3 Eci Ki̱ri̱sto̱ eliya ngen ku̱tu̱gu̱ kaal cik anyike nonno katalo do̱, ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱, azi ne, “Eeh Ta̱mu̱ta̱dde̱n, dominet ci odomnyi ol i̱nne̱ta̱, i̱ta̱ha̱ annita bu̱k.”
Ovvo zin atin demezyaha icima nuyaha wak edemez ol ko̱ ogon ki de̱me̱zo̱i̱ti̱. Ovvo bo̱do̱k du̱cca̱ha̱ ogon ki ddi̱ki̱ryo̱i̱ti̱. Ming a̱nne̱k ol manyi ce̱e̱z ne Beelzebub, a̱nne̱k wo̱ye̱ olli ce̱e̱z cinne do̱o̱k ne?
Uk zin enne reena idic niko, kar ku̱lu̱le̱ kicin lo̱o̱c, ala Ta̱mu̱ta̱dde̱n, azi ne, “Baba! Ming elema i̱nna̱ aara uduc ci piryanzeto ngatinanni. Korongi anna zoz cunne ku̱tu̱gu̱we̱ iróng een cinanni.”
Ming azunnu niga lo̱ti̱nno̱k cigannik, odokta niga bu̱k rezinte cinanni, ki i̱yo̱ko̱ ming kazunne anna lo̱ti̱nno̱k wak Baba kar zin kodowa rezinte wainne ko̱.
Ming ngen anna ku̱tu̱gu̱ kaal wak a̱vu̱la̱ ngen e̱e̱ti̱ imma ku̱tu̱gu̱ ke̱ orgene cinne̱ng, iróng wo̱ye̱ da̱ nege a̱gga̱ ming anyak nege mu̱nye̱n. Ma̱i̱je̱ i̱yo̱ko̱ icinnet kaal cik a̱vu̱la̱, kar abarik amartoya annit ki Baba bu̱k.
A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.