Roma 3:5 - Tennet

⁵ Ja ku̱du̱wa̱ go̱o̱le̱ ci ozoze ol, ming anyaha zoz ci gerze kogon naga ko̱ ol ka̱gga̱c bunnat ci Ta̱mu̱ta̱dde̱no̱, kozoz wo̱ye̱ naga nya zo̱ze̱ necu? Abaci Ta̱mu̱ta̱dde̱n ngati ettedekket lo̱ki̱ko̱? Iróng Ta̱mu̱ta̱dde̱n abaci.

Roma 3:5 ပူးပေါင်းရင်းမြစ်များ

Kananet 18:25

Iróng wo̱ye̱ i̱nna̱ a̱ru̱i̱ ol cik abunna ki cik gerzek nga̱to̱de̱, iróng wo̱ye̱ i̱nna̱ ogonni ol cik abunna ki cik gerzek kutubto. Iróng een niko. Abunna i̱nna̱ Manyi ettedi lo̱ki̱ko̱ ci lo̱o̱tu̱ go̱o̱le̱ ci abunna.”

Roma 12:19

Gonogga wak zinino, ma acacannu gi̱i̱ ci gerze ogoniki e̱e̱ti̱ imma, abarik tungek Ta̱mu̱ta̱dde̱n kedez e̱e̱t neci, eci e̱he̱rye̱ Warage ci Ta̱mu̱ta̱dde̱no̱, azi Manyi ne, “Kacaca atin anna kaal cik gerzek ogonekku̱ng ol i̱ge̱ta̱.”

Roma 2:5

Abarik odoi i̱nne̱t oo kak, iróng orongi bodak Ta̱mu̱ta̱dde̱n. U̱tu̱gu̱ zin i̱nna̱ zoz ci gerze, i̱ta̱k zin mozinet ci Ta̱mu̱ta̱dde̱no̱ oo cunne, okko atin enne ettedeki lo̱ki̱ko̱ ming uk looci uṯurehe.

Roma 3:19

Ka̱gga̱yya̱ e̱he̱rye̱ lo̱ti̱nno̱wa̱ kar kozozik ol wak elemi ku̱zu̱tte̱. Kar ming ovvo lo̱ti̱nno̱wa̱ ettedik olli Ya̱u̱do̱ lo̱ki̱ko̱, ettedik atin Ta̱mu̱ta̱dde̱n ol do̱o̱k lo̱ki̱ko̱. I̱llo̱i̱ e̱e̱t co̱de̱ ṯok ci aliti.

Roma 3:7

Azi wo̱ye̱ e̱e̱ti̱ imma ne, “Ming kovolongi, kar kanyahak volong cinanni ko̱ ol ka̱gga̱c Ta̱mu̱ta̱dde̱n ming a̱du̱wa̱ zoz ci een de̱de̱, kar ol ki̱di̱ngdi̱nga̱ni̱t nonno oroot. Ovvo uggak a̱jji̱nne̱, nya ming azi Ta̱mu̱ta̱dde̱n ne ke̱e̱ni̱ anna e̱e̱t ci mu̱nye̱nu̱?”

Roma 4:1

Ki̱no̱ni̱ zoz ci ji̱ji̱ti̱nna̱ Aburaham, elemi Ta̱mu̱ta̱dde̱n nonno kubunna go̱o̱le̱ jang?

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

Roma 6:1

Kazi wo̱ye̱ naga ne, “Kogon wo̱ye̱ naga mu̱nye̱n odohize kar bunnati cinna kotore kize a̱ppwa̱?”

Roma 6:19

Katubuzei anna zoz necu niko ko̱, eci ngen niga e̱e̱ggi̱nnu̱ tarbale ngen a̱gga̱c zoz imma. Anyikku niga e̱le̱tti̱ ciggo̱k kizeto du̱cca̱k kaale cik gerzek, ngati abarik weete anyikku e̱le̱tti̱ ciggo̱k kizeto du̱cca̱k cik bunnat ci Ta̱mu̱ta̱dde̱no̱ kar izet dooli ciginnek a̱li̱le̱.

