Roma 15:19 - Tennet

¹⁹ Ku̱tu̱gu̱ra̱ anna nogo kaale cik a̱vu̱la̱ ogon Ye̱su̱ Vongize ci A̱li̱le̱. Kuwaheya nogo kaviyak cik abunna Ki̱ri̱sto̱, kakane Jerusalema kuk rok lo̱o̱c ci een zara Illyricum.

Roma 15:19 ပူးပေါင်းရင်းမြစ်များ

Ma̱te̱yo̱ 12:28

Imma, ming kottoi anna kuulo cik lo̱rye̱nta̱k Vongize ci Ta̱mu̱ta̱dde̱no̱, i̱ki̱ya̱u̱ng zin ba̱a̱li̱ne̱t ci Ta̱mu̱ta̱dde̱no̱ i̱ge̱ta̱.

Kaviyak wak Abunna Ta̱mu̱ta̱dde̱no̱ eher Joni 4:48

Izek Ye̱su̱ nonno ne, “Ming ngen icinnet kaal cik a̱vu̱la̱ ki cik aninung, iróng wo̱ye̱ a̱tu̱we̱nu̱.”

Buk wa To̱ni̱a̱u̱ 1:8

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

Buk wa To̱ni̱a̱u̱ 13:14

Imma Pergakte, oot bo̱do̱k lo̱o̱ce̱ ci Pisidian o̱rge̱ ci een Antiyok. Kar I̱i̱te̱ne̱ wa Yu̱bze̱nto̱ i̱tto̱zzo̱ Ce̱e̱z wa Lawinto kar zin ka̱vvu̱to̱ lo̱o̱ta̱.

Buk wa To̱ni̱a̱u̱ 13:51

U̱tu̱ru̱rta̱ zin nege todowa zone kize neci gi̱i̱ ci i̱ye̱la̱ ming abure nege nong ngatinne̱ng, kar zin nege koot o̱rge̱ ci een zara Iconium.

Buk wa To̱ni̱a̱u̱ 14:10

kar zin kutu nonno, izek ne, “Tinga je̱e̱na̱ zoone cigunnek!” Baling okko e̱e̱ti̱ aziye, itinga je̱e̱na̱ ingoz kar zin koto labak.

Buk wa To̱ni̱a̱u̱ 14:20

Baling ovvo nuyaha abile aburuk nonno, itinga Pa̱u̱lo̱ i̱mi̱re̱ uk orgato. Okko i̱i̱te̱n ci reng, itingazzo enne ki Barnabas oot o̱rge̱ ci een Derbe.

Buk wa To̱ni̱a̱u̱ 14:25

oot uwaktek ol zoz ci Ye̱su̱ o̱rge̱ ci een Perga, kar zin bo̱do̱k ku̱lu̱ce̱ oot o̱rge̱ ci een Attalia.

Buk wa To̱ni̱a̱u̱ 14:6

Iziyyet Pa̱u̱lo̱ ki Barnabas zoz neci kar zin ki̱vi̱re̱t koot lo̱o̱ce̱ ci Lycaonian o̱ro̱gjo̱we̱ cik een zara Lystra ki Derbe ki o̱ro̱gjo̱k ne̱k aburuk ne̱ke̱ do̱o̱k,

Buk wa To̱ni̱a̱u̱ 15:12

Ijjakte ol do̱o̱k li̱i̱m, ngati azzikne nege Pa̱u̱lo̱ ki Barnabas a̱du̱wa̱k nogo kaal cik a̱vu̱la̱ u̱tu̱gu̱we̱k Ta̱mu̱ta̱dde̱n ol cik iróng e̱e̱ggi̱n Ya̱u̱d li̱ngli̱ngo̱ne̱ ci u̱tu̱gu̱zzo̱ nege.

Buk wa To̱ni̱a̱u̱ 16:18

Ozoz enne niko i̱i̱nya̱ cik meelek. U̱u̱c zinin ci Pa̱u̱lo̱ kar kutuhuwe kizek kuuloc ne, “Zare cik Ye̱su̱ Ki̱ri̱sto̱, ka̱du̱wa̱ki̱, iyowa ngati do̱le̱c cu!” Iyowa kuuloci neci ataman niko.

Buk wa To̱ni̱a̱u̱ 17:10

Okko ba̱a̱li̱n neci ele, i̱tto̱ni̱t ol wak a̱tu̱we̱ Pa̱u̱lo̱ ki Silas, koot o̱rge̱ ci een Berea. Baling a̱ra̱yya̱ nege ngin neci, oot Ce̱e̱ze̱ wa Lawinto Ya̱u̱do̱.

Buk wa To̱ni̱a̱u̱ 17:15

Ma̱i̱je̱ ol balik i̱nya̱ma̱n Pa̱u̱lo̱ ke̱, anyakttak nonno orog ci a̱ddi̱ki̱re̱ een Athens kar zin ki̱mi̱rte̱ ki zoz bali a̱du̱wa̱k nogo Pa̱u̱lo̱, a̱nne̱k ne, aanycik Silas ki Ti̱mo̱te̱yo̱ ki̱vi̱ta̱ ataman ngintu.

