Roma 16:7 - Tennet

⁷ Izayeang e̱e̱t ci een Andronikas ki ngaa cinne Junias, ol wak Ya̱u̱do̱ balik kecebina bu̱k lagama. A̱gga̱ye̱ nege li̱ngli̱ngo̱nte̱ ci Ki̱ri̱sto̱ oroot orgene ci to̱ni̱a̱u̱, elemtta nege ba̱li̱ye̱ Ki̱ri̱sto̱ tu̱we̱nta̱ oowa ngatinanni.

Roma 16:7 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 14:20

A̱gga̱yyu̱ atin niga wazin neci ming kodowina anna ki Baba, kar zin bo̱do̱k niga o̱do̱ye̱ ki annita.

Kaviyak wak Abunna Ta̱mu̱ta̱dde̱no̱ eher Joni 15:2

Aizek enne alawo wak iróng a̱a̱ri̱ o̱ya̱u̱ tu̱, imma alawo wak a̱a̱ri̱, a̱vi̱l kar ki̱bbi̱re̱to̱ ju̱rru̱m.

Kaviyak wak Abunna Ta̱mu̱ta̱dde̱no̱ eher Joni 6:56

Ming adak e̱e̱ti̱ ele cinanni kar bo̱do̱k kuud bi̱ye̱ cigannik, karumena ki nonno.

Roma 16:10

Izayeang Apelles wa anyak genyiz tu̱we̱nta̱ anime no̱ngi̱tto̱n zo̱ze̱ ci Ki̱ri̱sto̱. Izayeang ol cik ce̱e̱z ci Aristobulos, kiza anna nogo do̱o̱k.

Roma 16:11

Izayeang Herodion wa een boorit cinanni ko̱. Izayeang bo̱do̱k ol wak a̱tu̱ Manyi ce̱e̱ze̱ ci Narcissusi.

Roma 16:21

Izayung Ti̱mo̱te̱yo̱ wa ka̱li̱ngli̱ngnya̱ bu̱k ko̱. Izayung bo̱do̱k ol wagannik een Ya̱u̱d, Lucius ki Jason ki Sosipater.

Roma 16:3

Izayeang Priscilla ki mac cinne Akuila balik ka̱li̱ngli̱ngnya̱ ki nogo nga̱to̱de̱ zo̱ze̱ ci Ye̱su̱ Ki̱ri̱sto̱ bu̱k ke̱.

Roma 16:6

Izayeang Ma̱ri̱ya̱ wa bali a̱li̱ngli̱nge̱kku̱ng oroot ko̱.

Roma 16:8

Izayeang goona Ampliatus wa kirezi anna tu̱we̱nte̱ ci anyak enne ngati Manyi.

Roma 16:9

Izayeang Urbanos wa ka̱li̱ngli̱ngnya̱ ki nonno nga̱to̱de̱ zoz ci Manyi Ki̱ri̱sto̱. Izayeang bo̱do̱k goona ci zinino Stachys.

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

Roma 8:11

Imma Vongizi ci Ta̱mu̱ta̱dde̱no̱ bali ingane Ye̱su̱ daiza abak ngatinno̱ng do̱o̱k, nonno ci ingane Ki̱ri̱sto̱ daiza, a̱a̱nyu̱ng atin enne baiz ci een jor e̱le̱tti̱ne̱ cik daizak ko̱, Vongize cinne.

Roma 9:3

Korongi wo̱ye̱ anna Ta̱mu̱ta̱dde̱n kotoran kar kengertowa ki Ki̱ri̱sto̱, ming een annit ci kalami ol cigannik Israilo ngati arubane ti̱ri̱ze̱ne̱t ci Ki̱ri̱sto̱. Aburka atin Ta̱mu̱ta̱dde̱n nogo kizeto dooli ciginnek; een di̱ngdi̱nga̱ni̱ne̱t ci Ta̱mu̱ta̱dde̱no̱ cinne̱ng, ki olom ci ogon Ta̱mu̱ta̱dde̱n ki e̱e̱t ci diiri, ki lo̱ti̱nno̱k balik eher Musesi, ki Ce̱e̱z wa Ta̱mu̱ta̱dde̱no̱ zoz ci u̱du̱wa̱ Ta̱mu̱ta̱dde̱n.

