Roma 16:5 - Tennet

⁵ Izzac goona ci een Epenetus, bali elema Ki̱ri̱sto̱ lo̱o̱ce̱ ci een Asia ko̱. Izayeang goona Epenetus, wa bali elema Ta̱mu̱ta̱dde̱n oowa lo̱o̱ce̱ ci een Asia.

Roma 16:5 ပူးပေါင်းရင်းမြစ်များ

Ma̱te̱yo̱ 18:20

Eci ming alute ol cik een rama icima i̱i̱yo̱ zo̱ze̱ ci zar cigannik, kaave anna orgene cinne̱ng.”

Buk wa To̱ni̱a̱u̱ 16:6

Eronit Pa̱u̱lo̱ ki Silas ki Ti̱mo̱te̱yo̱, iyok nege lo̱o̱ce̱ ci Phrygia ki Ga̱la̱ti̱a̱, eci Vongizi ci A̱li̱le̱ a̱nne̱k nogo ne, ma anyik nogo kuwaktek zoz ci Ye̱su̱ lo̱o̱c ci Asia.

Buk wa To̱ni̱a̱u̱ 18:12

Baling ize Gallio ddi̱ki̱ryo̱i̱t ci gaala ci lo̱o̱c ci een zara Achaia, urumte olli Ya̱u̱do̱ nga̱to̱de̱ kar ka̱gga̱mi̱t Pa̱u̱lo̱ kar kanyaktak lo̱ki̱ko̱.

Buk wa To̱ni̱a̱u̱ 18:27

Baling orong Apollos kuk Achaiakte, atalit ol wak a̱tu̱we̱ kar zin keteherit waraga ci aanyik nuyak kar abunna ivata Apollos. Ming okko Apollos arawa, ize enne ma̱yu̱we̱ne̱t ngati ol wak a̱tu̱we̱ zo̱ze̱ ci deten ci Ta̱mu̱ta̱dde̱no̱.

Buk wa To̱ni̱a̱u̱ 2:9

Ke̱e̱ggi̱n naga ol cik a̱vvu̱ lo̱o̱co̱we̱ ciko, Parthians, Medes, Elamites, Mesopotamia, Ju̱de̱ya̱, Cappadocia, Pontus, Asia,

Roma 11:16

Ming aanyik ol a̱vu̱ca̱c ci ngen e̱e̱ti̱ imma katar ki̱li̱li̱, a̱li̱le̱ zin merte do̱o̱k; ming a̱li̱le̱ egero cik keetak, a̱li̱le̱ alawo do̱o̱k.

Roma 15:26

Oowa ol cik a̱tu̱we̱ lo̱o̱co̱we̱ cik Macedonia ki Achaia kaal cik i̱tto̱ni̱k ol wak a̱tu̱we̱ amati Jerusalema.

Roma 16:12

Izayeang Tryphena ki Tryphosa, ngaai wak gon a̱li̱ngli̱ng oroot zo̱ze̱ ci Ta̱mu̱ta̱dde̱no̱ ko̱. Izayeang goona ci zinino, Persis, ngaa bali a̱li̱ngli̱ng oroot zo̱ze̱ ci Manyi.

Roma 16:4

Abazai ba̱li̱ye̱ baizi cinne̱ng zo̱ze̱ cinanni. Iróng een annit do̱ ci kanyike nogo zany eci eeltawang, anyike olli ke̱le̱ci̱a̱k ki ol cik iróng een Ya̱u̱d bu̱k nogo zany.

Roma 16:6

Izayeang Ma̱ri̱ya̱ wa bali a̱li̱ngli̱nge̱kku̱ng oroot ko̱.

Roma 16:8

Izayeang goona Ampliatus wa kirezi anna tu̱we̱nte̱ ci anyak enne ngati Manyi.

