Roma 15:12 - Tennet

¹² Eher bo̱do̱k a̱ri̱to̱i̱ti̱ ci zoz ci Ta̱mu̱ta̱dde̱no̱ een zara Isaya, azi ne, “Ingazi atin Egeroci ci e̱e̱t ci een Jesse, kar ki̱ki̱ya̱ kize alaan ci abal lo̱o̱cco̱k do̱o̱k; kar atin ol cik iróng een Ya̱u̱d do̱o̱k kartik zi̱nze̱tti̱ nonno.”

Roma 15:12 ပူးပေါင်းရင်းမြစ်များ

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Ma̱te̱yo̱ 12:21

Ovvo atin ol lo̱o̱co̱we̱ do̱o̱k arike zar ciginnek zi̱nze̱tti̱ cigge̱k.”

1 Ko̱ri̱nto̱ 15:19

Ming een zo̱ze̱ ci baiz cu do̱ ci karike naga zi̱nze̱tti̱ Ki̱ri̱sto̱, kapirna wo̱ye̱ naga kommogit ol wak lo̱o̱tu̱ do̱o̱k.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

1 Peturu 1:21

A̱tu̱yyu̱ zin niga Ta̱mu̱ta̱dde̱n zo̱ze̱ cinne, Ta̱mu̱ta̱dde̱n ci ba̱li̱ye̱ ingane nonno daiza kar ki̱di̱ngdi̱nga̱n nonno, aave zin tu̱we̱ne̱t cunno̱ng ki zoz ci arikku niga zi̱nze̱tti̱ Ta̱mu̱ta̱dde̱n.

1 Jon 3:3

Imma e̱e̱ti̱ ci arike zinin zoz ci Ki̱ri̱sto̱, adiman ele cinne ki̱li̱li̱, ki i̱yo̱ko̱ Ki̱ri̱sto̱ ming a̱li̱le̱ ko̱.

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 5:5

A̱nne̱ka̱ zin lo̱ddi̱ki̱ro̱ci̱ co̱de̱ lo̱ddi̱ki̱re̱i̱ ne̱ke̱ ne, “Jahe, ma a̱lu̱! Cin E̱e̱t ci akanonik zara cik een Maa ci Boor ci Ju̱da̱, biilet wa Da̱vi̱de̱ ming ommog kaal do̱o̱k. Uule enne kar ku̱du̱l mutula turgerem kar ku̱pu̱k waraga.”