Roma 3:2 - Tennet

² Ming ize e̱e̱ti̱ Ya̱u̱do̱c, riile nege go̱o̱lo̱we̱ cik meelek giir: Arrak oowa, a̱du̱wa̱k Ta̱mu̱ta̱dde̱n kaviyak ciginnek wak abunna ol utuge ci ol cik een Ya̱u̱d.

Roma 3:2 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 5:39

Abarik niga ikebju Waraga ci Ta̱mu̱ta̱dde̱no̱ oroot, a̱nnu̱ ne, amudannu ruget ci aave udut. Oob Waraga ci Ta̱mu̱ta̱dde̱no̱ zoz cinanni ele.

Buk wa To̱ni̱a̱u̱ 7:38

Alut bali Musesi ol balala, ki anjilo ci ozozek nonno biye ci Sinai, ki be̱e̱ti̱gga̱c kar zin enne uruba genyiz ci i̱yo̱ko̱ a̱du̱wa̱kke̱t enne agita ko̱.

Roma 1:2

I̱ye̱la̱ Ta̱mu̱ta̱dde̱n ba̱li̱ye̱ kaviyak ne̱k abunna ke̱, go̱o̱le̱ ci anyike a̱ri̱tto̱k cik zoz cinne keteherttek waraga wainne a̱li̱le̱.

Roma 2:18

ming a̱gga̱yyu̱ niga zoz cinne kar u̱tu̱gu̱z gi̱i̱ ci een de̱de̱ eci lo̱ti̱nno̱k cik i̱ye̱le̱kku̱ng;

Roma 3:1

I̱yo̱ko̱ zin “Nya ci riili ming ize e̱e̱ti̱ Ya̱u̱do̱c? Nya bo̱do̱k ci abunna ming etted e̱e̱ti̱ wucic vi̱ca̱vi̱ca̱?

Roma 3:3

“Anyak ol u̱gge̱ cik meelek ngatinne̱ng wak iróng a̱tu̱ kaviyak ne̱ke̱. Azi ungec ci zoz necu ne iróng zin ngen karike zi̱nze̱tti̱ Ta̱mu̱ta̱dde̱n, iróng zin Ta̱mu̱ta̱dde̱n ngen azunne zoz bali u̱du̱wa̱ enne ke̱?

1 Ko̱ri̱nto̱ 9:17

Ming kuwahek ol zoz ci Ta̱mu̱ta̱dde̱no̱ gi̱i̱ ci orong zinin cinanni do̱, iróng zin agano ming kamuda o̱ro̱bi̱ya̱ ngati ka̱li̱ngli̱ngi̱ zoz ci kuwahek ol kaviyak cik abunna ko̱. Iróng zin een niko, eci Ta̱mu̱ta̱dde̱n ci aanya annit ku̱tu̱gu̱ li̱ngli̱ngo̱n necu.

2 Ko̱ri̱nto̱ 5:19

Een zin necu zoz ci gon kuwakka naga baling a̱da̱k Ki̱ri̱sto̱ ko̱ necu. Anyike Ta̱mu̱ta̱dde̱n ol do̱o̱k lo̱o̱ta̱ ngatu abunna ming anyak gano ki nonno. Iróng enne ngen azunne ba̱ci̱nno̱k balik ogon ol wak a̱tu̱we̱ ke̱. Aanyyet enne kaviyak cik kabahe naga labak ki nonno.

Ga̱la̱ti̱a̱ 2:7

A̱gga̱ nege niko atahala Ta̱mu̱ta̱dde̱n annit kar kuwahek ol wak iróng een Ya̱u̱d kaviyak cik abunna ki bali ming ahala Peturu kize ci uwahek olli Ya̱u̱do̱ kaviyak cik abunna ke̱.

1 Ti̱mo̱te̱yo̱ 6:20

Ti̱mo̱te̱yo̱, zuute zoz bali aanyi Ta̱mu̱ta̱dde̱n ke̱, bek ju̱rru̱m. Ma edeconik ta̱mu̱ta̱dde̱ne̱t wak zozak ki zoz wa volongo awu ol kize genyiz,

I̱bu̱ru̱ 5:12

I̱yo̱ko̱ zin, a̱gga̱yyu̱ wo̱ye̱ ette niga zoz ci Ta̱mu̱ta̱dde̱no̱ ju̱rru̱m kar edemezit ol u̱gge̱. Abarik niga orongnyu e̱e̱t imma ci kar kedemezung zoz ci Ta̱mu̱ta̱dde̱no̱ bo̱do̱k. Ogonnu niga ki dooli cik ngen idice, ngen aud i̱ra̱ do̱, iróng adak á̱há̱t.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 22:6

A̱nne̱ka̱ zin anjilo ne, “E̱e̱ggi̱n zo̱zzo̱wa̱ ne̱ke̱ de̱de̱. Okko Manyi Ta̱mu̱ta̱dde̱n wa a̱gga̱m vongizzok cik a̱ri̱tto̱u̱ ko̱ i̱tto̱na̱ anjilo cinne ki̱ye̱le̱k du̱cca̱k ciginnek kaal cik ovvo atin i̱i̱na̱ ataman.”