Roma 4:1 - Tennet

¹ Ki̱no̱ni̱ zoz ci ji̱ji̱ti̱nna̱ Aburaham, elemi Ta̱mu̱ta̱dde̱n nonno kubunna go̱o̱le̱ jang?

Roma 4:1 ပူးပေါင်းရင်းမြစ်များ

Ma̱te̱yo̱ 3:9

Ma a̱nne̱kku̱ zi̱nze̱tti̱ ne, ‘Kanyaka be̱e̱ti̱nna̱ng Aburaham.’ Ka̱du̱wa̱kku̱ng adimanek wo̱ye̱ Ta̱mu̱ta̱dde̱n Aburaham dooli biyene ciko.

Lu̱ka̱ 3:8

U̱tu̱gu̱z kaal cik abunna ming uturtau niga mu̱nye̱n ciggo̱k ko̱. Ma ngen a̱nne̱kku̱ e̱le̱tti̱ ciggo̱k ne, ‘Kanyaka naga Aburaham kize be̱e̱ti̱nna̱ng.’ Eci anna ka̱du̱wa̱kku̱ng i̱yo̱ko̱, adiman wo̱ye̱ Ta̱mu̱ta̱dde̱n dooli cik Aburahami biyene ne̱ko̱.

Kaviyak wak Abunna Ta̱mu̱ta̱dde̱no̱ eher Joni 8:33

O̱bo̱dde̱k zin nege nonno, a̱nne̱k ne, “Ke̱e̱ggi̱nna̱ naga dooli cik doolik Aburahami, ngen kizetta du̱cca̱k cik e̱e̱t imma udut. Nya ci azi i̱nna̱ ne ogannet atin e̱e̱ti̱ imma du̱cca̱kze̱te̱na̱ ke̱?”

Kaviyak wak Abunna Ta̱mu̱ta̱dde̱no̱ eher Joni 8:53

A̱ddi̱ki̱ri̱ i̱nna̱ ommogi be̱e̱ti̱nna̱ Aburaham bali a̱da̱k ke̱? A̱da̱i̱to̱ bo̱do̱k a̱ri̱tto̱wa̱ cik zoz ci Ta̱mu̱ta̱dde̱no̱. Iróng i̱nna̱ e̱e̱ni̱ e̱e̱t imma.”

Kaviyak wak Abunna Ta̱mu̱ta̱dde̱no̱ eher Joni 8:56

Atal ba̱li̱ye̱ Aburahami orong kicin i̱i̱te̱n ci ka̱kku̱ne̱ anna, icin zin kar katalo.”

Buk wa To̱ni̱a̱u̱ 13:26

“Gotonogga, doolik Aburahami, ki ol wak iróng een Ya̱u̱d o̱ngo̱o̱le̱ Ta̱mu̱ta̱dde̱n ko̱, izikttang da̱ ju̱rru̱m, i̱tto̱na̱i̱t Manyi agit do̱o̱k kaviyak cik ti̱ri̱ze̱nto̱ ko̱.

Roma 1:3

Een kaviyaha ne̱k a̱li̱le̱ ko̱ zoz ci obod ki Ngerinne wa a̱rri̱ta̱i̱ kize e̱e̱t ci diiri tatuge ci alaan wa een Da̱vi̱de̱.

Roma 3:5

Ja ku̱du̱wa̱ go̱o̱le̱ ci ozoze ol, ming anyaha zoz ci gerze kogon naga ko̱ ol ka̱gga̱c bunnat ci Ta̱mu̱ta̱dde̱no̱, kozoz wo̱ye̱ naga nya zo̱ze̱ necu? Abaci Ta̱mu̱ta̱dde̱n ngati ettedekket lo̱ki̱ko̱? Iróng Ta̱mu̱ta̱dde̱n abaci.

Roma 4:16

U̱du̱wa̱ Ta̱mu̱ta̱dde̱n, a̱mu̱yu̱k atin enne ol wak a̱tu̱ nonno, eci enne i̱i̱rke̱, anyak deten, irez ol, iróng een zo̱ze̱ ci azunne nege lo̱ti̱nno̱k. Ming anyak e̱e̱ti̱ tu̱we̱ne̱t ki ci Aburahami, a̱mu̱yu̱k atin Manyi nonno, iróng een ol wak azunne lo̱ti̱nno̱k do̱, abarik ki ol wak a̱tu̱ Ta̱mu̱ta̱dde̱n ki Aburahami, wa een be̱e̱ti̱nna̱ tu̱we̱nta̱.

Roma 6:1

Kazi wo̱ye̱ naga ne, “Kogon wo̱ye̱ naga mu̱nye̱n odohize kar bunnati cinna kotore kize a̱ppwa̱?”

Roma 7:7

I̱yo̱ko̱ zin kazi wo̱ye̱ naga ne? Een lo̱ti̱nno̱wa̱ mu̱nye̱n? Iróng een niko! Ming iróng lo̱ti̱nno̱wa̱ i̱ye̱le̱kke̱t mu̱nye̱n, iróng wo̱ye̱ da̱ anna ka̱gga̱ mu̱nye̱n de̱de̱. Iróng bo̱do̱k wo̱ye̱ anna ka̱gga̱ gi̱i̱ ci e̱e̱to̱ amanik zinin cinne gerze, eci azi lo̱ti̱nno̱wa̱ ne, “Ma anyai zinin ci a̱ppwe̱ ce̱e̱ze̱ ci e̱e̱t imma.”

Roma 8:31

Kozoz wo̱ye̱ naga bo̱do̱k nya zo̱zzo̱we̱ ne̱k odola Manyi ko̱ do̱o̱k? Ming aave Ta̱mu̱ta̱dde̱n de̱de̱ o̱to̱ne̱ cinna, ngene wo̱ye̱ bo̱do̱k ci acinnet gerzet?

2 Ko̱ri̱nto̱ 11:22

Ming e̱e̱ggi̱n nege olli I̱bu̱ru̱, ke̱e̱ni̱ anna bu̱k ol ne̱ke̱. Ming e̱e̱ggi̱n nege olli Israilo, ke̱e̱ni̱ anna bu̱k. Ming e̱e̱ggi̱n nege doolik Aburahami, ke̱e̱ni̱ anna bu̱k do̱le̱c ci do̱le̱c ci Aburahami.

I̱bu̱ru̱ 12:9

Ming i̱lo̱tte̱t be̱e̱ti̱gga̱c lo̱o̱ta̱ ngatu, ko̱ngo̱o̱le̱ zin naga nogo zo̱ze̱ necu. Abunna zin ko̱ngo̱o̱le̱ Be̱e̱ti̱nna̱ wa vongizzok cigga̱k aave ta̱mu̱-kenga kar kabait udut.