Roma 7:7

I̱yo̱ko̱ zin kazi wo̱ye̱ naga ne? Een lo̱ti̱nno̱wa̱ mu̱nye̱n? Iróng een niko! Ming iróng lo̱ti̱nno̱wa̱ i̱ye̱le̱kke̱t mu̱nye̱n, iróng wo̱ye̱ da̱ anna ka̱gga̱ mu̱nye̱n de̱de̱. Iróng bo̱do̱k wo̱ye̱ anna ka̱gga̱ gi̱i̱ ci e̱e̱to̱ amanik zinin cinne gerze, eci azi lo̱ti̱nno̱wa̱ ne, “Ma anyai zinin ci a̱ppwe̱ ce̱e̱ze̱ ci e̱e̱t imma.”

Roma 8:31

Kozoz wo̱ye̱ naga bo̱do̱k nya zo̱zzo̱we̱ ne̱k odola Manyi ko̱ do̱o̱k? Ming aave Ta̱mu̱ta̱dde̱n de̱de̱ o̱to̱ne̱ cinna, ngene wo̱ye̱ bo̱do̱k ci acinnet gerzet?

Roma 9:30

Azi ungec ci zoz necu ne? Iróng ol wak iróng een Ya̱u̱d ko̱ elemi bunnat ci Ta̱mu̱ta̱dde̱no̱, elemi enne nogo kubunnta ngu̱me̱ ci cinne eci nege a̱tu̱ Ye̱su̱.

1 Ko̱ri̱nto̱ 15:32

Kamuda anna nya baling kirinya koyok olli Ephesus ogon ki elegje wak mootik ko̱ ngati kuwaheke zoz ci Ta̱mu̱ta̱dde̱no̱? Ming iróng ol balik a̱da̱i̱to̱ ko̱ ingazi daiza kuruget, “Kadakto bak kaude, eci loza kovvo naga daiza.”

1 Ko̱ri̱nto̱ 9:8

Iróng anna ka̱du̱wa̱ zoz necu i̱no̱ni̱nte̱ ci e̱e̱t ci diiri do̱, abarik gon lo̱ti̱nno̱wa̱ cik Musesi bu̱k a̱du̱wa̱ gon zoz necu ele.

2 Ko̱ri̱nto̱ 6:4

Abarik ke̱e̱ggi̱n naga du̱cca̱k cik Ta̱mu̱ta̱dde̱no̱ kaale cik ka̱du̱wa̱ kar bo̱do̱k kogon naga ko̱, kanimnya kaal cik i̱i̱na̱kke̱t baiza do̱o̱k. Anyahakket ol no̱ngi̱tto̱n, kanimnya naga dee niko,

2 Ko̱ri̱nto̱ 7:11

Icinnet gi̱i̱ ci u̱tu̱gu̱ Ta̱mu̱ta̱dde̱n ngati a̱a̱nyu̱ng matiz! Orongnyu niga i̱ye̱lte̱k nonno iróng niga anyakku ba̱ci̱. Omozinnu abarik niga, a̱ma̱li̱ltte̱ o̱o̱tti̱ cuggo̱k, orongnyu niga lo̱ki̱ko̱ kettede ju̱rru̱m. I̱ye̱la̱nu̱ niga e̱le̱tti̱ cuggo̱k ilemnyyu niga zo̱ze̱ necu.

Ga̱la̱ti̱a̱ 2:18

Ming ka̱mi̱ro̱ni̱k de̱mzi̱ne̱t bali keer wa Ya̱u̱do̱ kutungeya ke̱, ke̱e̱ni̱ atin anna e̱e̱t ci mu̱nye̱nu̱ dee.

Ga̱la̱ti̱a̱ 3:15

Gotonogga ki ngonogga tu̱we̱nta̱, ja i̱yo̱ko̱ ku̱du̱wa̱ gi̱i̱ ci i̱ya̱bzo̱ni̱k e̱e̱t ci diiri baiza zo̱ze̱ necu. Imma ming u̱tu̱gu̱zzo̱ ol cik een ram olom cinne̱ng kiwagon ming etted to̱o̱le̱c, iróng atin e̱e̱ti̱ co̱de̱ ngatinne̱ng uhu icima egerzan olom neci.

O̱no̱zzo̱k 15:3

kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.

O̱no̱zzo̱k 18:20

Ataltto zin niga ol wak abakku ta̱mu̱-kenga zo̱ze̱ cinne! Ataltto niga olli Ta̱mu̱ta̱dde̱no̱ a̱li̱le̱ ki to̱ni̱a̱k ki a̱ri̱tto̱k cik zoz cinne! Edez Ta̱mu̱ta̱dde̱n nonno zo̱ze̱ bali ogonekku̱ng enne i̱ge̱t ke̱.’”