Roma 3:31 - Tennet

³¹ Kegerezanit naga lo̱ti̱nno̱k wak Musesi tu̱we̱nte̱ cinna? Iróng een niko! Kaanycik abarik naga lo̱ti̱nno̱k kokkomit kak.

Roma 3:31 ပူးပေါင်းရင်းမြစ်များ

Ma̱te̱yo̱ 15:6

Edemezu niga e̱e̱t neci gerza ming o̱ngo̱o̱le̱ baatinne ngati iróng anyike muci. Ibbezzu niga ti̱lo̱wi̱ne̱t wa Ta̱mu̱ta̱dde̱no̱ eci azunnu keer cunno̱ng.

Ma̱te̱yo̱ 3:15

A̱nne̱k Ye̱su̱ nonno ne, “Ma aburi, abunna kogon naga gi̱i̱ necu kar ku̱tu̱gu̱we̱ bunnati ci Ta̱mu̱ta̱dde̱no̱ olle do̱o̱k.” Elema zin Joni zoz neci.

Ma̱te̱yo̱ 5:17

“Ma i̱no̱nnu̱ a̱nnu̱ ne, ka̱kku̱ni̱ anna kar ki̱ki̱ya̱ kamadan lo̱ti̱nno̱k cik Musesi icima zoz ci a̱ri̱tto̱k wak zoz ci Ta̱mu̱ta̱dde̱no̱; iróng anna ka̱kku̱ni̱ kar ki̱ki̱ya̱ kegerzan nogo, abarik kokko kadimani nogo kaale cik obod ki annita.

Ma̱te̱yo̱ 5:20

Ka̱du̱wa̱kku̱ng zin zoz wa een de̱de̱, abunna zin niga ming ogonnu kaal cik abunna ommogit ol cik een Varacis ki de̱me̱zzo̱k wak lo̱ti̱nno̱u̱, kar atin niga i̱tto̱z ba̱a̱li̱ne̱t ci ta̱mu̱-kengo.

Lu̱ka̱ 20:16

A̱kku̱ atin enne kar ki̱ki̱ya̱ ku̱ru̱k ol ne̱k ujura ma̱na̱ cinne ko̱ ka̱da̱i̱to̱, kar kaanyik ma̱na̱ ol u̱gge̱.” Baling iziyyet ol ne̱ke̱ zoz neci, izeto zin ne, “Gerza zoz necu ming ogone!”

Roma 10:4

Aṯurneke lo̱ti̱nno̱wa̱ baling i̱ki̱ya̱ Ki̱ri̱sto̱, kar ol do̱o̱k kurubta bunnat ci Ta̱mu̱ta̱dde̱no̱ eleme enne ol cik a̱tu̱we̱.

Roma 2:20

Annu niga ne, a̱gga̱yyu̱ lo̱ti̱nno̱k cik Ta̱mu̱ta̱dde̱no̱ wak anyak genyiz ki zoz ci een de̱de̱, i̱lo̱ti̱kku̱ wo̱ye̱ ol cik adite iina kar edemezit dooli cikidik.

Roma 3:4

Iróng een niko! A̱du̱wa̱ Ta̱mu̱ta̱dde̱n zoz ci een de̱de̱, ming nu̱nu̱n ovolong ol do̱o̱k, aalna zoz cinne een de̱de̱ udut. E̱he̱rye̱ Warage ci Ta̱mu̱ta̱dde̱no̱ zoz ci obod ki Ta̱mu̱ta̱dde̱n, azi ne, “I̱ye̱la̱i̱ atin zoz cunne een de̱de̱ ming ozozi i̱nna̱, ommogi atin i̱nna̱ ol wak orong kadayi i̱nne̱t lo̱ki̱ka̱.”

Roma 3:6

Ka̱nne̱kku̱ng zin ne, i̱llo̱i̱, iróng een niko! Ming iróng enne abunna oroot, iróng wo̱ye̱ Ta̱mu̱ta̱dde̱n ettedik olli lo̱o̱tu̱ lo̱ki̱ko̱ ju̱rru̱m.

Roma 4:14

Ming aanyik Ta̱mu̱ta̱dde̱n ol kaal ciginnek eci azunne nege lo̱ti̱nno̱k, okko ucca tu̱we̱ne̱t een gi̱i̱tareng, okko bo̱do̱k zoz ci u̱du̱wa̱ Manyi ogonik atin ol ko̱, een rara.

Roma 7:22

Kelemi zin anna zinine cinanni do̱o̱k lo̱ti̱nno̱k cik Ta̱mu̱ta̱dde̱no̱.

Roma 7:25

Kanyike Ta̱mu̱ta̱dde̱n zany ngati Manyitinna Ye̱su̱ Ki̱ri̱sto̱! I̱yo̱ko̱ zin, ke̱e̱ni̱ anna zinine cinanni du̱ca̱i̱t ci lo̱ti̱nno̱k cik Ta̱mu̱ta̱dde̱no̱, imma go̱o̱le̱ ci mu̱nye̱nu̱ ke̱e̱ni̱ du̱ca̱i̱t ci lo̱ti̱nno̱k wak mu̱nye̱nu̱.

Roma 8:4

Ogon Ta̱mu̱ta̱dde̱n zoz neci niko kar naga ku̱tu̱gu̱z kaal cik abunna a̱du̱wa̱ lo̱ti̱nno̱wa̱ do̱o̱k, abunna naga ko̱ngo̱o̱le̱ Vongiz ci Ta̱mu̱ta̱dde̱no̱, iróng kanu kaal cik gerzek irez zi̱nze̱tti̱ cigga̱c.

1 Ko̱ri̱nto̱ 9:21

Imma bo̱do̱k ngati ka̱li̱ngli̱nge̱ ki ol wak iróng anyak lo̱ti̱nno̱k, kaave anna ki ci i̱llo̱i̱ lo̱ti̱nno̱k (ming nu̱nu̱n iróng anna kaave reena lo̱ti̱nno̱we̱ cik Ta̱mu̱ta̱dde̱no̱ abarik kazunne lo̱ti̱nno̱k cik Ki̱ri̱sto̱), kar kalaba ol wak iróng azunne lo̱ti̱nno̱k.

Ga̱la̱ti̱a̱ 2:19

Eci ming korongi kuzute keer neci, egerzan baiz cinanni. Imma i̱yo̱ko̱, kutunga lo̱ti̱nno̱k cik Musesi, koronga baiz ci Ta̱mu̱ta̱dde̱no̱ de̱de̱.

Ga̱la̱ti̱a̱ 2:21

Iróng anna kanyike deten ci Ta̱mu̱ta̱dde̱no̱ kize rara. Ming elemi Ta̱mu̱ta̱dde̱n e̱e̱t ci diiri kubunna ngati azunne lo̱ti̱nno̱k cik Musesi do̱, iróng weda Ki̱ri̱sto̱ a̱da̱i̱ gaganiko.”