Roma 3:19 - Tennet

¹⁹ Ka̱gga̱yya̱ e̱he̱rye̱ lo̱ti̱nno̱wa̱ kar kozozik ol wak elemi ku̱zu̱tte̱. Kar ming ovvo lo̱ti̱nno̱wa̱ ettedik olli Ya̱u̱do̱ lo̱ki̱ko̱, ettedik atin Ta̱mu̱ta̱dde̱n ol do̱o̱k lo̱ki̱ko̱. I̱llo̱i̱ e̱e̱t co̱de̱ ṯok ci aliti.

Roma 3:19 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 15:25

Ogone zoz necu kar zoz bali e̱he̱rye̱ lo̱ti̱nno̱we̱ ke̱ kakat mo̱o̱le̱t: ‘Amartoya nege annit gaganiko.’

Kaviyak wak Abunna Ta̱mu̱ta̱dde̱no̱ eher Joni 8:9

Abarik baling iziyyet ol zoz ci a̱du̱wa̱ Ye̱su̱ niko, azantte zin nege e̱co̱de̱, e̱co̱de̱, uwante ma̱ti̱yo̱ oowa, bak alungane nege do̱o̱k ne lai, utungtek Ye̱su̱ do̱ lo̱o̱c ki ngaa neci ming ngen abile nginati.

Roma 1:20

Akane kanante ci lo̱o̱tu̱, a̱gga̱ ol komiz ci Ta̱mu̱ta̱dde̱no̱ ngati idimane enne kaal cik aavtte udut, ki doiz cinne. Ming nu̱nu̱n iróng naga kacin komiz cinne zinino eberene, iróng e̱e̱ti̱ imma anyak gool ci amikzene komiz cinne wa aave udut, kacin naga kaale cik eenyca enne ko̱.

Roma 3:2

Ming ize e̱e̱ti̱ Ya̱u̱do̱c, riile nege go̱o̱lo̱we̱ cik meelek giir: Arrak oowa, a̱du̱wa̱k Ta̱mu̱ta̱dde̱n kaviyak ciginnek wak abunna ol utuge ci ol cik een Ya̱u̱d.

Roma 3:23

Eci ol do̱o̱k anyak ba̱ci̱nno̱k cik mu̱nye̱nu̱, iróng zin naga ngen kazuca di̱ngdi̱ngo̱n ci Ta̱mu̱ta̱dde̱no̱.

Roma 3:4

Iróng een niko! A̱du̱wa̱ Ta̱mu̱ta̱dde̱n zoz ci een de̱de̱, ming nu̱nu̱n ovolong ol do̱o̱k, aalna zoz cinne een de̱de̱ udut. E̱he̱rye̱ Warage ci Ta̱mu̱ta̱dde̱no̱ zoz ci obod ki Ta̱mu̱ta̱dde̱n, azi ne, “I̱ye̱la̱i̱ atin zoz cunne een de̱de̱ ming ozozi i̱nna̱, ommogi atin i̱nna̱ ol wak orong kadayi i̱nne̱t lo̱ki̱ka̱.”

Roma 3:9

Kazi wo̱ye̱ naga ne? Kommogja naga olli Ya̱u̱do̱ ol do̱o̱k? Iróng een niko. Ku̱du̱kta̱ wanai arrak naga oowa, kizeto ne abaccit ol do̱o̱k ngu̱me̱ ci Ta̱mu̱ta̱dde̱no̱, ming een e̱e̱ti̱ Ya̱u̱do̱c icima iróng een Ya̱u̱d.

1 Ko̱ri̱nto̱ 1:29

kar iróng e̱e̱ti̱ imma odong ele cinne ngatinne.

Ga̱la̱ti̱a̱ 3:10

Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”

Ga̱la̱ti̱a̱ 4:21

I̱yo̱ko̱ zin, anyak ol u̱gge̱ ngatinno̱ng orong ku̱zu̱tte̱ lo̱ti̱nno̱k wak Musesi. A̱gga̱yyu̱ keng ci lo̱ti̱nno̱k ne̱ke̱?

Ga̱la̱ti̱a̱ 4:5

I̱tto̱na̱ Ta̱mu̱ta̱dde̱n kar ki̱ki̱ya̱ karawet zo̱ze̱ wa lo̱ti̱nno̱u̱, kar kuburuwet kizet dooli ciginnek.

Ga̱la̱ti̱a̱ 5:18

Ma̱i̱je̱ i̱yo̱ko̱, ming een Vongiz ci A̱li̱le̱ ci abahe i̱nna̱, iróng i̱nna̱ e̱e̱ni̱ du̱ca̱i̱t ci lo̱ti̱nno̱k cik Musesi.