Roma 4:13 - Tennet

¹³ U̱du̱wa̱k Ta̱mu̱ta̱dde̱n Aburaham ki dooli cik dooli cigge̱k, okko atin enne aanyik nogo lo̱o̱c. Iróng enne a̱du̱wa̱ zoz necu eci Aburahami uzute lo̱ti̱nno̱k balik Musesi ke̱, abarik Ta̱mu̱ta̱dde̱n acin bunnat ci a̱kku̱ tu̱we̱nte̱ cinne.

Roma 4:13 ပူးပေါင်းရင်းမြစ်များ

Kananet 12:3

Ka̱mu̱yu̱i̱ atin anna ol cik a̱mu̱yu̱ki̱ i̱nne̱ta̱, kar e̱e̱ti̱ ci otoryi i̱nne̱ta̱, kotori atin anna nonno bu̱k; kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Kananet 17:16

Ka̱mu̱yu̱i̱ atin anna nonno kar ki̱ti̱rra̱i̱ i̱nne̱t do̱le̱c ci maci. Ka̱mu̱yu̱i̱ atin nonno kize e̱e̱ti̱ i̱do̱ngi̱nnu̱ kar atin alaata cik a̱ddi̱ki̱re̱ a̱vvu̱ ce̱e̱ze̱ cunne.”

Kananet 28:14

Ovvo atin dooli cigunnek atubo ki azac ci lo̱o̱tu̱, azawonik atin dooli cigunnek lo̱o̱cco̱k cik aavtte nyigja ki je̱e̱na̱, ki bo̱do̱k i̱do̱wa̱ ki i̱do̱li̱ya̱. Ovvo olli lo̱o̱tu̱ do̱o̱k amuda ma̱yu̱we̱ne̱t ngatunne ki dooli cigunnek.

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Buk wa To̱ni̱a̱u̱ 13:32

“Ka̱du̱wa̱kku̱ng kaviyak cik abunna: Zoz bali u̱du̱wa̱k Ta̱mu̱ta̱dde̱n ji̱ji̱ti̱gga̱c ke̱,

Roma 4:12

Een enne bo̱do̱k be̱e̱ti̱ ol do̱o̱k wak etted wucic vi̱ca̱vi̱ca̱, iróng nege ettede do̱, abarik annu gool ci tu̱we̱nto̱ ci owoye be̱e̱ti̱nna̱ Aburahami baling ngen enne kettede.

Roma 9:8

Azi keng ci zoz necu ne, iróng biileti ci Aburahami do̱o̱k een dooli cik Ta̱mu̱ta̱dde̱no̱ de̱de̱. Abarik dooli cik dooli cik ngerinne wa een zar I̱sa̱ko̱ bali a̱rri̱ta̱i̱ zo̱ze̱ ci u̱du̱wa̱ Ta̱mu̱ta̱dde̱n ko̱ cik een dooli cik Aburahami de̱de̱.

Ga̱la̱ti̱a̱ 3:29

Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

I̱bu̱ru̱ 7:6

Imma e̱e̱ti̱ ci een Melchizedek ko̱, iróng a̱kku̱ boore co Le̱vi̱, abarik Aburahami aanyik nonno taban cinne gi̱i̱ co̱de̱ kaale cik e̱e̱ggi̱n omoto akana enne illawa, kar zin enne ka̱mu̱yu̱k Aburaham, nonno ba̱li̱ye̱ ci aanyik Ta̱mu̱ta̱dde̱n zoz ci u̱du̱wa̱ enne ke̱.