k, kaal lo̱o̱ta̱ ngatu icima ta̱mu̱-kenga, go̱o̱le̱ ci anyahe enne gano bi̱ye̱te̱ ciginnek a̱ddu̱te̱ ta̱la̱ke̱ca̱.

Kolosiya 3:15

Anyik gano ci Ki̱ri̱sto̱ kabal zi̱nze̱tti̱ cuggo̱k, eci Ta̱mu̱ta̱dde̱n a̱a̱nyu̱ng izet ol co̱de̱ kar anyait gano necu. Kar aanycik nonno zany.

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

2 Te̱se̱lo̱ni̱ka̱ 3:16

I̱yo̱ko̱ zin, kala zin Manyi wa anyaha gano, ka̱a̱nyu̱ng gano odohize go̱o̱lo̱we̱ do̱o̱k.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,