Roma 3:25 - Tennet

²⁵ I̱tto̱na̱ Ta̱mu̱ta̱dde̱n Ye̱su̱ Ki̱ri̱sto̱ kar kize ci a̱vi̱la̱ ol mu̱nye̱n bi̱ye̱te̱ ciginnek, ming a̱tu̱ nege nonno. I̱ye̱la̱ zoz neci ming abunna Ta̱mu̱ta̱dde̱n, eci alali nonno zinin mu̱nye̱ne̱ cik ollu ba̱li̱ye̱, ngen zin kedez ol.

Roma 3:25 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 6:47

Ka̱du̱wa̱kku̱ng zin zoz ci een de̱de̱, ming a̱tu̱we̱ e̱e̱ti̱, anyak ruget wa aave udut.

Buk wa To̱ni̱a̱u̱ 14:16

Aanyik ba̱li̱ye̱ Ta̱mu̱ta̱dde̱n ol cik lo̱o̱tu̱ do̱o̱k ku̱tu̱gu̱zzo̱ kaal cik orong zi̱nze̱tti̱ cigge̱k ku̱tu̱gu̱zzo̱.

Buk wa To̱ni̱a̱u̱ 15:18

a̱gga̱ bu̱u̱llo̱wa̱ zoz necu bali reena.

Buk wa To̱ni̱a̱u̱ 17:30

Eci ba̱li̱ye̱ Ta̱mu̱ta̱dde̱n ibbez ol kaale cik iróng nege a̱gga̱, abarik zin i̱yo̱ko̱ enne orongnyet agit lo̱o̱co̱we̱ do̱o̱k kuturta mu̱nye̱n cigga̱c do̱o̱k.

Buk wa To̱ni̱a̱u̱ 2:23

Anyonikkung e̱e̱ti̱ cu i̱ge̱ta̱, a̱kku̱ ngati Ta̱mu̱ta̱dde̱no̱ zo̱ze̱ ci odola enne, kar niga ki olli mu̱nye̱nu̱ adaya nonno, kar zin niga u̱ru̱we̱t nonno ka̱da̱k ngati ododikku nonno keet ci een ta̱la̱ke̱c.

Buk wa To̱ni̱a̱u̱ 3:18

Abarik een necu gool ci aanyik Ta̱mu̱ta̱dde̱n zoz cinne kakat mo̱o̱le̱t, baling u̱du̱wa̱k enne a̱ri̱tto̱k okko atin Ki̱ri̱sto̱ cinne apirna.

Buk wa To̱ni̱a̱u̱ 4:28

U̱tu̱gu̱zzo̱ nege kaal balik elema i̱nna̱ komize cunne ki zoz ci odola i̱nna̱ ba̱li̱ye̱ kar kakat mo̱o̱le̱t.

Roma 2:4

I̱no̱ni̱ i̱nna̱ bunnat ci Ta̱mu̱ta̱dde̱no̱ a̱ppwe̱, icima ki zinin cinne alali ci iróng atin enne aburneki nong? Iróng i̱nna̱ a̱gga̱ zoz ci orong Ta̱mu̱ta̱dde̱n ngatunne abunna ming ungnek mu̱nye̱n lo̱o̱c kar bodak nonno?

Roma 3:26

I̱ye̱la̱i̱ zin bo̱do̱k zoz necu i̱yo̱ko̱ abunna Ta̱mu̱ta̱dde̱n, eci enne aanyik e̱e̱t imma ci a̱tu̱ zoz ci Ye̱su̱ kubunna, zoz zin ci ka̱gga̱we̱ abunna Ta̱mu̱ta̱dde̱n ko̱ neci.

Roma 5:1

I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

Roma 5:11

Katalninna zin oroot kaale do̱o̱k, eci Ta̱mu̱ta̱dde̱n i̱tto̱na̱i̱t Manyitinna Ye̱su̱ Ki̱ri̱sto̱ kar kanyait gano naga ol balik ke̱e̱ggi̱n mo̱ddo̱ cik Ta̱mu̱ta̱dde̱no̱ ke̱.

Roma 5:18

Okko atin Ta̱mu̱ta̱dde̱n edez ol do̱o̱k mu̱nye̱ne̱ cik e̱e̱t co̱de̱, wa een zara Adam. Imma zin zo̱ze̱ ci e̱e̱t co̱de̱, u̱tu̱gu̱ Ye̱su̱ Ki̱ri̱sto̱ ko̱, ngati a̱da̱kne̱ ta̱la̱ke̱ca̱, elema zin Ta̱mu̱ta̱dde̱n ol do̱o̱k kubunnta kar kurubta ruget wa aave udut.

