Roma 3:20 - Tennet

²⁰ Iróng Ta̱mu̱ta̱dde̱n elemi e̱e̱t imma eci azunne lo̱ti̱nno̱k. Anyak gi̱i̱ co̱de̱ ṯok ci ogon lo̱ti̱nno̱wa̱, i̱ye̱le̱k ol ming abaccit zoz ci ogone nege mu̱nye̱n.

Roma 3:20 ပူးပေါင်းရင်းမြစ်များ

Buk wa To̱ni̱a̱u̱ 13:39

Imma zin ngati e̱e̱t ci a̱tu̱ nonno i̱zze̱c mu̱nye̱na̱, iróng lo̱ti̱nno̱wa̱ cik Musesi uule kar kalaleung.

Roma 2:13

Elemi Ta̱mu̱ta̱dde̱n ol wak o̱ngo̱o̱le̱ lo̱ti̱nno̱k ciginnek, iróng enne elemi ol wak aziye gaganiko.

Roma 3:28

Ka̱gga̱c naga elemi Ta̱mu̱ta̱dde̱n ol eci nege anyak tu̱we̱ne̱t, iróng een go̱o̱le̱ ci o̱ngo̱o̱li̱nne̱ nege lo̱ti̱nno̱k.

Roma 4:13

U̱du̱wa̱k Ta̱mu̱ta̱dde̱n Aburaham ki dooli cik dooli cigge̱k, okko atin enne aanyik nogo lo̱o̱c. Iróng enne a̱du̱wa̱ zoz necu eci Aburahami uzute lo̱ti̱nno̱k balik Musesi ke̱, abarik Ta̱mu̱ta̱dde̱n acin bunnat ci a̱kku̱ tu̱we̱nte̱ cinne.

Roma 4:15

Ming iróng e̱e̱ti̱ azunne lo̱ti̱nno̱k, aanyik Ta̱mu̱ta̱dde̱n komoze; gool co̱de̱ ci iróng anyike Ta̱mu̱ta̱dde̱n komoze, abunna ming iróng kanyak lo̱ti̱nno̱k.

Roma 5:13

Anyak looci mu̱nye̱n baling ngen lo̱ti̱nno̱wa̱ cik Musesi ki̱vi̱ta̱. I̱llo̱i̱ gi̱i̱ ci i̱ye̱le̱k ol ming anyak nege mu̱nye̱n, eci a̱zze̱ lo̱ti̱nno̱wa̱ ba̱li̱ye̱ to.

Roma 5:20

Aanyik Ta̱mu̱ta̱dde̱n Muses lo̱ti̱nno̱k, kar ki̱ye̱la̱ ba̱ci̱nno̱k cik ollu meelek, ming ovvo ba̱ci̱no̱wa̱ e̱e̱ggi̱n meele giir, okko zin deteni ci Ta̱mu̱ta̱dde̱no̱ okkomi kak, i̱ye̱la̱ bunnat cinne.

Roma 7:11

Aanya mu̱nye̱na̱ kozorzore baizi cinanni go̱o̱le̱ ci lo̱ti̱nno̱u̱. Imma zin go̱o̱le̱ ci mu̱nye̱nu̱ kuruba daiz.

Roma 9:32

Iróng een niko nya? Eci olli Ya̱u̱do̱ iróng a̱tu̱ Ye̱su̱ ti̱ri̱rzo̱i̱t, abarik nege ogon zoz ci azunne lo̱ti̱nno̱k ki li̱ngli̱ngo̱n. Ogon ki ci adir bee nogo.

1 Ko̱ri̱nto̱ 15:56

Aanyik mu̱nye̱na̱ daiz wu̱ce̱z cinne, kar lo̱ti̱nno̱wa̱ kanyait komiz ci ommog mu̱nye̱n.

Ga̱la̱ti̱a̱ 2:16

Abarik ka̱gga̱yya̱ aave e̱e̱ti̱ ju̱rru̱m ngu̱me̱ ci Ta̱mu̱ta̱dde̱no̱ go̱o̱le̱ ci a̱tu̱we̱ enne Ye̱su̱ Ki̱ri̱sto̱, iróng een go̱o̱le̱ ci kazunne keer. Ka̱tu̱yya̱ zin Ye̱su̱ Ki̱ri̱sto̱, abunna kaavtte ki Ta̱mu̱ta̱dde̱n ju̱rru̱m eci naga ka̱tu̱ Ki̱ri̱sto̱, iróng e̱e̱ti̱ imma aave ju̱rru̱m ki Manyi go̱o̱le̱ ci azunne lo̱ti̱nno̱k cik Musesi.

Ga̱la̱ti̱a̱ 2:19

Eci ming korongi kuzute keer neci, egerzan baiz cinanni. Imma i̱yo̱ko̱, kutunga lo̱ti̱nno̱k cik Musesi, koronga baiz ci Ta̱mu̱ta̱dde̱no̱ de̱de̱.

Ga̱la̱ti̱a̱ 5:4

Imma niga ol cik orongnyu ubunntta ngu̱me̱ ci Ta̱mu̱ta̱dde̱no̱ ngati azunnu lo̱ti̱nno̱k wak Musesi, engerttau e̱le̱tti̱ ciggo̱k ngati Ki̱ri̱sto̱, de̱de̱, u̱yu̱ktte̱u̱ utungtteu deten ci Ta̱mu̱ta̱dde̱no̱ lo̱o̱c.

I̱bu̱ru̱ 7:19

Iróng zin lo̱ti̱nno̱wa̱ ngen a̱ti̱ri̱z e̱e̱t ci diiri, abarik zin i̱yo̱ko̱, i̱ki̱ya̱ zin zoz ci abunna karike naga zi̱nze̱tti̱, anyahannet zoz neci kar kojongozzit Ta̱mu̱ta̱dde̱n.