Roma 3:27 - Tennet

²⁷ Aanyyet zin i̱yo̱ko̱ Ta̱mu̱ta̱dde̱n bunnate cinne go̱o̱le̱ ci aarane ba̱ci̱nno̱k cigga̱c. Kanyak zin i̱yo̱ko̱ naga gool ci kadihize e̱le̱tti̱ zo̱ze̱ necu? I̱llo̱i̱ udut, aarannet enne mu̱nye̱n ming ka̱tu̱ naga Ye̱su̱, iróng een go̱o̱le̱ ci kazunne lo̱ti̱nno̱k.

Roma 3:27 ပူးပေါင်းရင်းမြစ်များ

Marko 16:16

Ming elemna e̱e̱ti̱ imma kar ka̱gga̱mo̱zi̱k nonno ba̱ti̱ti̱mo̱, a̱ti̱ri̱z atin Ta̱mu̱ta̱dde̱n nonno. Ma̱i̱je̱ e̱e̱ti̱ ci iróng elemi, ettedozik nonno lo̱ki̱ko̱.

Kaviyak wak Abunna Ta̱mu̱ta̱dde̱no̱ eher Joni 3:36

Ming anyak e̱e̱t ci a̱tu̱ Ngeranni, amuda atin enne ruget wa aave udut, imma e̱e̱ti̱ wa abure Ngeranni iróng acin ruget, eci Ta̱mu̱ta̱dde̱n aburnek nonno nong.”

Roma 10:5

Azi Musesi ne, elemi Ta̱mu̱ta̱dde̱n e̱e̱t kubunna ming azunne enne lo̱ti̱nno̱k, “Ming ogon e̱e̱ti̱ kaal ne̱ko̱, abak atin enne kaale ne̱ko̱.”

Roma 11:6

Ming ahala Ta̱mu̱ta̱dde̱n ol ngati anyike deten, iróng zin ngen een go̱o̱le̱ ci li̱ngli̱ngo̱nto̱, ming een go̱o̱le̱ ci li̱ngli̱ngo̱nto̱ de̱de̱, iróng deteni ci Ta̱mu̱ta̱dde̱n ngen een deten bo̱do̱k.

Roma 2:17

Ming anyak ol u̱gge̱ ngatinno̱ng, niga Ya̱u̱di̱ cik a̱nnu̱ ne ka̱gga̱yya̱ Ta̱mu̱ta̱dde̱n, ming arikku zi̱nze̱tti̱ lo̱ti̱nno̱k kar ngatu odongnyu e̱le̱tti̱;

Roma 2:23

Odongnyu niga e̱le̱tti̱ zo̱ze̱ ci lo̱ti̱nno̱u̱, imma ngatu iróng o̱ngo̱o̱li̱nnu̱ lo̱ti̱nno̱k, abarik anyakttau Ta̱mu̱ta̱dde̱n a̱li̱ya̱n.

Roma 3:19

Ka̱gga̱yya̱ e̱he̱rye̱ lo̱ti̱nno̱wa̱ kar kozozik ol wak elemi ku̱zu̱tte̱. Kar ming ovvo lo̱ti̱nno̱wa̱ ettedik olli Ya̱u̱do̱ lo̱ki̱ko̱, ettedik atin Ta̱mu̱ta̱dde̱n ol do̱o̱k lo̱ki̱ko̱. I̱llo̱i̱ e̱e̱t co̱de̱ ṯok ci aliti.

Roma 3:26

I̱ye̱la̱i̱ zin bo̱do̱k zoz necu i̱yo̱ko̱ abunna Ta̱mu̱ta̱dde̱n, eci enne aanyik e̱e̱t imma ci a̱tu̱ zoz ci Ye̱su̱ kubunna, zoz zin ci ka̱gga̱we̱ abunna Ta̱mu̱ta̱dde̱n ko̱ neci.

Roma 4:2

Ming elema Ta̱mu̱ta̱dde̱n Aburaham kubunna kaale cik u̱tu̱gu̱ enne, anyak wo̱ye̱ enne gi̱i̱ imma ci odonge ele. Iróng wo̱ye̱ enne odong ele ngu̱me̱ ci Ta̱mu̱ta̱dde̱no̱.

