Roma 15:8 - Tennet

⁸ Ka̱du̱wa̱kku̱ng a̱kku̱ bali Ki̱ri̱sto̱ kar ki̱ki̱ya̱ kize du̱ca̱i̱t ci a̱li̱ngli̱nge̱k olli Ya̱u̱do̱, go̱o̱le̱ ci i̱ye̱le̱ke̱ nogo zoz ci een de̱de̱ Ta̱mu̱ta̱dde̱no̱ bali u̱du̱wa̱k enne ji̱ji̱ti̱gge̱k ke̱,

Roma 15:8 ပူးပေါင်းရင်းမြစ်များ

Ma̱te̱yo̱ 15:24

Ize zin Ye̱su̱ ne, “I̱tto̱na̱na̱ Ta̱mu̱ta̱dde̱n abunna keela ol cik Israilo wak ogon ki a̱zza̱ wak i̱zze̱c.”

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Kaviyak wak Abunna Ta̱mu̱ta̱dde̱no̱ eher Joni 1:11

A̱kku̱nna̱k enne lo̱o̱c neci een cinne ke̱, iróng zin ol waginnek elemi nonno.

Kaviyak wak Abunna Ta̱mu̱ta̱dde̱no̱ eher Joni 10:16

Kanyai eeza u̱gge̱ cik iróng e̱e̱ggi̱n cik bo̱ngi̱t cu. Korongi kanyaha nogo bu̱k bo̱ngi̱t cu. Aziye atin nege bu̱k muluk cinanni kar kurumte nga̱to̱de̱ kar bo̱do̱k kodowe tuwayoiti.

Buk wa To̱ni̱a̱u̱ 13:46

O̱bo̱dde̱k zin bo̱do̱k Pa̱u̱lo̱ ki Barnabas mazeta: Korongnya arrak naga ku̱du̱ktta̱u̱ng i̱ge̱t zoz ci Ta̱mu̱ta̱dde̱no̱. Ma i̱yo̱ko̱ ming aburnnu ko̱, i̱ye̱la̱ zoz necu azi ne, iróng niga orongnyu baiz wa aave udut, kovvo zin naga kuwaheka ol cik iróng e̱e̱ggi̱n Ya̱u̱d.

Roma 11:22

Ka̱gga̱ zin naga anyak Ta̱mu̱ta̱dde̱n zinin ci alali, kar bo̱do̱k gon kutubur nong. Abure nong oroot ngati olli Ya̱u̱do̱ wak iróng a̱tu̱we̱, okko alalnek ol wak iróng een Ya̱u̱d wak a̱tu̱we̱. Ming iróng niga odolnannu tu̱we̱nta̱, aburnnung atin enne i̱ge̱t bu̱k.

Roma 11:30

Anyak i̱i̱te̱n imma ba̱li̱ye̱ ci aburnnu niga ol cik iróng een Ya̱u̱d zoz ci Ta̱mu̱ta̱dde̱no̱, imma i̱yo̱ko̱ urubtau niga deten eci utuburet nege zoz cinne.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

Roma 3:26

I̱ye̱la̱i̱ zin bo̱do̱k zoz necu i̱yo̱ko̱ abunna Ta̱mu̱ta̱dde̱n, eci enne aanyik e̱e̱t imma ci a̱tu̱ zoz ci Ye̱su̱ kubunna, zoz zin ci ka̱gga̱we̱ abunna Ta̱mu̱ta̱dde̱n ko̱ neci.

Roma 3:3

“Anyak ol u̱gge̱ cik meelek ngatinne̱ng wak iróng a̱tu̱ kaviyak ne̱ke̱. Azi ungec ci zoz necu ne iróng zin ngen karike zi̱nze̱tti̱ Ta̱mu̱ta̱dde̱n, iróng zin Ta̱mu̱ta̱dde̱n ngen azunne zoz bali u̱du̱wa̱ enne ke̱?

Roma 4:16

U̱du̱wa̱ Ta̱mu̱ta̱dde̱n, a̱mu̱yu̱k atin enne ol wak a̱tu̱ nonno, eci enne i̱i̱rke̱, anyak deten, irez ol, iróng een zo̱ze̱ ci azunne nege lo̱ti̱nno̱k. Ming anyak e̱e̱ti̱ tu̱we̱ne̱t ki ci Aburahami, a̱mu̱yu̱k atin Manyi nonno, iróng een ol wak azunne lo̱ti̱nno̱k do̱, abarik ki ol wak a̱tu̱ Ta̱mu̱ta̱dde̱n ki Aburahami, wa een be̱e̱ti̱nna̱ tu̱we̱nta̱.

1 Ko̱ri̱nto̱ 1:12

Kazi ne, azi keng ci zozo ne: Azi e̱e̱ti̱ co̱de̱ ngatinno̱ng ne, “Kanu anna Pa̱u̱lo̱”; okko imma azi ne, “Kanu anna Apollos”; okko imma azi ne, “Kanu anna Cephas”; okko imma azi ne, “Kanu anna Ki̱ri̱sto̱.”

1 Ko̱ri̱nto̱ 10:19

A̱gga̱yyu̱ niga kazi anna ne iróng to̱do̱yo̱wa̱ ne̱k adimanai azzine ko̱ e̱e̱ggi̱n ta̱mu̱ta̱dde̱ne̱t de̱de̱.

1 Ko̱ri̱nto̱ 10:29

Abunna ming ungneku niga i̱di̱ng neci lo̱o̱c. Iróng een zo̱ze̱ ci o̱ngo̱o̱li̱nnu̱ niga zi̱nze̱tti̱nne̱ ciggo̱k, abarik utungtek i̱di̱ng neci lo̱o̱c zo̱ze̱ ci obod ki nonno. I̱yo̱ko̱ zin, nya ming ettedeka e̱e̱ti̱ lo̱ki̱ko̱ zo̱ze̱ ci e̱e̱t ci anyak ngo̱li̱ne̱t zinine cinne ko̱?

1 Ko̱ri̱nto̱ 15:50

Gotonogga ki ngonogga tu̱we̱nta̱, ka̱du̱wa̱kku̱ng zoz ci e̱le̱tti̱ cik kanyak naga lo̱o̱ta̱ ngatu ko̱, iróng atin aragiz ba̱a̱li̱ne̱t ci Ta̱mu̱ta̱dde̱no̱, ovvo e̱le̱tti̱ cik lo̱o̱tu̱ a̱da̱i̱ atin ko̱, i̱llo̱i̱ nogo ngin imma rugete ci aave udut.

2 Ko̱ri̱nto̱ 1:20

U̱du̱wa̱ Ye̱su̱ zo̱zzo̱k cik Ta̱mu̱ta̱dde̱no̱ do̱o̱k een de̱de̱. Ka̱di̱ngdi̱nga̱n zin gon naga nonno ngati ka̱nne̱ke̱ ne Amin.

Evesos 2:12

Imma e̱rki̱te̱ neci, iróng niga a̱gga̱yyu̱ zoz ci obod ki Ki̱ri̱sto̱. E̱e̱ggi̱nnu̱ niga i̱do̱ngi̱ ki olli Israilo ngati olom bali u̱du̱ya̱i̱ ke̱, iróng niga anyakku taban ci aanyik Ta̱mu̱ta̱dde̱n nogo. Abakku ba̱li̱ye̱ niga lo̱o̱ce̱ cu gaganiko, i̱llo̱i̱ zoz ci a̱kku̱ atin, i̱llo̱i̱ rok Ta̱mu̱ta̱dde̱n bu̱k.