Roma 3:9 - Tennet

⁹ Kazi wo̱ye̱ naga ne? Kommogja naga olli Ya̱u̱do̱ ol do̱o̱k? Iróng een niko. Ku̱du̱kta̱ wanai arrak naga oowa, kizeto ne abaccit ol do̱o̱k ngu̱me̱ ci Ta̱mu̱ta̱dde̱no̱, ming een e̱e̱ti̱ Ya̱u̱do̱c icima iróng een Ya̱u̱d.

Roma 3:9 ပူးပေါင်းရင်းမြစ်များ

Lu̱ka̱ 7:39

Baling icin Varacisi bali awa nonno ke̱ zoz necu, a̱nne̱k zin ele cinne ne, “Ming een e̱e̱ti̱ cu a̱ri̱to̱i̱t ci zoz ci Ta̱mu̱ta̱dde̱no̱ de̱de̱, a̱gga̱ wo̱ye̱ enne ngene ci u̱u̱m nonno ko̱, kar bo̱do̱k ka̱gga̱ ngaa ci ogon ku̱ cu, een enne ngaa ci mu̱nye̱nu̱.”

Roma 1:18

I̱ye̱la̱i̱ mozinet ci aburne Ta̱mu̱ta̱dde̱n nong ngati ol wak abure zoz wainne een de̱de̱ ta̱mu̱-kenga, okko atin enne edez nogo. Anyike nege zoz ci gerze kize ci ommog zoz ci een de̱de̱.

Roma 11:32

Aanyik Ta̱mu̱ta̱dde̱n ol do̱o̱k ka̱vvu̱to̱ ki i̱yo̱ko̱ ol cik e̱ce̱bje̱ lagama eci nege utuburet iróng ngen azunne zoz cinne. Ogon enne niko kar atin ki̱ti̱ri̱z nogo do̱o̱k bunnate cinne.

Roma 11:7

I̱yo̱ko̱ zin i̱ye̱le̱kke̱t zoz necu agit nya? I̱ye̱le̱kke̱t zoz necu zoz ci olli Israilo do̱o̱k, anyak u̱gge̱ ngatinne̱ng cik u̱mu̱dda̱ gi̱i̱ ci aara nogo mu̱nye̱n. Ovvo uggak ngatinne̱ng odoi zi̱nze̱tti̱ ci iróng aziye zoz ci Ta̱mu̱ta̱dde̱no̱,

Roma 2:1

I̱yo̱ko̱ zin, iróng i̱nna̱ anyai gool ci a̱vi̱re̱, i̱nna̱ e̱e̱ti̱ ci ettedik e̱e̱t imma lo̱ki̱ko̱ ko̱, eci go̱o̱le̱ ci ettede i̱nna̱ lo̱ki̱ko̱ ko̱, edezi i̱nna̱ ele cunne, eci i̱nna̱ ogoni kaal ne̱ke̱ ele.

Roma 3:1

I̱yo̱ko̱ zin “Nya ci riili ming ize e̱e̱ti̱ Ya̱u̱do̱c? Nya bo̱do̱k ci abunna ming etted e̱e̱ti̱ wucic vi̱ca̱vi̱ca̱?

Roma 3:19

Ka̱gga̱yya̱ e̱he̱rye̱ lo̱ti̱nno̱wa̱ kar kozozik ol wak elemi ku̱zu̱tte̱. Kar ming ovvo lo̱ti̱nno̱wa̱ ettedik olli Ya̱u̱do̱ lo̱ki̱ko̱, ettedik atin Ta̱mu̱ta̱dde̱n ol do̱o̱k lo̱ki̱ko̱. I̱llo̱i̱ e̱e̱t co̱de̱ ṯok ci aliti.

Roma 3:5

Ja ku̱du̱wa̱ go̱o̱le̱ ci ozoze ol, ming anyaha zoz ci gerze kogon naga ko̱ ol ka̱gga̱c bunnat ci Ta̱mu̱ta̱dde̱no̱, kozoz wo̱ye̱ naga nya zo̱ze̱ necu? Abaci Ta̱mu̱ta̱dde̱n ngati ettedekket lo̱ki̱ko̱? Iróng Ta̱mu̱ta̱dde̱n abaci.

Roma 6:15

Ka̱gga̱ naga niko aanyyet de̱ti̱ne̱t ci Ta̱mu̱ta̱dde̱no̱ ka̱vvu̱t labak, aanyyet wo̱ye̱ zoz necu ke̱me̱dda̱k mu̱nye̱n eci iróng lo̱ti̱nno̱wa̱ abaleta? I̱llo̱i̱!

Roma 7:14

Ka̱gga̱ naga niko, a̱vvu̱ lo̱ti̱nno̱wa̱ ngati Ta̱mu̱ta̱dde̱no̱, ki i̱yo̱ko̱ anna ming kazunne lo̱ti̱nno̱k balik reentik baize cinanni ke̱, ecebta annit bu̱k mu̱nye̱na̱.

1 Ko̱ri̱nto̱ 10:19

A̱gga̱yyu̱ niga kazi anna ne iróng to̱do̱yo̱wa̱ ne̱k adimanai azzine ko̱ e̱e̱ggi̱n ta̱mu̱ta̱dde̱ne̱t de̱de̱.

1 Ko̱ri̱nto̱ 14:15

I̱yo̱ko̱ zin, ku̱tu̱gu̱ nya? Kala atin anna Ta̱mu̱ta̱dde̱n vongize cinanni, ma̱i̱je̱ atin bo̱do̱k kala anna nonno bu̱k zinine cinanni; ke̱be̱ne̱ atin vongize cinanni, imma ngatu ke̱be̱ne̱ atin bo̱do̱k zinina.

1 Ko̱ri̱nto̱ 4:7

Nya ci a̱a̱nyu̱ng i̱ge̱t a̱vvu̱t do̱ koola? Nya ci anyai i̱nna̱ ci iróng aruba ko̱? Gi̱i̱ta̱zi̱ zin ci ngen i̱nna̱ ruba baiza ko̱? Ming a̱a̱nyu̱ng Ta̱mu̱ta̱dde̱n kaal veelek, nya ming odongi i̱nna̱ ele ki ci ngen enne kaanyi i̱nne̱t ko̱?

Ga̱la̱ti̱a̱ 3:10

Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”

Ga̱la̱ti̱a̱ 3:22

Imma zin Waraga ci Ta̱mu̱ta̱dde̱no̱ a̱nne̱kke̱t ne, kecebte naga do̱o̱k mu̱nye̱ne̱. Kamuda gool ci kiyowanne go̱o̱le̱ ci ka̱tu̱we̱ Ye̱su̱ Ki̱ri̱sto̱ do̱ niko.

Vilipia 1:18

Abarik iróng zin zoz necu ogon gi̱i̱ imma, zoz ci riili icu, ming uwak ol zoz neci zi̱nze̱tti̱nne̱ cik gerzek icima cik abunna, uwahe zoz ci Ki̱ri̱sto̱. Kar zin zo̱ze̱ necu katalne zin anna. De̱de̱, katalne atin anna udut,