Roma 4:17 - Tennet

¹⁷ E̱he̱rye̱ Warage ci Ta̱mu̱ta̱dde̱no̱ zoz ci obod ki Aburaham, azi ne, “Ma̱rri̱t ming kaanyi i̱nne̱t ize be̱e̱ti̱ i̱do̱ngi̱ cik meelek.” U̱du̱wa̱k Ta̱mu̱ta̱dde̱n nonno zoz necu eci enne anyak tu̱we̱ne̱t. Manyi ci aanyik ol wak a̱da̱i̱to̱ kuruget, kar kidiman kaal cik een jor.

Roma 4:17 ပူးပေါင်းရင်းမြစ်များ

Kananet 17:16

Ka̱mu̱yu̱i̱ atin anna nonno kar ki̱ti̱rra̱i̱ i̱nne̱t do̱le̱c ci maci. Ka̱mu̱yu̱i̱ atin nonno kize e̱e̱ti̱ i̱do̱ngi̱nnu̱ kar atin alaata cik a̱ddi̱ki̱re̱ a̱vvu̱ ce̱e̱ze̱ cunne.”

Kananet 17:20

Kar ngati Ismaili, kiziya anna zoz cunne: Ka̱mu̱yu̱i̱ atin anna nonno de̱de̱; kanyik atin anna ki̱ti̱r kanyak dooli cik meelek. Okko atin enne een be̱e̱ti̱ alaat cik e̱e̱ggi̱n omoto ki rama, kanyik atin dooli cik dooli ciginnek kokkomit kak.

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Ma̱te̱yo̱ 3:9

Ma a̱nne̱kku̱ zi̱nze̱tti̱ ne, ‘Kanyaka be̱e̱ti̱nna̱ng Aburaham.’ Ka̱du̱wa̱kku̱ng adimanek wo̱ye̱ Ta̱mu̱ta̱dde̱n Aburaham dooli biyene ciko.

Kaviyak wak Abunna Ta̱mu̱ta̱dde̱no̱ eher Joni 5:21

Ogon ki i̱yo̱ko̱ ming ingane Baba ol wak a̱tu̱we̱ daiza, kaanyik kuruget, imma zin go̱o̱le̱ necu, aanyik Ngerinne ruget ol wak orong enne kaanyik.

Kaviyak wak Abunna Ta̱mu̱ta̱dde̱no̱ eher Joni 5:25

Ka̱du̱wa̱kku̱ng zoz ci een de̱de̱, a̱kku̱ i̱i̱te̱ni̱, abarik i̱ki̱ya̱, aziye atin ol wak a̱da̱i̱to̱ muluk ci Ngerrti Ta̱mu̱ta̱dde̱no̱, kar ol ne̱k iziyyet ke̱ ingazi daiza.

Kaviyak wak Abunna Ta̱mu̱ta̱dde̱no̱ eher Joni 6:63

Aanyik Vongizi ol ruget, iróng ele aanyyet gi̱i̱ imma. Kaal cik ka̱du̱wa̱kku̱ng ko̱ een zoz ci Vongizo, aanyyet ruget.

Buk wa To̱ni̱a̱u̱ 15:18

a̱gga̱ bu̱u̱llo̱wa̱ zoz necu bali reena.

Roma 3:29

Een Ta̱mu̱ta̱dde̱n ci Ya̱u̱do̱ do̱? Iróng een niko, iróng een ci ol u̱gge̱ bu̱k? De̱de̱, een ci olli Ya̱u̱do̱ ki ol cik iróng een Ya̱u̱d bu̱k.

Roma 4:18

U̱du̱wa̱k Ta̱mu̱ta̱dde̱n Aburaham zoz ci okko enne een be̱e̱ti̱ i̱do̱ngi̱ cik meelek, ming acin ize enne ma̱ti̱yo̱c nu̱nu̱n, ngen Aburahami arike zinin Ta̱mu̱ta̱dde̱n dee, ki baling u̱du̱ya̱i̱ ke̱, “I̱yo̱ko̱ zin ovvo atin dooli cigunnek e̱e̱ggi̱n niko.”

Roma 4:2

Ming elema Ta̱mu̱ta̱dde̱n Aburaham kubunna kaale cik u̱tu̱gu̱ enne, anyak wo̱ye̱ enne gi̱i̱ imma ci odonge ele. Iróng wo̱ye̱ enne odong ele ngu̱me̱ ci Ta̱mu̱ta̱dde̱no̱.

