Roma 2:27 - Tennet

²⁷ Imma e̱e̱ti̱ ci iróng een Ya̱u̱d kar ku̱tu̱gu̱ kaal cik orong Ta̱mu̱ta̱dde̱n, ettedekkung atin enne lo̱ki̱ko̱ ol balik etteddit vi̱ca̱vi̱cce̱t ko̱. Ming etteddu niga vi̱ca̱vi̱cce̱t nu̱nu̱n, kar bo̱do̱k kanyait zoz ci Ta̱mu̱ta̱dde̱no̱ e̱he̱rye̱, iróng niga o̱ngo̱o̱li̱nnu̱ de̱mzi̱ne̱t neci.

Roma 2:27 ပူးပေါင်းရင်းမြစ်များ

Ma̱te̱yo̱ 3:15

A̱nne̱k Ye̱su̱ nonno ne, “Ma aburi, abunna kogon naga gi̱i̱ necu kar ku̱tu̱gu̱we̱ bunnati ci Ta̱mu̱ta̱dde̱no̱ olle do̱o̱k.” Elema zin Joni zoz neci.

Buk wa To̱ni̱a̱u̱ 13:22

Baling okko Ta̱mu̱ta̱dde̱n aara Saul alaanzeta, aragizek Da̱vi̱de̱ kize alaan cinne̱ng. U̱du̱wa̱k Ta̱mu̱ta̱dde̱n nogo zoz ci obod ki Da̱vi̱de̱: ‘Kumuda anna Da̱vi̱de̱ ngerrti Jesse, een e̱e̱t ci kirezi anna oroot; ogon atin kaal cik korongi anna nonno ku̱tu̱gu̱ do̱o̱k.’

Roma 13:10

Ming irez e̱e̱ti̱ ol do̱o̱k, iróng rezinet aanyi tu̱gu̱ zoz ci gerze. Adiman rezinet zoz ci lo̱ti̱nno̱u̱ kakat mo̱o̱le̱t.

Roma 2:15

Imma kaala cik ogon nege niko, i̱ye̱la̱ ming a̱gga̱ nege lo̱ti̱nno̱k cik Ta̱mu̱ta̱dde̱no̱, eci ming ogon nege kaal cik gerzek icima cik abunna, i̱ye̱la̱ zoz ci aave zi̱nze̱tti̱nne̱ cigge̱k zoz neci ming abunna icima gerza.

Roma 2:20

Annu niga ne, a̱gga̱yyu̱ lo̱ti̱nno̱k cik Ta̱mu̱ta̱dde̱no̱ wak anyak genyiz ki zoz ci een de̱de̱, i̱lo̱ti̱kku̱ wo̱ye̱ ol cik adite iina kar edemezit dooli cikidik.

Roma 2:25

Abunna keer cunno̱ng ci ettede ol vi̱ca̱vi̱cce̱t ko̱, ming azunnu niga lo̱ti̱nno̱k cik Ta̱mu̱ta̱dde̱no̱. Ming iróng niga o̱ngo̱o̱li̱nnu̱ lo̱ti̱nno̱k, ogonnu ki ol cik iróng a̱gga̱ lo̱ti̱nno̱k.

Roma 2:26

Ming azunne ol wak iróng etted vi̱ca̱vi̱cce̱t ko̱ lo̱ti̱nno̱k de̱de̱, ubunntta nege ogon ki ol wak etteddit vi̱ca̱vi̱cce̱t.

Roma 2:29

Abunna e̱e̱ti̱ ming een Ya̱u̱do̱c de̱de̱, etted wucic vi̱ca̱vi̱ca̱, o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱. Amuda e̱e̱ti̱ rezinet ci Ta̱mu̱ta̱dde̱no̱ de̱de̱ go̱o̱le̱ ci aanyik enne Manyi zinin cinne, iróng een go̱o̱le̱ ci ettede ol vi̱ca̱vi̱cce̱t, een abarik Vongiza. Anyik Ta̱mu̱ta̱dde̱n ka̱ma̱yu̱k e̱e̱t, iróng een ol cik diirik.

Roma 3:30

O̱de̱ Ta̱mu̱ta̱dde̱n ṯok, elemi enne Ya̱u̱d wak etted vi̱ca̱vi̱cce̱t tu̱we̱nta̱, elemi bo̱do̱k ol wak iróng etted vi̱ca̱vi̱cce̱t tu̱we̱nta̱.

Roma 8:4

Ogon Ta̱mu̱ta̱dde̱n zoz neci niko kar naga ku̱tu̱gu̱z kaal cik abunna a̱du̱wa̱ lo̱ti̱nno̱wa̱ do̱o̱k, abunna naga ko̱ngo̱o̱le̱ Vongiz ci Ta̱mu̱ta̱dde̱no̱, iróng kanu kaal cik gerzek irez zi̱nze̱tti̱ cigga̱c.

1 Ko̱ri̱nto̱ 7:19

Eci zo̱ze̱ ci ettede ol vi̱ca̱vi̱ca̱ icima iróng etted ko̱, i̱llo̱i̱ zoz imma ci gerze. Riil zoz ci azunne e̱e̱ti̱ zoz ci Ta̱mu̱ta̱dde̱no̱ do̱ niko.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

Ga̱la̱ti̱a̱ 5:14

Ming karum lo̱ti̱nno̱k do̱o̱k nga̱to̱de̱, azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱.”

Evesos 2:11

Abunna zin ming a̱a̱da̱nnu̱ iróng niga e̱e̱ggi̱nnu̱ olli Ya̱u̱do̱. Awuyung ba̱li̱ye̱ ol wak etted wucic vi̱ca̱vi̱cce̱t ko̱ izet ol cik iróng etted wucic vi̱ca̱vi̱cce̱t.

2 Ti̱mo̱te̱yo̱ 3:15

A̱gga̱ ri̱t i̱nna̱ Waraga ci Ta̱mu̱ta̱dde̱no̱ baling ngen e̱e̱ni̱ idica. Aanyi zoz cinne genyiz ki ti̱ri̱ze̱ne̱t go̱o̱le̱ ci a̱tu̱we̱ Ye̱su̱ Ki̱ri̱sto̱ kar ruba baiz wa aave udut.

I̱bu̱ru̱ 11:3

Imma bo̱do̱k tu̱we̱nte̱ cinna, ka̱gga̱, idiman Ta̱mu̱ta̱dde̱n ta̱mu̱-keng ki lo̱o̱c zo̱ze̱ ci a̱du̱wa̱ enne utuga, adiman kaal ne̱ko̱ kaale cik iróng naga kacin eberene.