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

2 Ko̱ri̱nto̱ 11:23

E̱e̱ggi̱n nege de̱de̱ to̱ni̱a̱k cik Ki̱ri̱sto̱? Ke̱e̱ni̱ anna e̱e̱t ci adaka ngamoni ming kozozi niko ko̱, abarik ka̱li̱ngli̱ngo̱ni̱k nonno kommog nogo do̱o̱k. Ki̱li̱ngli̱nga̱ oroot, a̱ju̱ke̱ka̱ ol lagam lak cik meelek giir zo̱ze̱ ci Ki̱ri̱sto̱. Ki̱bi̱ce̱ a̱lle̱ne̱ kize daizoit.

2 Ko̱ri̱nto̱ 12:2

Anyak e̱e̱t imma ci a̱tu̱ Ye̱su̱ Ki̱ri̱sto̱, ja ku̱du̱wa̱u̱ng zoz cinne, okkoye Manyi Ye̱su̱ nonno rok ta̱mu̱-keng, ngati aave Ta̱mu̱ta̱dde̱n, edeca zoz necu e̱rki̱nya̱ omoto ki we̱c. Iróng ka̱gga̱ ming okkoye ele cinne icima vongiz. Ta̱mu̱ta̱dde̱n do̱ niko ci a̱gga̱.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Ga̱la̱ti̱a̱ 1:22

I̱llo̱i̱ rok e̱e̱t co̱de̱ olle ne̱k ala Ta̱mu̱ta̱dde̱n ke̱le̱ci̱a̱nya̱i̱ cik Ju̱de̱ya̱ ko̱ ci a̱tu̱ Ye̱su̱ Ki̱ri̱sto̱.

Ga̱la̱ti̱a̱ 2:2

Kokko rok orog neci eci Ta̱mu̱ta̱dde̱n i̱ye̱le̱ya̱ annit abunna ming kokko. Imma bali nginati, kurumtowa ki lo̱ddi̱ki̱re̱ cik ol wak a̱tu̱ Ye̱su̱ lo̱mu̱k, kar koobek nogo kaviyak cik abunna kiwagon kuwahek ol wak iróng een Ya̱u̱d do̱o̱k ko̱. Kogonni zoz necu niko ko̱ gerza ming amurya de̱mzi̱ne̱t necu.

Ga̱la̱ti̱a̱ 2:6

Imma Jerusalema, anyak alaat wak riilik Ce̱e̱ze̱ wa Ta̱mu̱ta̱dde̱no̱, i̱llo̱i̱ wo̱ye̱ gi̱i̱ imma ci otornik nege de̱mzi̱ne̱t cinanni ko̱, eci ol do̱o̱k atubo ngu̱me̱ ci Ta̱mu̱ta̱dde̱no̱.

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Ga̱la̱ti̱a̱ 6:15

Icu zoz imma, ming etted e̱e̱ti̱ wucic vi̱ca̱vi̱ca̱ icima iróng ettedi, iróng ogon gi̱i̱ imma. Abarik zoz ci riili do̱o̱k icu, abunna ming anyak e̱e̱ti̱ baiz ci cuulai.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Kolosiya 4:10

I̱tto̱na̱kku̱ng zin bo̱do̱k e̱e̱ti̱ ci een Aristarkas wa kecebina ki annit ko̱ bu̱k zawinet cinne, izayung e̱e̱ti̱ ci een Marko bu̱k, een enne ngerrti a̱zi̱ti̱ Barnabasi. Ki̱lo̱te̱u̱ng ba̱li̱ye̱ zoz cinne; ming i̱ki̱ya̱u̱ng, a̱gga̱mtta̱ nonno.

Vilomene 1:23

I̱tto̱na̱ zin e̱e̱ti̱ ci een zara Epaphras zawinet cinne, nonno ci kecebina bu̱k zo̱ze̱ ci kuwaheka ol kaviyak cik Ki̱ri̱sto̱ Ye̱su̱.

1 Jon 4:13

Ka̱gga̱ kabak naga zo̱ze̱ ci Ta̱mu̱ta̱dde̱no̱, kar bo̱do̱k enne ka̱vvu̱ ngatinna, eci enne aanyet Vongiz cinne a̱li̱le̱.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.