1 Ko̱ri̱nto̱ 16:15

Abunna ming a̱gga̱yyu̱ Stephanas ki dooli ciginnek arrak cik elemi zoz ci Ta̱mu̱ta̱dde̱no̱ o̱rge̱ ci een Achaia, kar zin kaarttek zi̱nze̱tti̱ li̱ngli̱ngo̱n ci eelanne nege olli Ta̱mu̱ta̱dde̱no̱. Kilalekkung gotonogga ki ngonogga tu̱we̱nta̱,

1 Ko̱ri̱nto̱ 16:19

Izayung zin ol wak a̱tu̱we̱ do̱o̱k lo̱o̱ce̱ ci een Asia. I̱tto̱na̱ zin bo̱do̱k Akuila ki ngaa cinne Priscilla ki ol wak a̱tu̱we̱ alute ce̱e̱ze̱ cinne̱ng ming ovvo nege ala Ta̱mu̱ta̱dde̱n ko̱ zawinet, izayung zin zare cik Manyi Ye̱su̱.

2 Ko̱ri̱nto̱ 1:1

Annita Pa̱u̱lo̱ ci bali atahala Ta̱mu̱ta̱dde̱n kize to̱ni̱a̱t ci Ye̱su̱ Ki̱ri̱sto̱, kar ki̱li̱ngli̱ng zoz cinne, keheri waraga cu ki Ti̱mo̱te̱yo̱ wa een gotonet tu̱we̱nta̱. Keherika waraga cu ol wak ke̱le̱ci̱a̱k o̱rge̱ ci een Ko̱ri̱nto̱, ki ol wak a̱tu̱ zoz ci Ta̱mu̱ta̱dde̱no̱ lo̱o̱ce̱ ci Achaia.

2 Ko̱ri̱nto̱ 9:2

Ka̱gga̱ anyakku zi̱nze̱tti̱ cik orongnyu de̱de̱ eelta nogo. Kanattung anna oroot ngati ka̱du̱wa̱ke̱ olli Ta̱mu̱ta̱dde̱no̱ lo̱o̱c ci Macedonia zoz ci azi ne, ovvo gotonoggeta tu̱we̱nta̱ rok lo̱o̱c ci een Achaia, ovvo aanyik muci ol wak amati e̱rki̱t necu. Aanyik zin leminet ci anyikku niga ol muci ko̱ nogo koowec muci cinne̱ng bu̱k.

Kolosiya 4:15

Izayeang annit bu̱k gotonogget tu̱we̱nta̱ wak abak o̱rge̱ ci een Laodicea, ki ngoonet tu̱we̱nta̱ ci een zara Nympha ki olli ke̱le̱ci̱o̱ a̱tu̱we̱ alaye gon ce̱e̱ze̱ cinne ko̱.

Vilomene 1:2

Keherika bo̱do̱k ngoonet tu̱we̱nta̱ een zara Apphia, ki gotonet Arkipas wagon a̱li̱ngli̱ng zoz ci Ta̱mu̱ta̱dde̱no̱ bu̱k ko̱, ki ol wak a̱tu̱we̱ ke̱le̱ci̱a̱k gon alute ce̱e̱ze̱ cunne ala Ta̱mu̱ta̱dde̱n ko̱.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

3 Jon 1:1

Ngati ddi̱ki̱ryo̱i̱t ci ke̱le̱ci̱o̱. Keherik anna waraga cu goona wa zinino een zara Gaius, kirezi anna nonno zo̱ze̱ wa een de̱de̱.

O̱no̱zzo̱k 14:4

E̱e̱ggi̱n ne̱ko̱ ol cik iróng a̱wu̱l e̱le̱tti̱ ngaane, eci azunne e̱le̱tti̱ cigge̱k kizeto caale ne paz. Annu nege Nyoon rok nginti okkoye enne. Ataltai nege arrak oowa orgene ci ol cik diirik kar kanycozik nogo kizeto cik Ta̱mu̱ta̱dde̱no̱ ki ci Nyoono, kar nege kizeto ol cik riilik lo̱o̱ta̱ ngatu.