Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 2:5 - Tennet

5 Abarik odoi i̱nne̱t oo kak, iróng orongi bodak Ta̱mu̱ta̱dde̱n. U̱tu̱gu̱ zin i̱nna̱ zoz ci gerze, i̱ta̱k zin mozinet ci Ta̱mu̱ta̱dde̱no̱ oo cunne, okko atin enne ettedeki lo̱ki̱ko̱ ming uk looci uṯurehe.

အခန်းကိုကြည့်ပါ။ ကော်ပီ




Roma 2:5
40 ပူးပေါင်းရင်းမြစ်များ  

Kanyike atin anna o̱o̱tti̱ cik olli Masiro kokkomit kak kar kunuwet olli Israilo vu̱rrta̱. Kar atin zara cigannik ku̱bu̱lte̱ zo̱ze̱ ci alaan ci Masiro ki aciir ciginnek, ngati i̱zo̱we̱ liil ki vartange ki toromilet cigge̱k do̱o̱k.


Baling icin alaani ci Masiro a̱da̱i̱to̱ nyeelwana balik a̱bu̱ng lo̱o̱c ci Masiro ko̱ do̱o̱k, oto bo̱do̱k kodok oo ne kak, iróng ngen orong kizik zoz ci Musesi ki Aaron ki bali ming u̱du̱wa̱ Manyi ke̱.


I̱ye̱la̱i̱ mozinet ci aburne Ta̱mu̱ta̱dde̱n nong ngati ol wak abure zoz wainne een de̱de̱ ta̱mu̱-kenga, okko atin enne edez nogo. Anyike nege zoz ci gerze kize ci ommog zoz ci een de̱de̱.


Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.


Orong Ta̱mu̱ta̱dde̱n ki̱ye̱la̱ mozinet ki doiz cinne ka̱gga̱we̱, ngati ol wak gerzek agano ki ru̱we̱ne̱t. Abarik enne alalnek ol ne̱ko̱ dee.


Korong zin naga do̱o̱k ol cik a̱tu̱we̱ abunna kogon kaal cik abunna, eci anyak i̱i̱te̱n imma ci kovvo kabile lo̱ki̱ko̱ ci okko Ki̱ri̱sto̱ ettedekket ba̱ci̱nno̱k cik kabaci naga baling ngen karuge lo̱o̱ta̱ ngatu, icima abunna icima gerza.


A̱kku̱ atin i̱i̱te̱ni̱ ci okko Ta̱mu̱ta̱dde̱n ettede lo̱ki̱ko̱ ci ollu ju̱rru̱m, kar kidiman ol balik a̱gi̱d ol zo̱ze̱ ci ba̱a̱li̱ne̱t ci okko Ta̱mu̱ta̱dde̱n abale lo̱o̱c.


Abarik ki̱ti̱lo̱z gotonogget ki ngonogget odohize, ki i̱yo̱ko̱ ming a̱du̱wa̱kke̱t zoz ci Ta̱mu̱ta̱dde̱no̱ wazin necu ko̱. Ma anyikku mu̱nye̱n kecebtaung o̱o̱tti̱ kar utuburet zoz ci Ta̱mu̱ta̱dde̱no̱.


Zoz zin ci e̱he̱rye̱ Warage ci Ta̱mu̱ta̱dde̱no̱ icu: “Wazin necu, ming aziknnu niga muluk ci Ta̱mu̱ta̱dde̱no̱, ma aburnnu zoz cinne, ki baling i̱ti̱yye̱t ji̱ji̱ti̱ggo̱k tu̱.”


I̱yo̱ko̱ zin, arik Ta̱mu̱ta̱dde̱n i̱i̱te̱n imma, ci awu enne kize Wazin necu, kar bali i̱i̱te̱n imma ozozek enne ol go̱o̱le̱ ci Da̱vi̱de̱, ki bali u̱du̱wa̱ enne oowa ke̱, “Wazin necu, ming aziknnu niga muluk ci Ta̱mu̱ta̱dde̱no̱, ma aburnnu zoz cinne.”


Egerzante o̱ro̱bi̱ya̱na̱ cuggo̱k cik een ziik cik ataltali ki dhahabi, okko atin zoz ci a̱mu̱ne̱ o̱ro̱bi̱ya̱na̱ ko̱ een cunno̱ng, adakkung atin zoz neci kiwagon gwa̱a̱. Adaztau niga kaal cik meelek i̱i̱nya̱we̱ cik okko looci aṯurneke.


Ming een zoz necu de̱de̱, a̱gga̱ Manyi gool ci eelanne enne ol wak a̱tu̱ nonno, ngati amudanne nege no̱ngi̱tto̱n kar ka̱gga̱m olli mu̱nye̱nu̱ kar kedez nogo, ere ki̱ki̱ya̱ i̱i̱te̱ni̱ ci ettede enne lo̱ki̱ko̱.


Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.


Imma anjilonya wak iróng azunne alaanzet cinne̱ng, abarik utungtek ce̱e̱zi̱ cigge̱k lo̱o̱c ta̱mu̱-kenga ngin bali abahe ke̱. I̱yo̱ko̱ zin e̱ce̱bje̱ nege ziiye cik aavtte udut, ere i̱i̱te̱n ci a̱ddi̱ki̱re̱ lo̱ki̱ko̱.


Kanyiya anna i̱i̱te̱n ci kar kutura ba̱ci̱nno̱k ciginnek a̱li̱ya̱kze̱ti̱nu̱ ko̱, abarik enne iróng elemi.


Eci i̱ki̱ya̱ i̱i̱te̱ni̱ ci a̱ddi̱ki̱re̱ omozine nege (omozine Ta̱mu̱ta̱dde̱n ki Nyoon), ngene wo̱ye̱ ci abile ngu̱me̱ cinne̱ng?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