Roma 7:21

Ming orong zinin cinanne ku̱tu̱gu̱ gi̱i̱ ci abunna, abarik kamuda ele cinanni ku̱tu̱gu̱ gi̱i̱ ci gerze, lo̱ti̱nno̱k cik aanya annit ku̱tu̱gu̱ niko.

Roma 7:23

Kacinni zinine cinanni, anyak kaal u̱gge̱ cik ooro zinine cinanni, kecebe lagame ci lo̱ti̱nno̱k cik mu̱nye̱nu̱, alamte kaala wak ki̱no̱ni̱ korongi ku̱tu̱gu̱.

Roma 7:25

Kanyike Ta̱mu̱ta̱dde̱n zany ngati Manyitinna Ye̱su̱ Ki̱ri̱sto̱! I̱yo̱ko̱ zin, ke̱e̱ni̱ anna zinine cinanni du̱ca̱i̱t ci lo̱ti̱nno̱k cik Ta̱mu̱ta̱dde̱no̱, imma go̱o̱le̱ ci mu̱nye̱nu̱ ke̱e̱ni̱ du̱ca̱i̱t ci lo̱ti̱nno̱k wak mu̱nye̱nu̱.

Roma 8:2

Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

Roma 9:11

Baling ngen cuudena ne̱ke̱ ki̱ti̱rtta̱i̱, ngen bu̱k ka̱gga̱c gi̱i̱ ci abunna ki ci gerze, kar tahalinet ci Ta̱mu̱ta̱dde̱no̱ ki̱ye̱la̱i̱, a̱nne̱k Ta̱mu̱ta̱dde̱n e̱e̱ti̱nne̱ng ne, “Okko atin ngerunne wa een a̱bu̱ ko̱ a̱li̱ngli̱nge̱k gooni wa dici.”

Roma 9:31

Imma olli Israilo wak orong kubunnta ngu̱me̱ ci Ta̱mu̱ta̱dde̱n go̱o̱le̱ ci azunne nege lo̱ti̱nno̱k balik Musesi ke̱, iróng Ta̱mu̱ta̱dde̱n elemi nogo kubunnta ngu̱me̱ cinne.

Roma 9:32

Iróng een niko nya? Eci olli Ya̱u̱do̱ iróng a̱tu̱ Ye̱su̱ ti̱ri̱rzo̱i̱t, abarik nege ogon zoz ci azunne lo̱ti̱nno̱k ki li̱ngli̱ngo̱n. Ogon ki ci adir bee nogo.

1 Ko̱ri̱nto̱ 4:7

Nya ci a̱a̱nyu̱ng i̱ge̱t a̱vvu̱t do̱ koola? Nya ci anyai i̱nna̱ ci iróng aruba ko̱? Gi̱i̱ta̱zi̱ zin ci ngen i̱nna̱ ruba baiza ko̱? Ming a̱a̱nyu̱ng Ta̱mu̱ta̱dde̱n kaal veelek, nya ming odongi i̱nna̱ ele ki ci ngen enne kaanyi i̱nne̱t ko̱?

Ga̱la̱ti̱a̱ 2:16

Abarik ka̱gga̱yya̱ aave e̱e̱ti̱ ju̱rru̱m ngu̱me̱ ci Ta̱mu̱ta̱dde̱no̱ go̱o̱le̱ ci a̱tu̱we̱ enne Ye̱su̱ Ki̱ri̱sto̱, iróng een go̱o̱le̱ ci kazunne keer. Ka̱tu̱yya̱ zin Ye̱su̱ Ki̱ri̱sto̱, abunna kaavtte ki Ta̱mu̱ta̱dde̱n ju̱rru̱m eci naga ka̱tu̱ Ki̱ri̱sto̱, iróng e̱e̱ti̱ imma aave ju̱rru̱m ki Manyi go̱o̱le̱ ci azunne lo̱ti̱nno̱k cik Musesi.

Ga̱la̱ti̱a̱ 3:22

Imma zin Waraga ci Ta̱mu̱ta̱dde̱no̱ a̱nne̱kke̱t ne, kecebte naga do̱o̱k mu̱nye̱ne̱. Kamuda gool ci kiyowanne go̱o̱le̱ ci ka̱tu̱we̱ Ye̱su̱ Ki̱ri̱sto̱ do̱ niko.