Roma 2:6 - Tennet

⁶ Okko atin Ta̱mu̱ta̱dde̱n, “Aanyik ngenngene kaal go̱o̱le̱ ci u̱tu̱gu̱ enne.”

Roma 2:6 ပူးပေါင်းရင်းမြစ်များ

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Roma 14:22

Ming anyai i̱nna̱ kaal cik a̱tu̱ i̱nna̱, anyike kaal cigunnek ki Ta̱mu̱ta̱dde̱n. U̱mu̱yu̱k Ta̱mu̱ta̱dde̱n e̱e̱t ci ogon gi̱i̱ ci a̱gga̱ enne een gi̱i̱ ci abunna.

1 Ko̱ri̱nto̱ 3:8

Riil li̱ngli̱ngo̱ni̱ ci e̱e̱t ci arir ma̱na̱ ko̱ ki ci e̱e̱t ci a̱ddu̱te̱k maam ma̱na̱ ko̱, a̱ru̱wo̱ni̱k atin ngenngene kaal cik li̱ngli̱ngo̱n cinne.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 11:15

Iróng wo̱ye̱ ka̱ku̱le̱k je̱e̱n gi̱i̱ye̱ necu, a̱gga̱ to̱ni̱a̱ha̱ cik lo̱rye̱nto̱ uhu e̱le̱tti̱ azi ne kogonna kaal cik abunna. Ngen atin Ta̱mu̱ta̱dde̱n apahek anjilonya cik lo̱rye̱nta̱k lo̱ki̱ko̱ kaale ne̱ko̱ i̱i̱te̱n co̱de̱.

2 Ko̱ri̱nto̱ 5:10

Korong zin naga do̱o̱k ol cik a̱tu̱we̱ abunna kogon kaal cik abunna, eci anyak i̱i̱te̱n imma ci kovvo kabile lo̱ki̱ko̱ ci okko Ki̱ri̱sto̱ ettedekket ba̱ci̱nno̱k cik kabaci naga baling ngen karuge lo̱o̱ta̱ ngatu, icima abunna icima gerza.

2 Ti̱mo̱te̱yo̱ 4:14

U̱tu̱gu̱we̱ya̱ bo̱do̱k Alizanduru wa gon u̱u̱rte̱ ko̱ kaal cik gerzek oroot. A̱ru̱k atin Manyi nga̱bo̱lo̱ cinanni do̱ niko.

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.

O̱no̱zzo̱k 20:12

Kar zin anna kicin ol wak a̱da̱i̱to̱, cik a̱ddi̱ki̱re̱ ki cik kidik bu̱k, abile nege o̱o̱we̱ ci lecero, o̱o̱ye̱ zin buwani. Oowe zin bui imma, een neci buk ci rugeto. Ettedozik lo̱ki̱ko̱ ol wak a̱da̱i̱to̱ go̱o̱le̱ bali ogone nege kaal ki ming e̱he̱rye̱ buwanine.

O̱no̱zzo̱k 22:12

A̱nne̱ka̱ zin bo̱do̱k Ye̱su̱ ne, “Aarta da̱ iin ju̱rru̱m, kokko anna ka̱kku̱ni̱ ataman! Kanyai anna muci cinanni, kanyike atin anna e̱e̱t imma go̱o̱le̱ ci u̱tu̱gu̱we̱ enne kaal baize cinne.