Roma 2:29 - Tennet

²⁹ Abunna e̱e̱ti̱ ming een Ya̱u̱do̱c de̱de̱, etted wucic vi̱ca̱vi̱ca̱, o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱. Amuda e̱e̱ti̱ rezinet ci Ta̱mu̱ta̱dde̱no̱ de̱de̱ go̱o̱le̱ ci aanyik enne Manyi zinin cinne, iróng een go̱o̱le̱ ci ettede ol vi̱ca̱vi̱cce̱t, een abarik Vongiza. Anyik Ta̱mu̱ta̱dde̱n ka̱ma̱yu̱k e̱e̱t, iróng een ol cik diirik.

Roma 2:29 ပူးပေါင်းရင်းမြစ်များ

Lu̱ka̱ 11:39

Izek zin Manyi nonno ne, “I̱yo̱ko̱ zin, niga Varacisi u̱u̱nyyu̱ niga uduce cik maamu ki uduce cik adainu eci bo̱i̱co̱ do̱, imma ecito abbize zoz ci anyakku zi̱nze̱tti̱ cik a̱ppi̱nte̱k ki zoz ci a̱li̱ya̱kze̱ti̱nu̱.

Lu̱ka̱ 17:21

icima ovvo atin ol azi ne, ‘Icu ba̱a̱li̱ne̱t ci Ta̱mu̱ta̱dde̱no̱,’ eci ba̱a̱li̱ne̱t ci Ta̱mu̱ta̱dde̱no̱ aave ngatinno̱ng.”

Kaviyak wak Abunna Ta̱mu̱ta̱dde̱no̱ eher Joni 12:43

Orong nege rezinet ci ol cik diirik oroot, iróng orong rezinet ci Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 4:23

I̱ki̱ya̱ wazini ci ovvo ol cik a̱di̱ngdi̱nga̱n Baba de̱de̱ Vongiza. Orong Baba ol cik ogon ki i̱yo̱ko̱.

Kaviyak wak Abunna Ta̱mu̱ta̱dde̱no̱ eher Joni 5:44

Elemnyyu wo̱ye̱ ku̱ ming a̱di̱ngdi̱nga̱nnu̱ niga e̱le̱tti̱ ciggo̱k ko̱, iróng abarik ngen orongnyu urubta di̱ngdi̱nga̱ni̱ne̱t wa a̱kku̱ ngati Ta̱mu̱ta̱dde̱n, wa o̱de̱ ṯok.

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Roma 2:27

Imma e̱e̱ti̱ ci iróng een Ya̱u̱d kar ku̱tu̱gu̱ kaal cik orong Ta̱mu̱ta̱dde̱n, ettedekkung atin enne lo̱ki̱ko̱ ol balik etteddit vi̱ca̱vi̱cce̱t ko̱. Ming etteddu niga vi̱ca̱vi̱cce̱t nu̱nu̱n, kar bo̱do̱k kanyait zoz ci Ta̱mu̱ta̱dde̱no̱ e̱he̱rye̱, iróng niga o̱ngo̱o̱li̱nnu̱ de̱mzi̱ne̱t neci.

Roma 3:1

I̱yo̱ko̱ zin “Nya ci riili ming ize e̱e̱ti̱ Ya̱u̱do̱c? Nya bo̱do̱k ci abunna ming etted e̱e̱ti̱ wucic vi̱ca̱vi̱ca̱?

Roma 7:6

Ma̱i̱je̱ ngatu, iróng lo̱ti̱nno̱wa̱ ngen abaleta. Ku̱tu̱gu̱zzo̱ naga kiwagon ol wak a̱da̱i̱to̱ baling ngen abalet lo̱ti̱nno̱wa̱, i̱llo̱i̱ zin komiz ci anyak lo̱ti̱nno̱wa̱ ngatinna. I̱yo̱ko̱, ka̱li̱ngli̱nge̱k naga Ta̱mu̱ta̱dde̱n go̱o̱le̱ ci Vongiz ci een jor, iróng een go̱o̱le̱ bali reeni ko̱ngo̱o̱li̱ne̱ lo̱ti̱nno̱k balik e̱he̱rye̱ ke̱.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

1 Ko̱ri̱nto̱ 7:19

Eci zo̱ze̱ ci ettede ol vi̱ca̱vi̱ca̱ icima iróng etted ko̱, i̱llo̱i̱ zoz imma ci gerze. Riil zoz ci azunne e̱e̱ti̱ zoz ci Ta̱mu̱ta̱dde̱no̱ do̱ niko.

2 Ko̱ri̱nto̱ 10:18

Iróng een ol ne̱ke̱ cik odong e̱le̱tti̱ azi ne kabunanna, iróng een nogo cik elemi Manyi azi ne abunna, abarik ol cik elemi Manyi abunna, nogo do̱ niko cik abunna.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

Vilipia 3:3

Eci naga ol wak kanyak te̱di̱ne̱t wa een de̱de̱ kettede mu̱nye̱n zi̱nze̱tti̱nne̱ cigga̱c, cik kinnat Vongize ci Ta̱mu̱ta̱dde̱no̱, ki di̱ngdi̱nga̱ni̱ne̱t Ye̱su̱ Ki̱ri̱sto̱, iróng naga karikka zi̱nze̱tti̱ e̱le̱tti̱ cigga̱k,

1 Te̱se̱lo̱ni̱ka̱ 2:4

Kuwaktteung naga i̱ge̱t zoz ci Ta̱mu̱ta̱dde̱no̱ ki bali ming atahalait enne ke̱ kar kaanyyet li̱ngli̱ngo̱n ci kuwaheka ol kaviyak cik abunna. Iróng korongnya katanantta ol cik diirik, Ta̱mu̱ta̱dde̱n do̱ niko. Eci enne a̱gga̱ zi̱nze̱tti̱ cigga̱k.

1 Peturu 3:4

Abarik zin abunna ming a̱kku̱ zi̱zi̱wo̱ni̱ cunne zinina, zi̱zi̱wo̱n ci iróng aditai ki zinin ci abunna, een necu zoz ci riili ngu̱me̱ ci Ta̱mu̱ta̱dde̱no̱.