Roma 15:30 - Tennet

³⁰ Gotonogga ki ngonogga tu̱we̱nta̱, kilalekkung zare cik Manyitinna Ye̱su̱ Ki̱ri̱sto̱ ki bo̱do̱k rezinte wa a̱kku̱ Vongize ci A̱li̱le̱, abunna ming kozol piryanzet cinanni ki i̱ge̱ta̱, ngati gon alawekkang Ta̱mu̱ta̱dde̱n.

Roma 15:30 ပူးပေါင်းရင်းမြစ်များ

2 Ko̱ri̱nto̱ 1:11

ki i̱yo̱ko̱ ming eelannetu niga ngati alawakket Ta̱mu̱ta̱dde̱n. Ovvo atin ol cik meelek anyike Ta̱mu̱ta̱dde̱n zany zo̱ze̱ ci lawinet cunno̱ng ngatinna̱ng.

2 Ko̱ri̱nto̱ 12:10

Zoz zin ci katalne ko̱ nenen necu ming i̱llo̱i̱ annit komiz nu̱nu̱n, odomnya ol, icima kanyai no̱ngi̱tto̱n cik meelek kar kipira zo̱ze̱ ci Ki̱ri̱sto̱. Eci ming ke̱e̱ni̱ e̱e̱t ci kamuji, aanya atin Ki̱ri̱sto̱ doiz.

2 Ko̱ri̱nto̱ 4:11

Ming ngen karuge nu̱nu̱n, ka̱gga̱ ka̱ru̱we̱ atin eci kedemez zoz ci obod ki Ye̱su̱. Aanyyet Ta̱mu̱ta̱dde̱n kipirta abunna ming acin ol ngen Ye̱su̱ aruge e̱le̱tti̱ne̱ cik atin a̱da̱i̱ ko̱.

2 Ko̱ri̱nto̱ 4:5

Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 6:19

Alayeang gon annit bu̱k Ta̱mu̱ta̱dde̱n kar kaanya enne annit ku̱du̱wa̱ zo̱zzo̱k cik abunna gwo̱o̱nya̱ do̱o̱k ngati kozoze, kar kuwahek mazeta ol do̱o̱k ke̱ngti̱ cik kaviyak cik abunna Ta̱mu̱ta̱dde̱no̱ bali arrak a̱lu̱gnye̱ ke̱.

Vilipia 2:1

Anyaha baizi cunno̱ng ngati Ki̱ri̱sto̱ zoz ci i̱lo̱ttu̱ niga ol de̱de̱? Anyak rezinet cinne zoz ci irezzu niga ol u̱gge̱ de̱de̱? Anyakku niga de̱de̱ wowonet ki Vongiz? Anyakku i̱rrke̱ne̱t zi̱nze̱tti̱nne̱ cuggo̱k de̱de̱?

Kolosiya 1:8

nonno bo̱do̱k ci a̱du̱wa̱kke̱t rezinet ci a̱a̱nyu̱ng Vongiz ci Ta̱mu̱ta̱dde̱no̱.

Kolosiya 2:1

Korongi anna abunna ming a̱gga̱yyu̱ ka̱li̱ngli̱ngi̱ anna kipira zo̱ze̱ cunno̱ng ki ol wak a̱tu̱we̱ abak lo̱o̱ce̱ ci een Laodicea, ki ol cik ngen anna kicin bu̱k.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

1 Te̱se̱lo̱ni̱ka̱ 5:25

Gotonogget tu̱we̱nta̱, alayettu Ta̱mu̱ta̱dde̱n.

2 Te̱se̱lo̱ni̱ka̱ 3:1

Gotonogga wak tu̱we̱nto̱, korongnyung alayettu Ta̱mu̱ta̱dde̱n kar kanyik zoz wa Manyi kuzuca ol u̱gge̱ ataman, ki baling azucanung kar o̱to̱ngo̱o̱ltte̱ zoz cinne ke̱.

2 Ti̱mo̱te̱yo̱ 4:1

Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu: