Roma 15:26 - Tennet

²⁶ Oowa ol cik a̱tu̱we̱ lo̱o̱co̱we̱ cik Macedonia ki Achaia kaal cik i̱tto̱ni̱k ol wak a̱tu̱we̱ amati Jerusalema.

Roma 15:26 ပူးပေါင်းရင်းမြစ်များ

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Ma̱te̱yo̱ 26:11

Abakku atin gon niga ki ol cik amati odohize, ma̱i̱je̱ anna iróng atin karume ki i̱ge̱t gon ngatu u̱u̱mu̱c.

Lu̱ka̱ 14:13

Abarik ming awak i̱nna̱ ol da̱i̱ne̱t, tuwa ol wak amati ki ol wak ru̱be̱ni̱k ki cik ngoolik,

Lu̱ka̱ 6:20

Egelem zin Ye̱su̱ nuyak ciginnek, ize ne: “U̱mu̱yu̱kte̱u̱ niga wak amanu, eci ba̱a̱li̱ne̱t ci Ta̱mu̱ta̱dde̱no̱ een cunno̱ng.

Buk wa To̱ni̱a̱u̱ 16:12

Imma nginati ko̱o̱tta̱ o̱rge̱ ci een zara Philippi, ngin bali aavtte ol cik een Roma orog ci a̱ddi̱ki̱re̱ aave lo̱o̱ce̱ ci Macedonia. Ka̱vvu̱ta̱ nginati i̱i̱nya̱ u̱gge̱.

Buk wa To̱ni̱a̱u̱ 16:9

Imma bali ba̱a̱l, acin Pa̱u̱lo̱ o̱no̱zo̱we̱ e̱e̱t ci lo̱o̱c ci een zara Macedonia, ilalek nonno, a̱nne̱k ne, “I̱jja̱k Macedonia kar eelaweta.”

Buk wa To̱ni̱a̱u̱ 18:12

Baling ize Gallio ddi̱ki̱ryo̱i̱t ci gaala ci lo̱o̱c ci een zara Achaia, urumte olli Ya̱u̱do̱ nga̱to̱de̱ kar ka̱gga̱mi̱t Pa̱u̱lo̱ kar kanyaktak lo̱ki̱ko̱.

Buk wa To̱ni̱a̱u̱ 19:21

Bali vu̱rrta̱, odola Pa̱u̱lo̱ kuk Jerusalema, iyok eci lo̱o̱c ci Macedonia ki Achaia. Kar zin Pa̱u̱lo̱ kize ne, “Ming kuzuca Jerusalem, korongi anna la̱du̱n kuzuca Roma bu̱k.”

Buk wa To̱ni̱a̱u̱ 9:13

O̱bo̱de̱k zin Ananiyasi nonno, “Manyi, kiziya anna zoz ci obod ki e̱e̱t cu ki kaal cik gerzek u̱tu̱gu̱we̱k enne nuyak cigunnek Jerusalema.

1 Ko̱ri̱nto̱ 16:15

Abunna ming a̱gga̱yyu̱ Stephanas ki dooli ciginnek arrak cik elemi zoz ci Ta̱mu̱ta̱dde̱no̱ o̱rge̱ ci een Achaia, kar zin kaarttek zi̱nze̱tti̱ li̱ngli̱ngo̱n ci eelanne nege olli Ta̱mu̱ta̱dde̱no̱. Kilalekkung gotonogga ki ngonogga tu̱we̱nta̱,

1 Ko̱ri̱nto̱ 16:5

Ming kokko go̱o̱le̱ ci lo̱o̱c ci een zara Macedonia, kokko atin ki̱vo̱na̱nnu̱ng,

2 Ko̱ri̱nto̱ 1:16

Ming okko anna kokko lo̱o̱ce̱ ci een zara Macedonia kar bo̱do̱k ming kokko anna koboda nginati. Kar atin eeltawang o̱ro̱bi̱ya̱i̱ cik kowoye rok lo̱o̱c ci een Ju̱de̱ya̱.

2 Ko̱ri̱nto̱ 11:9

Baling kabak ki i̱ge̱t ke̱, ming i̱zzi̱ gi̱i̱ imma to ngatinanni, iróng anna kalayyung. Anyak de̱de̱ ollik Ta̱mu̱ta̱dde̱no̱ lo̱o̱ce̱ ci Macedonia cik aanyya o̱ro̱bi̱ya̱ cik kadayinne. Iróng zin anna ka̱a̱nyu̱ng elem cinanni i̱ge̱t udut.