Roma 5:9

Idimantet zin bi̱ye̱ta̱ cik Ye̱su̱ wak a̱ddu̱ta̱i̱ ko̱ kubunnta ju̱rru̱m, eelawet mozinte ci Ta̱mu̱ta̱dde̱no̱, kar Manyi kelemait zo̱ze̱ necu.

1 Ko̱ri̱nto̱ 5:7

Abunna zin ming aarannu e̱le̱tti̱ cuggo̱k baize bali reeni ci ogon ki nyigita cik meertak balik reentik ke̱, kar abunna ming abakku baiz ci abunna ci iróng anyak nyigit cik meertak. Ka̱tu̱we̱ naga a̱da̱i̱ Ki̱ri̱sto̱ zo̱ze̱ cinna. Ogon enne ki i̱yo̱ko̱ nyoon ci anyaha ol kize wawac ci I̱i̱te̱n wa Va̱rda̱ngi̱nto̱.

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Evesos 2:13

E̱e̱ggi̱nnu̱ niga ol balik aavtiyyu reena ngati Ta̱mu̱ta̱dde̱no̱, ma̱i̱je̱ i̱yo̱ko̱, aanyik Ki̱ri̱sto̱ Ye̱su̱ ele cinne kize wawac kar kidimanung i̱ge̱t izet ol cik Ta̱mu̱ta̱dde̱no̱.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

I̱bu̱ru̱ 10:4

eci bi̱ye̱ta̱ cik tiinu ki cik eezau iróng aara ol mu̱nye̱n.

I̱bu̱ru̱ 11:14

Imma ol cik ozoz niko ko̱, orong nege orog cinne̱ng ci aave do̱.

I̱bu̱ru̱ 11:17

Imma tu̱we̱nte̱ ci Aburahami bali atimane Ta̱mu̱ta̱dde̱n nonno zo̱ze̱ ci ngerinne I̱sa̱ko̱ ko̱, abunna ming apahek nonno kize wawac. Orong zin enne kapahek I̱sa̱ko̱ Ta̱mu̱ta̱dde̱n ngerinne wa o̱de̱ ṯok kize wawac, ming u̱du̱wa̱k Ta̱mu̱ta̱dde̱n nonno zoz neci nu̱nu̱n, eci enne a̱gga̱ zoz bali u̱du̱wa̱ Manyi ke̱.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

I̱bu̱ru̱ 9:5

Imma ce̱e̱ndu̱we̱ ci olom neci, aburuk anjilonya cik Ta̱mu̱ta̱dde̱no̱ een rama adimanai zu̱rte̱nte̱ ci een dhahab kar kurumuzzet ṯaba, i̱ye̱la̱ di̱ngdi̱ngo̱n ci zoz ci Ta̱mu̱ta̱dde̱no̱. Aparanek alaani ci a̱ddi̱ki̱re̱ wawaco bi̱ye̱ ce̱e̱ndu̱k ta̱dde̱n kar Manyi kalalek ol mu̱nye̱ne̱. Ma̱i̱je̱ zin i̱yo̱ko̱, iróng naga kozoz u̱nge̱tti̱ cik zoz necu i̱yo̱ko̱.

1 Jon 1:10

Ming kazi naga ne ngen naga ku̱tu̱gu̱zza̱ mu̱nye̱n udut, kanyike naga Ta̱mu̱ta̱dde̱n volong, okko zoz cinne iróng aave zi̱nze̱tti̱nne̱ cigga̱c.

1 Jon 2:2

Ogon enne ki wawaci mu̱nye̱ne̱ cigga̱c. Iróng een wawac cinna do̱, abarik nonno ci een wawac ci olli lo̱o̱tu̱ do̱o̱k.

1 Jon 4:10

Een necu rezinet ci Ta̱mu̱ta̱dde̱no̱: Iróng een agit cik kirez Ta̱mu̱ta̱dde̱n, abarik nonno ci irezet agita, kar ki̱tto̱na̱i̱t Ngerinne kize wawac ci okko alalnek mu̱nye̱n cigga̱c.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 20:15

Ming iróng zara cik e̱e̱t imma e̱he̱rye̱ buwe ci rugeto, u̱ju̱ko̱zi̱k enne kuk gwo̱o̱ye̱ ci apadpadi oroot ke̱.

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.