Buk wa To̱ni̱a̱u̱ 18:1

Bali vu̱rrta̱, utungek Pa̱u̱lo̱ Athens lo̱o̱c kar kuk o̱rge̱ ci een zara Ko̱ri̱nto̱.

Buk wa To̱ni̱a̱u̱ 18:19

Baling a̱ra̱yya̱ orog ci een Ephesus, utungek enne Priscilla ki Akuila ngin neci. Uk enne Ce̱e̱ze̱ wa Lawinto kar kozozek olli Ya̱u̱do̱ zoz ci Ye̱su̱.

Buk wa To̱ni̱a̱u̱ 19:1

Baling ngen Apollos aave o̱rge̱ ci een Ko̱ri̱nto̱, eron Pa̱u̱lo̱ lo̱o̱co̱we̱ kuk kuzuca orog ci Ephesusi. Uk uruba nginati nuyak u̱gge̱

Buk wa To̱ni̱a̱u̱ 20:20

ka̱du̱wa̱kku̱ng zoz ci een de̱de̱ odohize zu̱wa̱ ki bo̱do̱k ce̱e̱zi̱nne̱ ciggo̱k.

Buk wa To̱ni̱a̱u̱ 20:6

Baling edeccai i̱i̱te̱ni̱ wa adahe ol Kwo̱o̱r wa Umunet wak iróng Amukcari, kar kotodda i̱bo̱ o̱rge̱ ci een Vilipi, kar bali i̱i̱nya̱ tu̱r kurumtowa ki nogo o̱rge̱ ci een Troas kar ka̱vvu̱ta̱ nginati i̱i̱nya̱ turgerem.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

Roma 15:24

Korongi anna ku̱tu̱gu̱ zoz cu ming kokko anna lo̱o̱ce̱ ci een Spain. Aave zin zoz ci kokko anna kadiranung zinine cinanni, kar eeltawang eronta, ngati arrak anna ka̱vvu̱to̱ ki i̱ge̱t do̱yo̱i̱t.

1 Ko̱ri̱nto̱ 2:4

Okko zoz bali Ta̱mu̱ta̱dde̱no̱ kuwahekkung anna i̱ge̱t ke̱, iróng anyak genyiz ki zoz ci kommogekung zoz neci, abarik ka̱du̱wa̱kku̱ng go̱o̱le̱ ci doiz ci Vongiz ci A̱li̱le̱,

2 Ko̱ri̱nto̱ 12:12

Baling ngen kaavtte bu̱k, ku̱tu̱gu̱ kaal cik i̱ye̱la̱ ke̱e̱ni̱ anna to̱ni̱a̱t ci Ki̱ri̱sto̱ de̱de̱, go̱o̱le̱ ci ku̱tu̱gu̱ kaal cik meelek giir a̱vu̱la̱.

Ga̱la̱ti̱a̱ 3:5

I̱yo̱ko̱ a̱a̱nyu̱ng Ta̱mu̱ta̱dde̱n Vongiz ci A̱li̱le̱, kar ku̱tu̱gu̱ kaal cik a̱vu̱la̱ orgene cunno̱ng, iróng enne ogon kaal ne̱ke̱ eci niga azunnu lo̱ti̱nno̱k, a̱a̱nyu̱ng eci niga a̱tu̱yyu̱ kaviyak balik iziktu ke̱.

Kolosiya 1:25

Kiize anna du̱ca̱i̱t ci ol wak a̱tu̱we̱ eci Ta̱mu̱ta̱dde̱n atahala annita, kar kaanya li̱ngli̱ngo̱n necu kar ku̱du̱wa̱u̱ng zoz cinne do̱o̱k.

1 Te̱se̱lo̱ni̱ka̱ 1:5

Ma̱rri̱t baling kanyaktaung kaviyak cik abunna Ta̱mu̱ta̱dde̱no̱ obod ki zoz ci Ye̱su̱ wa atahalai. Iróng ba̱li̱ye̱ een kaviyak cik ku̱du̱kta̱ zar ulla ci a̱a̱nyu̱ng elemtta zoz ci Ye̱su̱, een abarik komize ci Ta̱mu̱ta̱dde̱no̱ ki Vongiz ci A̱li̱le̱ ci bali a̱li̱ngli̱ng orgene cinna. A̱gga̱yyu̱ ri̱t bo̱do̱k niga bu̱k niko baiz cinna̱ng baling kabak ki i̱ge̱t ke̱.

2 Ti̱mo̱te̱yo̱ 4:17

Abarik wazin neci, uzuta Manyi kar zin kaanya komiz ci kuwaheke ol kaviyak ciginnek ju̱rru̱m, kar ol wak iróng een Ya̱u̱d do̱o̱k kiziyet. Eelawa zin Ye̱su̱ daiza.

I̱bu̱ru̱ 2:4

I̱ye̱le̱kke̱t Ta̱mu̱ta̱dde̱n ti̱ri̱ze̱ne̱t cu, bali u̱du̱wa̱ Ye̱su̱ ke̱ go̱o̱le̱ ci ogone kaal cik a̱vu̱la̱ kar enne ki̱ye̱la̱ ti̱ri̱ze̱ne̱t cu kaale cik abunna aanyik Vongizi ci A̱li̱le̱ nogo.

1 Peturu 1:12

I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.