Roma 15:14 - Tennet

¹⁴ Gotonogga ki ngonogga tu̱we̱nta̱, ka̱gga̱yyu̱ng abunnanu niga go̱o̱lo̱we̱ do̱o̱k, eci a̱gga̱yyu̱ zoz ci Ta̱mu̱ta̱dde̱n wa een de̱de̱ ju̱rru̱m, anyakku arizet ci edemezu e̱le̱tti̱ cuggo̱k.

Roma 15:14 ပူးပေါင်းရင်းမြစ်များ

1 Ko̱ri̱nto̱ 1:5

Eci ngatinne izetu niga do̱o̱k ol cik a̱gga̱yyu̱ zoz cinne ngati ozozu ki bo̱do̱k ke̱bi̱nta̱,

1 Ko̱ri̱nto̱ 12:8

Aanyik Vongizi ci A̱li̱le̱ e̱e̱t doiz ci kar enne kozoz arizet ci obod ki zoz ci genyizo. Okko bo̱do̱k ngati e̱e̱t imma aanyik doiz ci a̱gga̱we̱ zoz ci abunna a̱du̱wa̱k ol.

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 8:1

Korongi ku̱du̱wa̱u̱ng zoz ci obod ki da̱i̱ne̱t wak aanyik ol ta̱mu̱ta̱dde̱ne̱t wak adimanai azzine. Ka̱gga̱ naga do̱o̱k kanyak naga genyiz. Aanyyet genyizi kodongit e̱le̱tti̱. Ma̱i̱je̱ rezinet aanyyet ka̱vvu̱t labak kodoit kak.

1 Ko̱ri̱nto̱ 8:10

Ming anyak e̱e̱t ci iróng zinin cinne anime ku̱tu̱gu̱ kaal ne̱ko̱, ming okko enne acinnin, i̱nne̱ta̱ ci anyai genyiz ko̱ ci aave ngati gon atuve ol ta̱mu̱ta̱dde̱ne̱t cik adimanai azzine ko̱, kar bo̱do̱k adait da̱i̱ne̱t cik atuve ol ta̱mu̱ta̱dde̱ne̱t niko, kar enne bu̱k kodola kadak da̱i̱ne̱t cik atuveku ta̱mu̱ta̱dde̱ne̱t cik adimanai keene ko̱.

1 Ko̱ri̱nto̱ 8:7

Ma̱i̱je̱ i̱yo̱ko̱, iróng ol do̱o̱k a̱gga̱ zoz necu. Ngen ol uggak irez to̱do̱yyo̱k wak adimanai azzine kize ta̱mu̱ta̱dde̱ne̱t cigge̱k, ming ovvo adak da̱i̱ne̱t cigge̱k, i̱no̱n nege apahek ta̱mu̱ta̱dde̱ne̱t cik aruge. A̱gga̱ zi̱nze̱tti̱nne̱ cigge̱k abaccit nege, eci ngen i̱no̱ni̱ cinne̱ng iróng okkomi.

2 Ko̱ri̱nto̱ 8:7

Ogonnu niga ju̱rru̱m kaale cik meelek. Anyakku tu̱we̱ne̱t ci okkomi. Anyakku ol cik uwak ju̱rru̱m, i̱i̱rke̱nnu̱, kar irezettu niga agita oroot. I̱yo̱ko̱, abunna ming i̱i̱rke̱nnu̱ ommogit ol do̱o̱k.

Evesos 5:9

Eci baizi vooritena anyaha bunnat ki baiz ci abunna ki zoz ci een de̱de̱.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

1 Te̱se̱lo̱ni̱ka̱ 5:11

I̱yo̱ko̱ zin i̱ti̱lo̱zzo̱ e̱le̱tti̱ kar i̱ti̱lo̱z ol do̱o̱k tu̱we̱nte̱ ci Ye̱su̱ bu̱k ki i̱yo̱ko̱ ming abakku ko̱.

1 Te̱se̱lo̱ni̱ka̱ 5:14

Gotonogga ki ngonogga tu̱we̱nta̱, kilalekkung egerenycek ol cik e̱e̱ggi̱n gu̱u̱rwa̱. I̱ti̱lo̱z ol cik o̱ngo̱o̱le̱ zoz kokkomit zi̱nze̱tti̱. Eelta icima u̱zu̱tte̱ ol cik apirna kar bo̱do̱k inimet ol do̱o̱k.

2 Te̱se̱lo̱ni̱ka̱ 1:11

Kalawekku̱ng Ta̱mu̱ta̱dde̱n odohize, kar Ta̱mu̱ta̱dde̱n kize ne abakttu go̱o̱le̱ ci abunna baize ci korongi abait ki bali ka̱du̱wa̱kku̱ng ke̱. Kalawekku̱ng bo̱do̱k Ta̱mu̱ta̱dde̱n cinna ka̱a̱nyu̱ng komiz ci ogonnu kaal cik abunna orongnyu u̱tu̱gu̱z eci niga a̱tu̱yyu̱ zoz ci Manyi Ye̱su̱.

2 Ti̱mo̱te̱yo̱ 1:5

Ka̱a̱da̱ tu̱we̱ne̱t wanunne okkomi, ki tu̱we̱ne̱t wa ya̱ngtu̱nne̱ Loyiz, ki tu̱we̱ne̱t wa yaatunne Yuniz, ka̱gga̱wa̱ niko aanyi i̱nna̱ bu̱k tu̱we̱ne̱t neci.

Vilomene 1:21

Keheriki anna i̱nne̱t waraga cu eci kariki anna i̱nne̱t zinin, e̱e̱ni̱ e̱e̱t ci o̱ngo̱o̱li̱na̱n, ka̱gga̱ ogoni atin i̱nna̱ kaal cik meelek cik ngen anna ki̱jji̱n bu̱k.

I̱bu̱ru̱ 5:12

I̱yo̱ko̱ zin, a̱gga̱yyu̱ wo̱ye̱ ette niga zoz ci Ta̱mu̱ta̱dde̱no̱ ju̱rru̱m kar edemezit ol u̱gge̱. Abarik niga orongnyu e̱e̱t imma ci kar kedemezung zoz ci Ta̱mu̱ta̱dde̱no̱ bo̱do̱k. Ogonnu niga ki dooli cik ngen idice, ngen aud i̱ra̱ do̱, iróng adak á̱há̱t.

I̱bu̱ru̱ 6:9

Imma niga gotonogga ki ngonogga tu̱we̱nta̱, ka̱du̱wa̱kku̱ng kaal ne̱ke̱ ko̱ eci ka̱gga̱yya̱ niko ming ogonnu kaal cik abunna cik okkoyyung go̱o̱le̱ ci ruget wa aave udut.

2 Peturu 1:12

I̱yo̱ko̱ zin zo̱ze̱ necu, a̱gga̱mta̱u̱ niga kaal ne̱ko̱ la̱du̱n, akateu zin zo̱o̱ lo̱o̱c tu̱we̱nta̱ zo̱ze̱ ci een de̱de̱, ngen anna kemenna ka̱du̱wa̱kku̱ng ka̱a̱da̱ku̱ng kaal ne̱ko̱ dee.

1 Jon 2:21

Keherakkung zin anna zoz cu, iróng een zo̱ze̱ ci ibbezzu niga zoz ci een de̱de̱, abarik eci niga a̱gga̱yyu̱ zoz ci een volong, i̱llo̱i̱ zoz ci een de̱de̱ ci a̱kku̱ nginati.