Roma 8:11

Imma Vongizi ci Ta̱mu̱ta̱dde̱no̱ bali ingane Ye̱su̱ daiza abak ngatinno̱ng do̱o̱k, nonno ci ingane Ki̱ri̱sto̱ daiza, a̱a̱nyu̱ng atin enne baiz ci een jor e̱le̱tti̱ne̱ cik daizak ko̱, Vongize cinne.

Roma 9:11

Baling ngen cuudena ne̱ke̱ ki̱ti̱rtta̱i̱, ngen bu̱k ka̱gga̱c gi̱i̱ ci abunna ki ci gerze, kar tahalinet ci Ta̱mu̱ta̱dde̱no̱ ki̱ye̱la̱i̱, a̱nne̱k Ta̱mu̱ta̱dde̱n e̱e̱ti̱nne̱ng ne, “Okko atin ngerunne wa een a̱bu̱ ko̱ a̱li̱ngli̱nge̱k gooni wa dici.”

Roma 9:26

Azi bo̱do̱k Hoseyya ne, “U̱du̱ya̱i̱ ba̱li̱ye̱ zoz necu: ‘Iróng niga e̱e̱ggi̱nnu̱ ol cigannik,’ awu atin ol nogo kizeto ‘dooli cik Ta̱mu̱ta̱dde̱no̱.’”

1 Ko̱ri̱nto̱ 1:28

Atahala Ta̱mu̱ta̱dde̱n kaal wak iróng anyak doiz ki wak ibbez ol lo̱o̱ta̱ ngatu, kar kegerzan kaal cik i̱no̱n olli lo̱o̱tu̱, een gi̱i̱ ci riili oroot,

1 Ko̱ri̱nto̱ 15:45

E̱he̱rye̱ Warage ci Ta̱mu̱ta̱dde̱no̱ azi ne, “Arrak bali oowa ke̱ eenyca Ta̱mu̱ta̱dde̱n e̱e̱t wa azi zara Adam, kar kanyik nonno ruget.” Imma Adami wa a̱kku̱ vu̱rrta̱, een enne Vongiz wa a̱kku̱ kar ki̱ki̱ya̱ kaanyik ol ruget.

1 Ti̱mo̱te̱yo̱ 6:13

Ki̱lo̱ti̱ anna i̱nne̱ta̱ kar kicin Ta̱mu̱ta̱dde̱n wa aanyik kaal do̱o̱k ruget ko̱, kar bo̱do̱k kicin Ye̱su̱ Ki̱ri̱sto̱ bu̱k bali a̱du̱wa̱k alaan Pontius Pilato tu̱we̱ne̱t cinne ke̱,

I̱bu̱ru̱ 11:12

Anyat ba̱li̱ye̱ Aburahami oroot, ma baling anyat enne nu̱nu̱n, i̱ti̱rra̱ zin do̱le̱c ci okko a̱rri̱ta̱ ol cik lo̱o̱tu̱ do̱o̱k. Ovvo atin dooli ciginnek meele ne giir kommogit munyuny cik ta̱mu̱-kengo, iróng wo̱ye̱ a̱gi̱le̱ ogon ki azac ci moru.

I̱bu̱ru̱ 11:3

Imma bo̱do̱k tu̱we̱nte̱ cinna, ka̱gga̱, idiman Ta̱mu̱ta̱dde̱n ta̱mu̱-keng ki lo̱o̱c zo̱ze̱ ci a̱du̱wa̱ enne utuga, adiman kaal ne̱ko̱ kaale cik iróng naga kacin eberene.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

1 Peturu 2:10

“Iróng niga ba̱li̱ye̱ e̱e̱ggi̱nnu̱ ol cik Ta̱mu̱ta̱dde̱no̱. I̱yo̱ko̱ zin izetu niga ol ciginnek. Ba̱li̱ye̱ ngen niga urubta deten cinne, imma zin i̱yo̱ko̱ urubtau.”

2 Peturu 3:8

Gotonogga ki ngonogga tu̱we̱nta̱, ma anyikku gi̱i̱ co̱de̱ kereheung, ogon i̱i̱te̱ni̱ co̱de̱ ngati Manyi ki e̱rki̱nya̱ i̱bbo̱ng co̱de̱ (1,000), ovvo e̱rki̱nya̱ cik een i̱bbo̱ng co̱de̱ ogon ki i̱i̱te̱ni̱ co̱de̱.