2 Ko̱ri̱nto̱ 2:13

ngen annit odoi zinin eci ngen kuruba Ti̱to̱ gotona tu̱we̱nta̱ nginatu. Baling ka̱a̱vu̱ do̱yo̱i̱t, kizzawa ol wak a̱tu̱we̱, kar keronnak lo̱o̱c ci Macedonia.

2 Ko̱ri̱nto̱ 7:5

Baling kutungteya naga lo̱o̱c ci een Macedonia lo̱o̱c ke̱, ipirta e̱le̱tti̱ cigga̱c, i̱vi̱ta̱ zin bo̱do̱k ol a̱gi̱dde̱t agit oroot.

2 Ko̱ri̱nto̱ 9:12

Abunna ming a̱gga̱yyu̱, ming amuci ol cik Ta̱mu̱ta̱dde̱no̱, iróng i̱nna̱ anyike kaal cik orong nege. Een necu gool ci ovvo ol cik meelek aanyik Ta̱mu̱ta̱dde̱n zany.

2 Ko̱ri̱nto̱ 9:2

Ka̱gga̱ anyakku zi̱nze̱tti̱ cik orongnyu de̱de̱ eelta nogo. Kanattung anna oroot ngati ka̱du̱wa̱ke̱ olli Ta̱mu̱ta̱dde̱no̱ lo̱o̱c ci Macedonia zoz ci azi ne, ovvo gotonoggeta tu̱we̱nta̱ rok lo̱o̱c ci een Achaia, ovvo aanyik muci ol wak amati e̱rki̱t necu. Aanyik zin leminet ci anyikku niga ol muci ko̱ nogo koowec muci cinne̱ng bu̱k.

2 Ko̱ri̱nto̱ 9:4

Ming korkortta ki olli Macedonia u̱gge̱ rok i̱ge̱ta̱, abunna ming kamudanna ulutau niga o̱ro̱bi̱ya̱ ne̱ke̱ do̱o̱k. Ming ngen e̱de̱cca̱ lutenet o̱ro̱bi̱ya̱ ne̱ke̱, okko adakket a̱li̱ya̱ni̱, abarik adakkung a̱li̱ya̱ni̱ i̱ge̱t oroot.

Vilipia 4:15

Imma niga olli lo̱o̱c ci Vilipi a̱gga̱yyu̱ ri̱t niga ba̱li̱ye̱ zoz ci kaviyak cik abunna, baling kokko anna kungnek lo̱o̱c ci een zara Macedonia lo̱o̱c, i̱llo̱i̱ ke̱le̱ci̱a̱ co̱de̱ ci amucan, i̱ge̱t do̱ niko cik eelannang kaale.

1 Te̱se̱lo̱ni̱ka̱ 1:7

Izetu ol cik i̱ye̱zzu̱ng ol wak elemtta zoz ci Ta̱mu̱ta̱dde̱no̱ lo̱o̱ce̱ ci een zara Macedonia ki lo̱o̱c ci Achaia do̱o̱k.

1 Te̱se̱lo̱ni̱ka̱ 1:8

Eci a̱tu̱we̱nu̱ niga zo̱ze̱ ci Manyi Ye̱su̱, iróng zin zoz neci atakuza lo̱o̱c ci Macedonia ki ci Achaia do̱, abarik edera lo̱o̱c do̱o̱k zo̱ze̱ ci a̱tu̱yyu̱ niga zoz ci Ta̱mu̱ta̱dde̱no̱, ki̱zzi̱ rok zoz imma ci ka̱du̱wa̱kka̱ nogo.

1 Te̱se̱lo̱ni̱ka̱ 4:10

Irezttu de̱de̱ gotonogget ki ngonogget tu̱we̱nta̱ wak abak lo̱o̱ce̱ ci een Macedonia veelek. Ngen naga kilalekkung dee kar otortek rezinet neci kize a̱ppwa̱.

1 Ti̱mo̱te̱yo̱ 1:3

Ki baling ka̱jji̱nni̱ la̱du̱n i̱i̱ bali kokkoye anna lo̱o̱ce̱ ci een Macedonia ke̱, aave i̱nna̱ o̱rge̱ ci een Ephesus kar gerenyek ol wak edemezek ol wak a̱tu̱we̱ zoz ci een volong.

Vilomene 1:5

eci anna kiziya tu̱we̱ne̱t ci a̱tu̱we̱ i̱nna̱ Manyi Ye̱su̱ ki rezinet ci ireze i̱nna̱ ol cik Ta̱mu̱ta̱dde̱no̱ do̱o̱k.