Roma 2:10 - Tennet

¹⁰ Ma̱i̱je̱ ol wak ogon kaal cik abunna, amuc atin Ta̱mu̱ta̱dde̱n nogo, aanyik di̱ngdi̱ngo̱n, ki gano, ming e̱e̱ggi̱n nege Ya̱u̱d icima ol cik iróng een Ya̱u̱d.

Roma 2:10 ပူးပေါင်းရင်းမြစ်များ

Ma̱te̱yo̱ 10:13

Ming abunna manyi ce̱e̱z neci ngati a̱a̱nyu̱ng a̱vvu̱t labak, utungtek ma̱yu̱we̱ne̱t ce̱e̱z neci; ming iróng manyi ce̱e̱z a̱gga̱mnyu̱ng go̱o̱le̱ ci abunna, ma a̱ma̱yu̱kku̱ ce̱e̱z neci, abarik anycik ma̱yu̱we̱ne̱t ci Ta̱mu̱ta̱dde̱n kobodaung.

Lu̱ka̱ 1:79

kataran ol wak abak mu̱hu̱ri̱te̱na̱ ki ngati daizo, ki̱ye̱le̱k zo̱o̱ cigga̱c gool ci anyak gano.”

Lu̱ka̱ 12:37

Abunna atin ngati du̱cca̱k cik okko ddi̱ki̱ryo̱i̱ti̱ amuda nogo ming acine ebekce ming okko enne a̱kku̱. Ka̱du̱wa̱kku̱ng anna zoz ci een de̱de̱, aimiz atin enne ele cinne kar ki̱li̱ngli̱ng, okko atin enne aanyik nogo kadakto ki nonno nga̱to̱de̱ kar atin enne ki̱ti̱ri̱z nogo.

Lu̱ka̱ 19:42

Kar kize ne, “Ming a̱gga̱yyu̱ niga wazin cu nya ci anyahakku̱ng i̱ge̱t gano, ma̱i̱je̱ i̱yo̱ko̱ a̱lu̱gnye̱ zoz necu eberene ciggo̱k.

Lu̱ka̱ 22:14

Baling utube i̱i̱, a̱vvu̱to̱ zin Ye̱su̱ ki nuyak ciginnek ngati da̱i̱nto̱.

Lu̱ka̱ 9:48

Kar enne kizek nogo ne, “Ming elema e̱e̱ti̱ imma do̱le̱c cidici ko̱ zare cigannik, elemna enne annita; kar e̱e̱ti̱ ci elemanna annita ko̱, elemna enne e̱e̱t wa i̱tto̱na̱na̱ annita bu̱k. Eci e̱e̱ti̱ cidici orgene cunno̱ng, nonno ci a̱ddi̱ki̱re̱ kommog veelek.”

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Kaviyak wak Abunna Ta̱mu̱ta̱dde̱no̱ eher Joni 14:27

Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Buk wa To̱ni̱a̱u̱ 10:35

abarik elemna ol wak o̱ngo̱o̱le̱ nonno kar ku̱tu̱gu̱zzo̱ kaal cik abunna lo̱o̱co̱we̱ do̱o̱k.

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 2:9

Edez atin Ta̱mu̱ta̱dde̱n ol wak abak mu̱nye̱ne̱ kipirta oroot. Iróng enne ahal ol wak een Ya̱u̱d icima ol wak iróng een Ya̱u̱d, edez do̱o̱k.

Roma 5:1

I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

Roma 8:6

Ming kabal naga e̱le̱tti̱ kaale ci gerzek balik reentik amin zi̱nze̱tti̱ ke̱, kamuda atin daiz. Imma ming kabal e̱le̱tti̱ Vongize ci Ta̱mu̱ta̱dde̱no̱, kanyak atin baiz ci abunna ki gano.

Roma 9:21

Ogon Ta̱mu̱ta̱dde̱n ki e̱e̱ti̱ ci eenyet i̱jjo̱nyya̱, imma e̱e̱ti̱ wa eenyet i̱jjo̱nyya̱ ko̱, eenyet go̱o̱le̱ ci orong zinin cinne, adiman u̱gge̱ kize cik a̱li̱ngli̱nge̱ ol kaal cik riilik, okko adiman u̱gge̱ kize cik oboda to.

Roma 9:23

Ogon Ta̱mu̱ta̱dde̱n niko i̱ye̱la̱ di̱ngdi̱ngo̱n cinne, ngati amanik ol ne̱k atahala enne ke̱ kar kozolit ki nonno di̱ngdi̱ngo̱n cinne.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Vilipia 4:7

Kar gano ci Ta̱mu̱ta̱dde̱no̱ wa ommog genyiz ci e̱e̱t ci diiri do̱o̱k, kuzute zi̱nze̱tti̱ ki i̱no̱ni̱ cuggo̱k ngati Ye̱su̱ Ki̱ri̱sto̱.

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

I̱bu̱ru̱ 2:7

Anyik i̱nna̱ nonno kize vu̱rru̱t ci anjilonyau; i̱di̱ngdi̱nga̱nnu̱ zin i̱nna̱ nonno kize alaan.

Je̱mi̱s 2:22

Icinntu niga tu̱we̱ne̱t cinne ki bunnat ki i̱rrke̱ne̱t ming a̱li̱ngli̱ng nga̱to̱de̱, idimane tu̱we̱ne̱t ke̱le̱zzo̱ gi̱i̱ye̱ ci u̱tu̱gu̱ enne.

Je̱mi̱s 3:13

Ming anyak e̱e̱ti̱ imma genyiz kar ka̱gga̱ zoz orgene cunno̱ng, anyik nonno ki̱ye̱la̱ baize cinne abunna ko̱, go̱o̱le̱ ci ogone enne kaal zinine ci alali a̱kku̱ genyiza.

1 Peturu 1:7

A̱vvu̱ kaala ne̱k gerzek ko̱ kar tu̱we̱ne̱t cunno̱ng kize de̱de̱ kommog zu̱rte̱ni̱t ci een dhahab, ci gon ozolo ming aartik ol gwo̱o̱. I̱ye̱la̱ wo̱ye̱ zoz ci een de̱de̱ kar ol kinnatit, anyaha di̱ngdi̱nga̱ni̱ne̱t ki to̱ngo̱o̱li̱ne̱t ming okko Ye̱su̱ Ki̱ri̱sto̱ obodak lo̱o̱c.

1 Peturu 5:4

Kar ming okko Ki̱ri̱sto̱ alaani wa tuwayowu oboda, okko atin enne a̱a̱nyu̱ng alaanzet ci atin iróng ti̱ri̱ze̱ne̱t ki de̱ti̱ne̱t cinne aṯurneke.