Roma 3:23 - Tennet

²³ Eci ol do̱o̱k anyak ba̱ci̱nno̱k cik mu̱nye̱nu̱, iróng zin naga ngen kazuca di̱ngdi̱ngo̱n ci Ta̱mu̱ta̱dde̱no̱.

Roma 3:23 ပူးပေါင်းရင်းမြစ်များ

Kananet 8:21

Ocowa Manyi gi̱i̱ ci ongooli laala kar zin kizek zinin ne, “Iróng bo̱do̱k ngen kotori lo̱o̱c zo̱ze̱ ci obod ki e̱e̱t ci diiri udut, ming nu̱nu̱n i̱no̱n enne zinina kaal cik gerzek nginti meer bali kenycane nonno ngati enne ngen idica ke̱. Iróng bo̱do̱k kadita kaal cik aruge do̱o̱k ki baling ku̱tu̱gu̱ ke̱.”

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

Roma 11:32

Aanyik Ta̱mu̱ta̱dde̱n ol do̱o̱k ka̱vvu̱to̱ ki i̱yo̱ko̱ ol cik e̱ce̱bje̱ lagama eci nege utuburet iróng ngen azunne zoz cinne. Ogon enne niko kar atin ki̱ti̱ri̱z nogo do̱o̱k bunnate cinne.

Roma 3:19

Ka̱gga̱yya̱ e̱he̱rye̱ lo̱ti̱nno̱wa̱ kar kozozik ol wak elemi ku̱zu̱tte̱. Kar ming ovvo lo̱ti̱nno̱wa̱ ettedik olli Ya̱u̱do̱ lo̱ki̱ko̱, ettedik atin Ta̱mu̱ta̱dde̱n ol do̱o̱k lo̱ki̱ko̱. I̱llo̱i̱ e̱e̱t co̱de̱ ṯok ci aliti.

Roma 3:9

Kazi wo̱ye̱ naga ne? Kommogja naga olli Ya̱u̱do̱ ol do̱o̱k? Iróng een niko. Ku̱du̱kta̱ wanai arrak naga oowa, kizeto ne abaccit ol do̱o̱k ngu̱me̱ ci Ta̱mu̱ta̱dde̱no̱, ming een e̱e̱ti̱ Ya̱u̱do̱c icima iróng een Ya̱u̱d.

Roma 5:2

I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

Ga̱la̱ti̱a̱ 3:22

Imma zin Waraga ci Ta̱mu̱ta̱dde̱no̱ a̱nne̱kke̱t ne, kecebte naga do̱o̱k mu̱nye̱ne̱. Kamuda gool ci kiyowanne go̱o̱le̱ ci ka̱tu̱we̱ Ye̱su̱ Ki̱ri̱sto̱ do̱ niko.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

2 Te̱se̱lo̱ni̱ka̱ 2:14

A̱a̱nyu̱ng zin Ta̱mu̱ta̱dde̱n elemtta zoz cinne baling kuwahekkung naga kaviyak cik abunna ciginnek kar urubta ba̱a̱li̱ne̱t ci okko atin Manyitinna Ye̱su̱ Ki̱ri̱sto̱ abale lo̱o̱c.

I̱bu̱ru̱ 4:1

Ngen Ta̱mu̱ta̱dde̱n odolna zo̱ze̱ ci okko atin e̱e̱ti̱ ci diiri i̱i̱zo̱ lo̱o̱c ci i̱ye̱be̱ze̱ Ta̱mu̱ta̱dde̱n, abunna kazunne zoz neci kar iróng e̱e̱ti̱ imma odotonik vu̱rru̱t.

1 Peturu 4:13

Ataltto go̱o̱le̱ ci apirnannu ko̱ ki baling apirna Ki̱ri̱sto̱ ke̱. Okko atin zoz neci apirnannu niga ko̱, anyaha talinet ci a̱ppwe̱ oroot atin ming okko di̱ngdi̱ngo̱ni̱ cinne i̱ye̱la̱i̱.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.