Roma 2:9 - Tennet

⁹ Edez atin Ta̱mu̱ta̱dde̱n ol wak abak mu̱nye̱ne̱ kipirta oroot. Iróng enne ahal ol wak een Ya̱u̱d icima ol wak iróng een Ya̱u̱d, edez do̱o̱k.

Roma 2:9 ပူးပေါင်းရင်းမြစ်များ

Ma̱te̱yo̱ 16:26

Abunna ni̱i̱ ming amuda e̱e̱ti̱ kaal cik lo̱o̱tu̱ do̱o̱k, imma ngatu utunga baiz cinne? Nya wo̱ye̱ ci ataline e̱e̱ti̱ kar kuruba baiz?

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Buk wa To̱ni̱a̱u̱ 11:18

Baling ming ovvo nege aziye zoz cu, iróng zin nege ngen adang Peturu, abarik innatit Ta̱mu̱ta̱dde̱n, kar kizeto ne, “Kar zin anyik Ta̱mu̱ta̱dde̱n ol cik e̱e̱ggi̱n i̱do̱ngi̱ kuturta mu̱nye̱n cigge̱k kar kanyait ruget ci aave udut ko̱ bu̱k.”

Buk wa To̱ni̱a̱u̱ 13:26

“Gotonogga, doolik Aburahami, ki ol wak iróng een Ya̱u̱d o̱ngo̱o̱le̱ Ta̱mu̱ta̱dde̱n ko̱, izikttang da̱ ju̱rru̱m, i̱tto̱na̱i̱t Manyi agit do̱o̱k kaviyak cik ti̱ri̱ze̱nto̱ ko̱.

Buk wa To̱ni̱a̱u̱ 20:21

Ku̱du̱wa̱ha̱ olli Ya̱u̱do̱ ki Gi̱ri̱k kar kuturtak mu̱nye̱n cigge̱k Ta̱mu̱ta̱dde̱n kar bo̱do̱k ku̱tu̱we̱t Manyitinna Ye̱su̱.

Buk wa To̱ni̱a̱u̱ 26:20

Arrak oowa kuwaheya olli Damascusi kar bo̱do̱k olli Jerusalemo, ki olli Ju̱de̱ya̱ do̱o̱k ki i̱do̱ngi̱ne̱ bu̱k. Kuwahek anna nogo kar kutungttek ba̱ci̱nno̱k lo̱o̱c kar kunuwet Ta̱mu̱ta̱dde̱n ku̱tu̱gu̱zzo̱ kaal wak i̱ye̱la̱ utungtek nege mu̱nye̱n lo̱o̱c.

Buk wa To̱ni̱a̱u̱ 28:17

Baling edeca Pa̱u̱lo̱ i̱i̱nya̱ i̱i̱yo̱, utu zin enne lo̱ddi̱ki̱re̱ cik Ya̱u̱do̱. Baling ovvo nege alute, izek zin enne nogo ne, “Gotonogga, ming nu̱nu̱n ngen anna ku̱tu̱gu̱we̱k gi̱i̱ ci gerze ol cigga̱c icima keerani cik ji̱ji̱ti̱gga̱c, kecebje anna ba̱li̱ye̱ Jerusalema kar ol kanyakta annit bo̱do̱k olli Romi.

Buk wa To̱ni̱a̱u̱ 28:28

“I̱yo̱ko̱ zin korongi anna ku̱du̱wa̱u̱ng i̱ge̱t a̱gga̱c uk ti̱ri̱ze̱ne̱t ngati ol cik iróng e̱e̱ggi̱n Ya̱u̱d, ovvo atin nege aziye!”

Buk wa To̱ni̱a̱u̱ 3:26

Baling okko Ta̱mu̱ta̱dde̱n odong du̱ca̱i̱t cinne Ye̱su̱, i̱tto̱na̱kku̱ng arrak enne i̱ge̱ta̱ nonno, kar abunna ming a̱mu̱yu̱kku̱ng enne, kar niga do̱o̱k utungtek mu̱nye̱n lo̱o̱c.”

Roma 1:16

Iróng anna ko̱ngo̱o̱le̱ kar kuwahek ol kaviyak cik abunna, eci kaviyaha anyak doiz ci Ta̱mu̱ta̱dde̱no̱ anyike ol wak elemi nonno do̱o̱k ti̱ri̱ze̱ne̱t. Kuwahek anna kaviyak ne̱ko̱ arrak Ya̱u̱d, kar zin ol wak iróng een Ya̱u̱d.

Roma 10:12

I̱llo̱i̱ zoz imma ci gerze. Ming een e̱e̱ti̱ Ya̱u̱d icima iróng een Ya̱u̱d, kanyak Manyi co̱de̱ ṯok, i̱i̱rke̱ enne ngati ol wak a̱jji̱n nonno do̱o̱k.

Roma 2:10

Ma̱i̱je̱ ol wak ogon kaal cik abunna, amuc atin Ta̱mu̱ta̱dde̱n nogo, aanyik di̱ngdi̱ngo̱n, ki gano, ming e̱e̱ggi̱n nege Ya̱u̱d icima ol cik iróng een Ya̱u̱d.

Roma 8:35

I̱llo̱i̱ gi̱i̱ imma ci engeryet rezinte ci Ki̱ri̱sto̱. Engeryet wo̱ye̱ no̱ngi̱tto̱na̱, icima piryanzet ngati kamuda gi̱de̱ne̱t, icima magiz, icima ngati kowoye nga̱dhi̱ri̱r, icima ngati a̱li̱be̱ne̱ looci, icima daiza?

Roma 9:24

I̱yo̱ko̱ ke̱e̱ggi̱n naga ol balik atahala Ta̱mu̱ta̱dde̱n kar ki̱ye̱le̱t deten cinne, iróng een olli Ya̱u̱do̱ do̱ abarik ki ol wak iróng een Ya̱u̱d bu̱k.

Ga̱la̱ti̱a̱ 3:28

Ming anyakku tu̱we̱ne̱t ci Ye̱su̱ Ki̱ri̱sto̱ niko, i̱zzi̱ zoz ci bo̱do̱k kazi ne, e̱e̱ggi̱n ciko olli Ya̱u̱d, ovvo ciko e̱e̱ggi̱n ol wak een Gi̱ri̱k, icima uggak e̱e̱ggi̱n du̱cca̱k, ovvo uggak een jain, icima e̱e̱ggi̱n uggak ngaai, icima odot; eci naga do̱o̱k ke̱e̱ggi̱n ol co̱de̱ ngati Ye̱su̱.

Kolosiya 3:11

Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.

2 Te̱se̱lo̱ni̱ka̱ 1:6

Eci gon Ta̱mu̱ta̱dde̱n ettede lo̱ki̱ko̱ ju̱rru̱m, okko atin ettedik ol balik a̱gi̱ddu̱ng ko̱ gerzet.

1 Peturu 4:17

Ize ojon i̱i̱ wa okko Ta̱mu̱ta̱dde̱n apahek ol waginnek lo̱ki̱ko̱. Ming akatai lo̱ki̱ko̱ neci ngatinna een wo̱ye̱ zoz ku̱ ngati ol wak abure kaviyak waginnek abunna. Azi Warage ci Ta̱mu̱ta̱dde̱no̱ ne,