Roma 16:2 - Tennet

² Ming okko enne arawanung, a̱gga̱mtta̱ nonno ju̱rru̱m kiwagon ming a̱gga̱m ol wak a̱tu̱we̱ e̱re̱nno̱i̱t cinne̱ng zare cik Manyi. Eelta nonno kaale cik orong enne, eci enne gon eela ol cik meelek giir, rok annit bu̱k.

Roma 16:2 ပူးပေါင်းရင်းမြစ်များ

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Buk wa To̱ni̱a̱u̱ 9:13

O̱bo̱de̱k zin Ananiyasi nonno, “Manyi, kiziya anna zoz ci obod ki e̱e̱t cu ki kaal cik gerzek u̱tu̱gu̱we̱k enne nuyak cigunnek Jerusalema.

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

Buk wa To̱ni̱a̱u̱ 9:36

Anyak nuyait imma ci nga̱a̱ye̱ een zara Tabita, azi keng cik zar ciginnek ne Dorkas, a̱kku̱ enne o̱rge̱ ci een zara Joppa, ogon da̱ gon kaal cik abunna kar bo̱do̱k keela ol wak amati.

Buk wa To̱ni̱a̱u̱ 9:39

I̱mi̱rrte̱ Peturu oot ki nogo, baling okko enne azuca, o̱o̱tte̱ ol nonno ca̱a̱to̱. Ibilet ngaai wak boyek do̱o̱k aburuk nonno, a̱lu̱ kar ki̱ye̱lte̱k nonno ru̱u̱ma̱ni̱ balik adiman Dorkasi bali ngen aruge aavtte ki nogo ke̱.

Buk wa To̱ni̱a̱u̱ 9:41

Eela Peturu nonno kitinga je̱e̱na̱. Utu zin enne ol wak a̱tu̱we̱, ki ngaai cik boyek kar zin ki̱ye̱le̱k nogo Dorkas ming aruge.

Roma 15:7

Abunna kelemi e̱le̱tti̱ cigga̱c, ki bali ming elemnyi i̱nne̱t Ki̱ri̱sto̱ ke̱, kar ol do̱o̱k kinnatit Ta̱mu̱ta̱dde̱n.

Roma 16:15

Izzac Philologus, Julia, Nereus ki ngooni, ki Olyampas ki ol do̱o̱k wak a̱tu̱we̱ arume ki nogo ko̱.

Roma 16:23

I̱tto̱na̱kku̱ng e̱e̱ti̱ ci een Gaius zawinet cinne, een enne e̱e̱t ci abunna, kabai ba̱li̱ye̱ ce̱e̱ze̱ cinne, aanyet enne da̱i̱ne̱t ki olli ke̱le̱ci̱o̱. Okko e̱e̱ti̱ ci een Erastus wa a̱ddi̱ki̱rne̱ li̱ngli̱ngo̱n ci o̱rgu̱, i̱tto̱na̱ zin enne zawinet cinne. Izayung bo̱do̱k oroot gotoneti wa tu̱we̱nto̱ een zara Guartus.

Roma 16:6

Izayeang Ma̱ri̱ya̱ wa bali a̱li̱ngli̱nge̱kku̱ng oroot ko̱.

Roma 16:9

Izayeang Urbanos wa ka̱li̱ngli̱ngnya̱ ki nonno nga̱to̱de̱ zoz ci Manyi Ki̱ri̱sto̱. Izayeang bo̱do̱k goona ci zinino Stachys.

Evesos 5:3

Ma oweku e̱le̱tti̱ ngoot kar ol kozozit zoz ci azi ne, e̱e̱ggi̱nnu̱ niga ol cik een a̱li̱ya̱k, icima ol cik gerzek, icima ol cik a̱ppi̱nte̱k zi̱nze̱tti̱ eci izetu niga ol cik Ta̱mu̱ta̱dde̱no̱.

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Vilipia 2:29

I̱va̱tta̱ nonno ju̱rru̱m kiwagon gotoneti ci aave zo̱ze̱ ci Ki̱ri̱sto̱, u̱tu̱gu̱z nonno kiwagon e̱e̱ti̱ ci a̱tu̱ zoz ci Manyi.

Kolosiya 4:10

I̱tto̱na̱kku̱ng zin bo̱do̱k e̱e̱ti̱ ci een Aristarkas wa kecebina ki annit ko̱ bu̱k zawinet cinne, izayung e̱e̱ti̱ ci een Marko bu̱k, een enne ngerrti a̱zi̱ti̱ Barnabasi. Ki̱lo̱te̱u̱ng ba̱li̱ye̱ zoz cinne; ming i̱ki̱ya̱u̱ng, a̱gga̱mtta̱ nonno.

1 Ti̱mo̱te̱yo̱ 2:10

Abunna ngaai wak ala Ta̱mu̱ta̱dde̱n ming eela ol.

2 Ti̱mo̱te̱yo̱ 1:18

Anyik Manyi bai ka̱mu̱yu̱k Onesiphorus kar kuruba eezet ming okko Manyi Ye̱su̱ obodak lo̱o̱c. A̱gga̱ ri̱t i̱nna̱ bu̱k eelawa enne go̱o̱lo̱we̱ cik meelek lo̱o̱ce̱ ci Ephesusi.

Ti̱to̱ 2:3

Ti̱lo̱ bo̱do̱k ngaai wak a̱ddi̱ki̱re̱ bu̱k kar kabaito baiz wa ngaai cik elemtta Ta̱mu̱ta̱dde̱n. Gerza ming omomot ol volonga, gerza ming een bba̱kco̱k. Abarik abunna ming edemez ol kaal cik abunna.

Vilomene 1:12

Ming nu̱nu̱n kirezi anna Onesimos oroot, ki̱tto̱na̱ki̱ zin anna nonno kobodain.

Vilomene 1:17

I̱yo̱ko̱ zin, ming a̱gga̱ i̱nna̱ ke̱e̱ni̱ anna goonu ci ka̱li̱ngli̱ng bu̱k, gga̱ma̱ nonno ki ming a̱gga̱ma̱na̱ i̱nna̱ annit ce̱e̱ze̱ cunne.

2 Jon 1:10

Ming a̱kku̱ e̱e̱ti̱ imma ci iróng azunne de̱mzi̱ne̱t ci Ki̱ri̱sto̱, ma elemnyyu nonno ce̱e̱zi̱nne̱ cuggo̱k, kar bo̱do̱k ma izayu nonno.