Roma 16:18 - Tennet

¹⁸ Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Roma 16:18 ပူးပေါင်းရင်းမြစ်များ

Ma̱te̱yo̱ 24:11

A̱vvu̱ atin a̱ri̱tto̱wa̱ cik meelek volongak, ovvo a̱ddu̱t ol cik meelek.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 6:24

“Iróng zin e̱e̱ti̱ co̱de̱ a̱li̱ngli̱nge̱k ol rama lak co̱de̱. Ogon ki i̱yo̱ko̱, icima abure co̱de̱ kar kirez co̱de̱. Arike wo̱ye̱ enne co̱de̱ zinin, kar kebezbezan co̱de̱. Iróng wo̱ye̱ niga a̱li̱ngli̱ngnyu̱ kaal rama, Ta̱mu̱ta̱dde̱n ki zoz ci o̱ro̱bi̱ya̱u̱.

Ma̱te̱yo̱ 7:15

“Igenyit zo̱ze̱ ci a̱ri̱tto̱k wak een volongnyok. A̱vvu̱na̱kku̱ng nege gunune ogon ki i̱yo̱ko̱ a̱zza̱ ko̱, imma zi̱nze̱tti̱ ogon ki i̱yo̱ko̱ u̱du̱ma̱na̱ ko̱.

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Roma 14:18

Eci ming a̱li̱ngli̱nge̱k e̱e̱ti̱ Ki̱ri̱sto̱ go̱o̱le̱ necu, atalne atin Ta̱mu̱ta̱dde̱n kar ol bu̱k kelemtain.

Roma 16:19

Iziyyet ol wak a̱tu̱we̱ do̱o̱k zoz ci azunnu niga zoz ci Ta̱mu̱ta̱dde̱no̱, katalne zin anna oroot ngatinno̱ng zo̱ze̱ necu; abarik korongnyung abunna ming egenyyu zo̱ze̱ ci een de̱de̱, abunna bo̱do̱k ming edewannu e̱le̱tti̱ zo̱ze̱ ci gerze.

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

Ga̱la̱ti̱a̱ 1:10

Iróng anna ke̱e̱ni̱ e̱e̱t ci ka̱ru̱we̱k ol do̱ldo̱l. Korongi ki̱li̱ngli̱nge̱k Ta̱mu̱ta̱dde̱n do̱ niko. Ming kuwahek ol kaviyak cik orong nege do̱ niko, iróng wo̱ye̱ anna ke̱e̱ni̱ du̱ca̱i̱t ci Ki̱ri̱sto̱.

Vilipia 2:21

Eci ol do̱o̱k acin li̱ngli̱ngo̱no̱k cigge̱k, iróng een li̱ngli̱ngo̱n ci Ye̱su̱ Ki̱ri̱sto̱.

Vilipia 3:19

Ovvo ol ne̱k iróng azikne ko̱ een baizi cinne̱ng li̱be̱ne̱t, irez nege ke̱ngti̱ cigge̱k, odong abarik e̱le̱tti̱ ci iróng adak a̱li̱ya̱ni̱ nogo, i̱no̱n nege kaal cik lo̱o̱c cu do̱ niko.

Kolosiya 2:4

Ka̱du̱wa̱kku̱ng zoz neci abunna iróng e̱e̱ti̱ imma alabanung zo̱ze̱ ci a̱lu̱te̱ nege ol dangonte ci okkomi.

Kolosiya 3:24

Ki i̱yo̱ko̱ ming a̱gga̱yyu̱ niga ko̱ ovvo atin niga amudannu kaal cik aragizu ngati Manyi, a̱li̱ngli̱ngngo̱ni̱kku̱ zin niga Manyi Ki̱ri̱sto̱, abunna ming a̱gga̱yyu̱ okko atin enne amuccu̱ng.

2 Te̱se̱lo̱ni̱ka̱ 2:10

ki kaale cik mu̱nye̱nu̱ a̱lu̱te̱ ol cik ovvo daiza. A̱da̱i̱ nege eci utuburet rezinet zoz ci een de̱de̱ kar zin nege ku̱mu̱dda̱ ti̱ri̱ze̱ne̱t.

1 Ti̱mo̱te̱yo̱ 6:5

anyaha ol wak e̱e̱ggi̱n giilcak dango ki̱zzi̱ zoz ci een de̱de̱. I̱no̱n ol ne̱ke̱ azi ne, okko e̱e̱ti̱ een bo̱to̱ro̱c go̱o̱le̱ ci annuwe enne Ta̱mu̱ta̱dde̱n.

Je̱mi̱s 1:1

Annita Je̱mi̱s wa ke̱e̱ni̱ du̱ca̱i̱t ci Ta̱mu̱ta̱dde̱no̱ ki Manyi Ye̱su̱ Ki̱ri̱sto̱ ko̱ ele nenen ci keheri waraga cu. Keherakkung anna waraga cu i̱ge̱t booryyok wak e̱e̱ggi̱n omoto ki rama, wak azzanonik lo̱o̱cco̱k do̱o̱k. Kizzayung i̱ge̱t veelek zare cik Manyi Ye̱su̱ Ki̱ri̱sto̱.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

Ju̱da̱ 1:1

Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.

Ju̱da̱ 1:12

Imma ol ne̱k gon ogon kaal cik een a̱li̱ya̱n ngati ozolinu niga ki nogo kwo̱o̱ra̱, ming adainu bu̱k, adakce nege tolongou, orong kadaizet e̱le̱tti̱ cigge̱k do̱ niko. Ogon nege kiwagon di̱i̱zwa̱na̱ cik odonga ngooti, iróng zin aṯile; ogon bo̱do̱k ki keena cik tagizak, i̱llo̱i̱ rok varany ki o̱ya̱u̱, adayai egeroi do̱o̱k lai.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,